بغينا فزعتكم يا أهل الخبره

السلام عليكم ورحمة الله وبركاته

بغيت فزعتكم في جدول لسفرستي لباريس:

الوصول 3.4.2013
المغادرة 14.4.2013

الأشخاص زوج وزوجته وطفل 3 سنوات ونص وطفله رضيعه 9 شهور

مطار الوصول والمغادرة في بروكسيل بس الوجهه الأساسيه لباريس وديزني
قررنا نبات أول ليله أو ليلتين في بروكسيل بس مب عارفين وين الوجهه الثانيه تكون باريس أو ديزني أو بالمكان اللي بتنصحونا
ودي أزور منطقة ريفيه قريبه من باريس وأبا طريقة المواصلات والمده وهل موضوع التنقل من منطقه لمنطقه متعب خاصه أن معانا أطفال
تقريبا المده 11 يوم واللي أعرفه أن المده طويله للقضاء في باريس و أبا نصحكم في ترتيب جدول لسفرتي ولكم جزيـــل الشكر والتقدير

هلا اخوي
بما ان معاك اطفال مانصحك بالتنقلات الكثيرة
ولكن ممكن تقسم الايام كما يلي
اول ليلتين ببروكسل
ومنها الى باريس 3ليالي
ومنها الى ديزني ليلتين
والرجعةليلة لباريس
ومنها الى مدينة بروج مدينة حلوة ببلجيكا اجلس بها ليلتين
والسفر الى بلدك

وعليكم السلام ورحمه الله وبركاته
يمدحن مدينه ليل الفرنسيه قريبه من بلجيكا ممكن تخلي لها ليله وروح بالباص ارخص
تخطيط ابوطلال رائع بس ما اعتق يحتاح يرجع ليله الي باريس ممكن يضيفها اي مدينه

تقريبا نفس خطتنا بس انتم زياده يومين
الجدول حقنا اذا حاب تسوي زيه
التوجه مباشره الى
بروكسل 3 ايام بعدين بروج يومين وبعدين 3 ايام باريس

انتم انصحك خمس ايام باريس تزورون دزني منها
وبروج جميله ممكن اذا حاب تخليها ثلاث ايام وتزورون المناطق اللي جنبها

رحله سعيده

ستراسبورغ جميله جدا تبعد 480 km