برنامج السفر الي الفلبين لمدة ايام

بسم الله الرحمن الرحيم
السلام عليكم ورحمة الله وبركاته اعظاء المنتدى الكرام وخبراء الفلبين الرجاء منكم ابدى الاراء حول الفاندق التاليه من ناحية الافضل في السكن لمدة 10 ايام سوف اقضيها في الفلبين اذا شأالله
مع العلم انها الزياره الاولي لي الى الفلبين وعددنا 3 اشخاص وانا اخترت هذه الفنادق لنه يوجد بها سرير اضافي مع العلم ان الرحله ستكون انشألله 15-8-1431 والناقل طيران الكاثي باسفيك والسعر للشخص الواحد 2520 من مدينة جده والتوقف ساعتين في مطار هونككونك احد جرب ونزل في هونككونك يقولنا كيف كان وضع الرحله. هل مبلغ 12000 كافي لمدة 10 ايام يعني معدل 1200 ريال يوميا


الفنادق قي مانيلا وهي في مكاتي
1 - Antel Spa Residences
2-Royal Bellagio سعره287 ريال
3- Millennium Plaza Hotel 340 ريال
4-Citadel Inn Makati
5-BSA Suites سعره295

وهذا الفندق في بوركي واسمه Crown Regency Boracay
وش رايكم في تقسيم الايام التى عددها 10 ايام
3 ايام مانيلا
2 يوم في بوركي
2 يوم باقيو
3 ايام مانيلا
هل تنصحوني بالذهاب الى بوقيا او اكنسلها وهل يوجد بديل اقرب
منها تكون منطقه جبليه ويوجد بها مزارع ارز مثل بونشاك اتمنى من الجميع المشاركه واهداء النصيحه
واوعدكم بتقرير يشفي الغليل باذن الله

اهلين اخوي بخصوص فترتك قصيره جدا لكن مايمديك تمر المناطق ذي كلها لذلك اقترح عليك الاتي
مانيلا اول يومين وبعدين تطلع ع بوراكاي 3 ايام والعوده لمانيلا عندك خيارين باقيو او جزيرة بوتوغليرا وبخصوص المبلغ للشخص الواحد يكفيك ان شاء الله ومطار هونج كونج لم يسبق لي الذهاب هناك
ولو تمر ع موضوعي تعرف اكثر عن الفلبين وفي مقطع فيديو عن الريجنسي ببوراكاي جميل جدا
http://www.arabtravelersforum.com/travel404579/
واي خدمه تحت امرك
تحياتي

اهليييين باخوي وحياك الله ......

ماازودي على اخوي وتاج راسي العاطل .....عشرة ايام قليلة بالمررره سبق وانا رحت لمده عشرة ايام وخططت زيك بس الظروف ماساعدت يعني الحجوزات ماتجي على الكيف ...وغير كذا تعتبر الزياره الاولى لك يعني الترتيب راح يكون صعب خذها نصيحه منى وراح تدعيلي ...مانيلا خلها حق الراحه بس ...يعني اول ماتصحى دور لك على حجز لبوراكاي او خذ الترتيب هذا ...
1 مانيلا
2 بوهول ...وبعدها طيران على بوراكاي
3 مانيلا ...

باقيو ماانصح فيها الايام هذا بس جرب حظك لانها امطار ووقت عواصف بس سبق وزرتها قبل شهر الصراحه بونشاك راح تنساهاه ...

بالنسبة للفنادق في مانيلا انصحك فندق الافينو ممتاز بالمررره وبعده عن الزحمه والرجه ...

بوراكاي فيه فندق حلوو وسعره مناسب تقريبا اسمه la camil زي كذا تراني مو متأكد بس ابحث بالنت وراح تحصله ..

اما هونج كونج والله بصراحه راح تدعيلي خله جنب الدريشه وشغل الكاميره لانك راح تنزل على المحيط الاطلسي يعني كفرات الطياره على الساحل ...منظر ياساتر .......

