الفزززززززززززعه الله يسعدكم

السلام عليكم ورحمه الله وبركاته


صبحكم مساكم فل وياسمين



بحط موضوعي بين يديكم وتكفووووووون اللي عنده خلفيه لا يبخل علي





الحكايه وما فيها اني درست تمريض دبلوم عالي يعني 3 سنوات ونص تبع جامعه الملك سعود

بالبدايه حبيت المجال بس بعد ما درست سنتين كرهته كره العمى لان تفكيري كله صار ابي ادرس طب عام وجراحه


خلصت سنه ثالثه وبرمضان اللي فات كلمت كليه المعرفه تدرس طب عام وجراحه ومجالات طبيه عموما

وقلت لهم اني درست تمريض وابي احول طب قالو نقبلك وسئلتهم عن معادله المواد رفضو رفض بااات

خير دارسه 3 سنوات ونص تمريض وادرس 7 سنوات طب اذا على كذا عمري كله راح دراسه


طنشتهم وكملت تدريبي


وانا اتدرب اخذت التدريب المكثف في قسم الطوارئ


شفت الدكاتره كيف يشتغلون هناك


في النهايه عجبني شغل paramedic اللي هم اطباء الطواري

حبيته كمهنه عن جد ممتع جدا جدا


وسئلت وحده من الدكتورات عندي عن طب الطوارئ شجعتني مرررره عليه وقالت لي اطباء الطوارئ هم ناس قليلين بالعلم ومرغوب فيهم خصوصا بالفتره هذي دراستهم فيه دبلوم سنتين ونص (خاص) وفيه بكلوريس خمس سنوات’, المجال توه فاتح جديد

الى الان بس مستشفى الحرس هم اللي فتحو بكالوريوس يعني لو حصلك بعثه برا لا تفوتينها لان الشهاده برا غيييير اللي هنا وخصوصا ان عندك basic (اساس) كبير بمجال الطب يعني مقارنه بغيري انا افضل منهم لاني اختلطت بهذا المجال كثيييير



كلمت اهلي عن البعثه ووفقو وقالو يطلع معي اخوي




انا خلصت فتره التدريب بس باقي وثيقه التخرج\



سؤالي بعد هالقصه هذي كلها



فيه امكانيه ان الدبلوم يطلعون بعثات ؟؟؟؟


ومتى يفتح تسجيل برنامج الابتعاث ((له اوقات معينه )) ؟؟


ووش تنصحوني فيه من ناحيه احسن الدول ؟؟؟


ووش اختار طب عام وجراحه ولا طب طوارئ ؟؟؟

لان الطب العام سنوات وطب الطوارئ 5 سنوات وانا ابي اقصر مده







جيتكم على باب الله ما اعرف شي وانا نصحوني بهذا المنتدى وقالولي انكم اهل فزعه


وان شاء الله تكونون قد حسن ظني





اسعد الله كل عطاي وجه https://www.otlaat.com/arabtravelers...c2ed90oz5j.gif ورد علي






دمتم بحفظ الله ورعايته

على حد علمي ولست متأكد انه فيه ابتعاث ومدتة ثلاث سنوات كحد اعلى .
باب الابتعاث له اوقات معينه ،،،، تابع الصحف الورقية او الاكترونية
من ناحية الدول ،،، اذكر واحد من الشباب راح استراليا وكان يمدح الدرسة هناك .


طب عام وجراحه ولا طب طوارئ

صراحة السؤال هذا غريب ،،، افضل من يحدد ويختار هو انت ،،، فأنت الذي سوف يدرس ،،، وانصحك بالاتي :

اول القراءة المسبقة في جميع الخيارات السابقة وشف اللي ترتاح له نفسك وترى انك تستطيع ان تمشي فيه

وانصحك بهذه الحروف ( ف + ر+ق)

الفاء = فرصة العمل بعد التخرج
الراء = الرغبة وحبة المجال
القاف = قدرتك على الدراسة في هذا المجال

طبعا والله ما عندي علم اكيد لكن ردي عليك لأني ما شفت احد يرد ،،،

شيء اخر قد لا استطيع الرد في الايام المقبلة وذلك لانشغالي فالعذر والسموحة من الجميع

الله يسعدك بعد قليل


يكفي انك رديت على االموضوع



من ناحيه الاختيار انا اعرف نفسي اني لو ادخل الاثنين ببدع

يكفي اني ابدعت بالتمريض مع اني اكرهه وولله الحمد والمنه






الله يجزاك خير على الرد بصرحه افادني كثير