خبراء باريس بليز ردو علي

السلام عليككم ورحمة الله
والله مالي الا الله ثم هالمنتدى ربي يوفق ويجزا كل من كتب فيه وفاد المسلميين

--
تكفون انا توهقت والله https://s.yimg.com/qn/cdn/images/spo...es/new/002.gif مهمومه ومانااامhttps://s.yimg.com/qn/cdn/images/spo...es/new/003.gif
حجزنا على باريس وكنا مقررين نجلس بباريس اول يومين واخرثلاث ايام
والست الايام بالنص نروح لسويسرا وحجزت على هالاساس فنادق باريس وكانت
فندق explorer اللي بديزني لاند
وبنجلس فيه يومين
والثلاث الايام الاخيره حجزنا بشقق فندقيه اللي هي هذي
Appart'City Saint Maurice
14-24 Rue Maréchal Leclerc, 94410 سا موريس

الوهقه اننا هونا عن سويسرا وبنكمل بباريس
طيب وين نجلس هالست الايام اللي بالنص باكسبلورر والا الثاني الشقق الفندقيه ؟؟

انا قررنا نجلس بالثاني وخصوصا انه رخيص بس قرأت التعليقات عن الفندق بالصدفه اليوم وتخوفت !!
والله العظيم مره مهموومه وش السوات ؟
احد سكن فيه هل هو امن وش تنصحوووني فيه ؟؟ لاننا بنات مع اخونا بزر ونبي اكثر امان فيهم
مافيه ريفيند !! يعني فلوسنا طارت فاجباري نجلس فيه
بليز ساااعدوني وين نقضي الست اللي بالنص :( !
الرحله يوم 19 مارس حتى 30

--
ثاني سؤال
كيف اوصل للفندق الاول اللي هو اكسبلورر من المطار وخصوصا اننا بنوصل على سبع الصباح
ولاحد فاهم شي فيناا ؟
ناخذ تاكسي ؟ نركب ميترو ومن اي محطه ووشلون ؟
ينفع نقضيها تكاسي ! كرهنا المترو من مواقف صارت لنا مره
--

ثالث سؤال
لاوصلنا نروح نسجل جوازتنا بالسفاره شي ضروري والا ماله داعي ؟؟


--

الرابع سامحوني :(
هل ناخذ بطاقاتنا حقتنا حقت صرافاتنا السعوديه ( قايله لكم متنحييين ) وهل ضروري فيزا ؟؟
عادي اخذ كاش بدون فيزا ؟ اذا ضروري الفيزا يصلح اخذ فيزا مسبقه الدفع ؟
وش تنصحوني بافضل وحده
وكم الكاش اللي اخذه معي .. غير عن الفنادق لمده 11 يوم مصروف اكل العاب
--
المشتريات لازم لها جمارك ؟
والا الجمارك للشي الكثير وش سالفة الجمارك ؟ اخاف ندرعم وندخل بسين وجيم


تكففففووون لاتطنشوني بكره بكمل حجز
الله يوفقكم ويسخرلكم
وسامحوني ثقلت علييكم بالاسأله https://s.yimg.com/qn/cdn/images/spo...es/new/002.gif

اللي ماله خلق يرد :(
يرد ع السؤال الاول بسسس :( بليز ضرورررري

الشقق كنسلوها .. وبدلوها في منطقه امن وعلى حسب ميزانيتك راح افيدك


http://www.parishuttle.com/paris_air...r=Paris%20City

هذا موقع باصات من المطار الى ديزني


الافضل تسجيلها لا قدر الله صار شي يصير صوره الجواز عندهم والله الحافظ


مافيها مشكله انك تاخذين بطاقتك العاديه بس الافضل فيزا مسبقه الدفع بالنسبه لي ماقد اخذت الا بطاقه الصراف العاديه

اما الصرفيه الان اليورو ارتفع الله يعينيكم بس ع حسب صرفيتكم يعني بعض الاحيان الواحد ما يحتاج يصرف الا 70 الى 80 يورو في اليوم والحسبه عليك وانتم ادرى با انفسكم بس ابي اقولكم باريس غلت عن اول

سؤالك عن الجمارك ...وش قصدك السعوديه ول الفرنسيه ؟؟

اذا كان الفرنسيه اذا شيرتوا من المحلات خذوا منهم تاكس فري ولك الخيار يا انهم يرجعونها في الفيزا او كاش ...انتم ع راحتكم وش ودكم اذا كان ودكم تاخذونها كاش فالله لا يهينكم تاخذونها من المطار .. لازم مشترياتكم في المحل الواحد لا تنزل عن 176 يورو لاستحقاق التاكس فري ... وفي ديزني تشترون ب 176يورو من كامل محلات ديزني المتوفره في البارك او الاستديو او برا حتى ... بس في نفس اليوم .. ونفس الشي في الغاليري لافييت ..