ارجو اني افدتك ويعطيك الف عافيه هههههههههههاه لانتسى التقرير وعد

حمودي حماده سكر زياده

العاطل & حمودي حمادة يعطيكم الف عافيه على المشاركة
راح اسمع كلامكم واخذ الافينيو وراح اطير على بوركاي 3 ايام او يومين ثم اعودج الى مانيلا واذهب الى المناطق القريبة منها مثل تيقاتي او جزيرة بوترغلير لكن انا والله اموت في الطبيعه اخايف انه ما تكون مثل اندنوسيا الرجاء التشجيع منكم لنى بصراحه خايف من شغلة التايفون وللامانه اصحابي ما قلتلهم على التايفون خايف يهونون

وسؤال الى الاخ حموده كيف كان وضع الرحله عبر خطوط الكاثي باسفك وشكرا لكم
واوعدكم بتقرير لا مثيل له لنى محترف تصوير

معليش يا حمودي والله ابسطني بمشاركتك والله يعطيك العافيه
بخصوص اللغة لا تشيل هم محسوبك بكالوريس لغة انجليزية
بخصوص سيبو و بهول راح استبدلها ب بوترغلير لنها قريبة من مانيلا وما تحتاج طيران لكن غريبة ما ذكرتلي بوركي اللى مصر اني اروحها من كثر ما سمعت عنها
وش رايك اريح في مانيلا اليوم الاول وادور على برنامج الى بوركي خلال هذا اليوم واليوم الثاني اذهب الى بوترغلير واجلس فيها يومين بعد كذا ارجع مانيلا واطير على بوركي
ارجوك اذا تعرف منطقة قريبة من منيلا فيها طبيعة حلوه تذكرها لي لني مكثر ما قريت بالمنتدى راسي ضرب
اخوك ملازم gretafullman

شوف يااخوي الملازم بس هههاه لا تصير ملازم بمطار جده تراني دايم اجي لمطار جده وتصير تأخيرات ومشاكل طيران اذا كان كذا ماراح ارد عليك https://www.otlaat.com/arabtravelers...b535143dv2.gif ...مزحه اخوي الملازم ...

انا ماتكلمت عن بوراكاي عشان انك رايح لها من غير شر يعني روحتك للفلبين عشان الجزيرة بس حبيت ادور لك مدينه ثانية مع بوراكاي ....فكرتك حلوووه بالمررره انك تريح لك يوم وبعدها تدور على حجز بالنسبة للحجز اذا كانت الميزانيه تسمح شوف الريجنسي ولا المندرين تراهم جنان بس بالنسبة لي ماراح اوصلهم https://www.otlaat.com/arabtravelers...b53512ompe.gif عندك خيارين انك تاخذ بكج عن طريق احدى المكاتب السياحيه انصحك فيه مكتب بفندق الستيدل ان باللوبي يقولون فيه عروض حلوه طبعا موقع الفندق بمكاتي وخذ لك بكج واحلى وناسه ....والخيار الثاني انك تروح لمكتب السيبو باسيفك وتاخذ لك رحله بس وتنزل على الجزيرة وتدور بكيفيك على الفندق الي تبي يقولون انه كذا ارخص بس هاااااه تراني ماجربت كل الشغلتين وحتى بوراكاي مازرتها بس كله من خير هالمتندى .....

بالنسبة لبورتوغاليرا انا زرتها سنة 2009 بشهر مايو كان الجو جنان واحلى وناسة بس نصيحه خذ لك فيها 3 ايام ولفها كلها ...للمعلومية فيها ثلاث جهات انا زرت جهة واحده الي هي الوايت بيتش فلة ورجه واحلى وناسة اغلب فنادقها ممتازه بس لايوجد فنادق عالمية ...فيه فندق يعتبر خمس نجوم بس مو على الشاطئ اذا كنت مصر راح ابحث لك عن اسمه ...الجهات الثانية شوف تقارير الاخوان ....اما عن كلامك عن اي منطقة قريبة من مانيلا شوف انا مازرت الا بورتوغاليرا وباقيو ...بس تقاي تاي ولاقونا وبتنقس وسوبيك يقولون انها جميلة بس ماعندي اي معلومات عنها .......

رحلة موفقة ..............

اخوك ....فني سجلات طبية .....حمودي حماده ......سكر زياده ......