مغرور نجد الله يعطيك الف عافيييه ماتقصرر
شلون كنسلوها ؟؟
انا حجزت بالشقق الفندقيه الثانيه وتمموا حجزي وخذو فلوسي !! ؟
ووش المنطقه الامنه اللي تقصدها ؟؟
انا وضحت بالبدايه انا خلاص اوردي حجزت بالاول اول الايام واخرهم بالشقق الفندقيه
فهمت علي ؟؟ انا حجزت الفندق اللي بديزني يومين بالفين وشوي والثلاث الايام الاخيره بثلاث وشوي
يعنو صارو سته الاف
وش اسوي طيب ؟ احس فيني الصيحه وربي !!
يعني لعب علي المكتب ؟؟
Appart'City Saint Maurice
هذي اللي حجزتها تكفى الله لايهينك شيك عليها

انا خمس نبي كلنا مع بعض مانبي نظام الفنادق كل مجموعه لحالهم

..

انا ابي اخذ كاش وابي مبلغ بالفيزا بس هالمبلغ مابي اصرف منه احتياط
ينفع بالمسبقه الدفع ؟؟ يعني لارجعت السعوديه استبدله بكاش والا شلون ؟

..
سوري مافهمت سالفه التاكس فري
سامحني بس ترا اول مره اسافر اوربا
الحين لو بشري شناط هاي هيلز اللي يكرمك عطورات اي شي زي اللي اشريهم من دبي
ماضبهم بالشنطه وامشي ؟؟ والا يفتشون بالمطار وادفع لهم !
هذي اللي انا فاهمته ومتعوده عليه

تكفى مغرور الله يطول بعمرك ساعدني بسالفة الشقق الفندقيه منقهررره وربي

وسامحني https://s.yimg.com/qn/cdn/images/spo...es/new/002.gif

وشوله تصيحين كلها فندق ويمكن بالامر خيره
اخوي عبدالله عطاكم رابط للباض
فيه بالمطار باصات ديزني لونها اصفر الشخص تقريبا 18 يورو بس الافضل بنظري اذا انتم اربعه تاكسي الي الفندق افضل من باص ديزني اللي مش اكيد بيوقف كل واحد في فندقه

اكسبلور كويس ورائع ومن الفنادق الجيده
زين هالست الايام روحوا فيها ايطاليا او اسبانيا بس خلوكم حريصين
بمعني اصح مالكم شغل بأ يشخص هناك يسلم عليكم او يعرض خدماته
تقولون نبي فرنسا ستراسبورغ حلوه بس برد عليكم وقريبه من يورب بارك في المانيا او روحوا بلجيكا كم يوم

صراحه السكن سيء جدا
اختي المنتدي لا يملك عصا سحريه الحين الفاس طاح بالراس لك حل تكلمين المكتب يرجع المبلغ لأن مهما كان قولوا لهم كنسلنا سفرتنا صارت ظروف الغي علي الاقل فندق باريس او انتم تواصلوا مع الفندق في باريس انه يكنسل حاولوا وباذن الله تقدرون

والله سكن في لاديفانس انه افضل وكلها خساره ثلاث وشويه افضل من مكان بعيد عنه مترو وبآخر الدنيا شوفي هنا اقرب محطه مترو (يمكن فيه باص بس ما ادري عنه )

من الفندق لاقرب محطه 13 دقيقه
http://maps.google.com.sa/maps?saddr...ra=ls&t=m&z=17

من محطه القريب لكي تصلي الي الشانز يتطلب الامر 33 دقيقه وتغير القطار في محطه اوبرا التي هي قريبه من جاليري لافييت وبعض الاماكن
بحثت ولقيت باص قريب مشي 7 دقائق ولكن لم استعمله ابدا في باريس وأجهل التعامل فيه واتوقع انه يمكن يوصلكم لاماكن بسهوله
http://maps.google.com.sa/maps?saddr...ra=ls&t=m&z=17

الحل تستخيرون ولو يتم استعاده نصف مبلغ الشقق افضل من السكن بها لبعدها

أخوي فيصل مانقدر نروح متخوفين مره وبعدين ايطاليا وسويسرا بعيدات يبيلها خمس ساعات قطار واكثر والمشكله دخولنا وخروجنا من باريس
مع اننا طلعنا فيزا متعدده وضبطنا الفنادق بس عقب حسنا قلنا بيروح وقتنا بالقطارات يعني
اربع ايام بتروح ع الفاضي يومين بتضيع بالقطارات ويوم الوصول بنكون مواصلين ويوم العوده رحلتنا الظهر وبنكون من بدري بالمطار
نكدو علي بذا الفندق المشكله اني اقول لصاحب المكتب هذا قريب من ايفيل يقولي ايه !!
بروح اتفاهم معه عساه يرد لو نصه مايخالف
طيب الحين ماتعرفون سكن احنا خمسه مب اربعه
نبي سكن سعره معقول احجز فيه يكون امن وقريب / بروح اكلم المبلغ واشوف وش يصير معنا
الله يجزاك الجنه ماتقصر بس ابي شي معقول الحين احجز فيه

الله يرحم والديك فيه طيران اقتصادي رخيص وشناطكم تحطونها بفندق في باريس اللي بترجعون له وامورك كذا ميه ميه لا وزن زائد ولا شي
يا اختي ارفقي له الحريطه وقولي الفندق غير قريب من المواصلات وحنا متفقات معك اذا ما لان معكم قولي انتظر الشكوي يمكنه خريشه بعد

عطيني التاريخ بالضبط وابشري

هذا رائع وسعره مناسب
http://www.booking.com/hotel/fr/fras...tml?aid=358324

وذي ارخص ومجربه

http://www.booking.com/hotel/fr/adag...tml?aid=358324

الله يجزاك الجنه اخوي فيصل ويطول بعمرك ماتقصر ابشرك تطاقيت معه وقال يومين ترجع فلوسك
وباذن الله ترجع وبحجز باللي تنصحني فيه صح
الحين انا شفت الفندقين الثاني حلو وموقعه كويس بس لقيته ب sar 9,528.31
مافيه ارخص ؟؟ تواريخنا بالضبط 21-3 الى 30-3 يعني 30 بنصلح التشيك اوت وبنطلع للمطار
الله يوفقك ويسخر لك ويجزاك بالفردوس

أنصحك قبل حجز اي فندق .. شوفي التعليقات عليه وبعدين شوفي التقييم العام ..

أفضل برنامجين عشان تشوفين التعليقات booking , tripadvisor من الموبايل

اعتقد ذي مجربه صحيح نفس سعر السابقه بس غرفتين وتتسع لسته اشخاص ممكن مشرفنا مغرور نجد جربها ويعرف اكثر عنها اذا انا مش واهم
http://www.booking.com/hotel/fr/pvkl...tml?aid=358324

اذا انتم خمسه وسكن لمدة 9 ليالي ترون ان مبلغ 9 الاف كثير لا تتوقعي تلقين بأقل من السعر هذا الا في اماكن سيئه أو تحجزون مباشره من الشقق الملاك شوفي الموقع هذا

http://www.homeaway.co.uk/search/ref...ncy/GBP#sp=432

وللرؤيه تجربه تفضلي

http://www.arabtravelersforum.com/travel664742/

https://www.otlaat.com/arabtravelers...quote_icon.png المشاركة الأصلية كتبت بواسطة ahmedyba
http://www.arabtravelersforum.com/tr...5/#post7548505

أنصحك قبل حجز اي فندق .. شوفي التعليقات عليه وبعدين شوفي التقييم العام ..

أفضل برنامجين عشان تشوفين التعليقات booking , tripadvisor من الموبايل



ان شاء الله جزاك الله خير

اخوي فيصل جزاك الله خير وخلاص بحجز هذي اليوم
http://www.arabtravelersforum.com/re...5a1%3Bdcid%3D1
الله يعطيك الف عافيه ماتقصر ويجعله بموازين حسناتك

خيار موفق بإّذن الله وكثير مدحوه صراحه والمترو قريب منكم

https://www.otlaat.com/arabtravelers...quote_icon.png المشاركة الأصلية كتبت بواسطة ahmedyba
http://www.arabtravelersforum.com/tr...5/#post7548505

أنصحك قبل حجز اي فندق .. شوفي التعليقات عليه وبعدين شوفي التقييم العام ..

أفضل برنامجين عشان تشوفين التعليقات booking , tripadvisor من الموبايل



كلام سليمممممم 100٪

انا صلحت اب لموضوعي واسسسفه جداااااا جدااااااااا
فيه كم استقسار الله يجزاكم خير
انا حجزت هالفندق على كلام اخوي فيصل
Fraser Suites Harmonie La Défense

بس ابي وصف للاماكن القريبه ناوين نمشي اكثر من اننا نطلع بالميترو

ينفع واذا فيه وش الاماكن القريبه ووصفها بليز نبي نمشششي
زي الشانز برج ايفل الكونكورد اللوفر ينفع لها مشي ؟؟
القوارب بالسين قريبه مننا ؟؟

ثاني شي زي ماوضحت ااننا حاجزين اول يومين باكسبلور عند ديزني
الحين ينفع اروح من الفندق للاوت ليت وديزني مشي
وهل منطقه ديزني فيها تكاسي ؟؟

الصلاه نصلي باي مكاان ؟؟؟ والا ممنوع !

الصلاه فيه ناس تصلي بالحديقه او اي مكان وفيه ناستصلي بفنادقها
الفندق ما قريب منه الا مول الفصول الاربعه وبالمترو ممكن او مشي
البقيه بالمترو مباشر للشانز 7 دقايق او الكونكورد 9 دقياق او اللوفر او ايفل
ديزني تدقرين تروحين اول يوم الاوت لوت بس مو مشيء فندقكم يوديكم مجانا

الفندق باللاديفانص
منطقة اللاديفانس هي ضاحيه في باريس , تبعد قليلا عن سنتر باريس , و هي منطقه حديثه و راقيه جدا تمتلا بالمباني العملاقه وفيها مجمع للتسوق و المطاعم temps
خريطة باريس بمواقع هذه الاماكن فقط ضع الفأرة على النقاط وتظهر لك حتى صورهم.

http://www.aviewoncities.com/paris/parismap.htm

الله يجزاكم خيييررر فيصل ولندنيه ماقصرتوو ولايحرمكم الاجر
طيب حول فنادق ديزني تكاسي ؟؟ انا متخيلتها منطقه فاضيه مافيها شي
اخاف لاصلحنا تشيك اوت وطلعناا شناطنا كثير ماينفع بالمتروو ونتوهق مانلاقي تكسي
سوري سؤالي ماله سنع بس انا حريصه بزياده واحب اخذ احتياطي بكل شي

لفندق يدبر لكم تاكسي
ثانيا الفندق يوصلكم الي الاو ت لوت او محطه ديزني بتلقون تكاسي

الله يوفقك اخوي فيصل ويسخر لك ويرزقك من حيث لاتحتسب
والله العظيم اني ادعيلك كل تخطيطي انت اشرفت عليه الله لايحرمك الاجر

الله يستر من تخطيطي لك خخخخخخخخ
موفقه يا اختي
ولك بالمثل

وشدعوه والله واثقه في رايك واستفدت من كل شي كتبته لي او للاعضاء تراي ماكنت اعرف الا اسم باريس
يعني انت دليتني ع الفنادق والميترو واستفدت كثيرر الله يعطيك العافيه

جزاك الله خير اخويه فيصل على مساعدتك للأخت الفاضله والله يوفقج يا نوره وان شاء الله شهر 4 بكون في باريس بس لين الحينه ما رتبت اي شي

مزيون وياك ان شاء الله اهم شي احجز فندق على الاقل لان كل الاسعار غاليه انا الفندق الاخيرر حجزت تسعه ايام ب 14 الف وشوي
لا وكنت معارضه على تسعه الاف مابي ادفع زود بس سبحان الله مدري شلون صصار هالمبلغ

https://www.otlaat.com/arabtravelers...quote_icon.png المشاركة الأصلية كتبت بواسطة NURA SA3D
http://www.arabtravelersforum.com/tr...4/#post7592684

الله يجزاكم خيييررر فيصل ولندنيه ماقصرتوو ولايحرمكم الاجر
طيب حول فنادق ديزني تكاسي ؟؟ انا متخيلتها منطقه فاضيه مافيها شي
اخاف لاصلحنا تشيك اوت وطلعناا شناطنا كثير ماينفع بالمتروو ونتوهق مانلاقي تكسي
سوري سؤالي ماله سنع بس انا حريصه بزياده واحب اخذ احتياطي بكل شي



المترو في ديزني بالضبط لاتشيلون هم

وانا خوك عادي والله وهي تمشيه بس وقتكم مره قصير المفروض يكون اقل شي 10 ايام عشان توزن الامور اما 5 ايام افضل شي تقضيها بباريس احسن وتغير الشقق اللي انت فيها وتشوف لك افضل وارخص كثير فيه

ههههههههههه
انا حجزي في 21 مارس
اختي بقولك حاجه خذي سياره خاصه تقريبا 100 يورو وريحي نفسك
من الخوف وغيره اول ما تركبين مع السياره عطيه ورقت الحجز اللي فيهااا اسم الفندق وهو راح يروح دايركت
لان الورقه يكون فيها احداثيات للفندق وهم مايمشون الا بالجهاز القارمن

من المطار للفندق والعكس تاكسي اريح شي

عشق بدوي انا قررت اخذ تاكسي من المطار
المشكله راسلت شركه وكنت ابيه باليوم تقريبا مشوارين اولاث لان امي ماتحب المتروو وعيت عليه مره
وراسلت شركه قالي اطلع لك اليوم ب 380 يورو ولان هالموقت مب موسم مصلح ديسكاونت ب 360
خيييرر كلها مشوارين وحول بعض
انا مخليتها لوقتها عاد وش يصيرر ووش بيصير الله العالم
تتيسر ان شاء الله والله يتممها علينا وعليك
مشكور اخوي

==

لندنيه لبى قلبك هذا اللي بيصير
الف شكر لك حبيبتي لاخلا ولاعدم

العفو وبالخدمه