ممكن مساعدة فضلاً لا امرا
السلام عليكم ورحمة الله
أنا جاية زيارة للكويت الحبيبة بعد كم يوم https://www.otlaat.com/arabtravelers...ad50bsmile.gif وحابة اسألكم عن عدة اشياء :
1/وين ألقى محلات بيع وتفصيل الدراعات ومحلات العبايات ؟
2/ وين القى محلات تقليد الماركات للشنط ؟
3/ وشو تنصحوني فية بالنسبة للمطاعم للاكلات الشعبية و المشويات ؟
مع الشكر الجزيل مقدماً,,,,
رد: ممكن مساعدة فضلاً لا امرا
وعليكم السلام ورحمة الله وبركاته
محلات تقليد الماركات تلقين بالمباركية وفيه ان ماخاب ظني بالفحيليل (كويت ماجيك)
رد: ممكن مساعدة فضلاً لا امرا
السلام عليكم ورحمة الله
وعليكم السلام ورحمة الله وبركاته
أنا جاية زيارة للكويت الحبيبة بعد كم يوم https://www.otlaat.com/arabtravelers...e155dsmile.gif وحابة اسألكم عن عدة اشياء :
حياج الله ببلدج الثانية الكويت وإن شاءالله تستمتعون عندنا
1/وين ألقى محلات بيع وتفصيل الدراعات ومحلات العبايات ؟
الدراعات ( الحين موسم دراعات شهر رمضان المبارك وتلاقينها في المعارض التالية )
هيلتون الكويت بالمنقف ( أسعار علالي يبيلهم مكاسر لأنه من أعمال مواطنات كويتيات )
بيت سدرة و بيت ديفا في شرق شفتي مستشفى الأميري المقابل لسوق شرق البيتين على طرف المستشفى ( بعد الأسعار علالي يبيلهم مكاسر لأنه من أعمال مواطنات كويتيات )
وفي أرض المعارض بمنطقة مشرف بيكون هناك معرض أسمه كويتيات من تاريخ 30 \ 6 و 1 و 2 و 3 و 4 \ 7 ( بعد الأسعار علالي يبيلهم مكاسر )
ومجمع الأوقاف في منطقة شرق
وعندج البلوكات الرخيص والغالي ( سوق الأقمشة الرأئدة بالكويت محلات أقمشة نسائية و محلات كلف و في بعد بالبلوكات يسمونه سوق الصفاة فيه فوق خياطين تشوفين الموديل والخام عنده ولا تجيبين الخام أنتي لو ما عجبج بس معلومة الحين زحمة وممكن الدراعة 10 ليالي تخلص ) يفضل البلوكات أول مكان تزورونه
وفيه معرضين يبيع دراعات جاهزة وخام وكلف التراث الهندي و ميسور ويكونون في سوق الصفاة هذي صورة للبلوكات
https://www.otlaat.com/arabtravelers...c26271cab0.jpg
وبعد فيه العربيد منطقة الفروانية ( نفس البلوكات بس كله خياطين الموديل والخام عنده )
وقباله مجمع مغاتير فيه محلات عبايات
والعبايات
عندج سوق الفحيحيل ( سلمان الدبوس ) فيه محلات عبايات وبعد ما أنسى فيه محل للدراعات بالسرداب أسمه حبابة وأسعاره رخيصة
و مجمع البيرق في منطقة العقيلة فيه محلات عبايات ملاحظة شفتي مجمع البيرق حوالينه مجمعات ثانية مثل الليوان وأوتاد وأوتاد فيه محلات وايد للعبي النوخذة 1 والنوخذة 2 فيهم محلات عبي وملابس رخيصة ومحلات للمواعين ومحلات مركزية عائلية مثل النصر والمعلم
2/ وين القى محلات تقليد الماركات للشنط ؟
ما قصر أخونا tab_al الله يجزاه خير
ما أعرف إلا بالفحيحيل والمباركية بالسرداب
3/ وشو تنصحوني فية بالنسبة للمطاعم للاكلات الشعبية و المشويات ؟
وماقصر بعد أخونا tab_al الله يشافي والدته ويقومها بالسلامة إن شاءالله
مع الشكر الجزيل مقدماً,,,,
لا شكر على واجب كلنا بالخدمة
ورحلة موفقة بإذن الله
رد: ممكن مساعدة فضلاً لا امرا
شكراً لك اخوي tab_ el ماقصرت والله يعافي والدتك ويشفيها ويقومها بالسلامة
واشكرك اختي هدوء العالم كفيتي ووفيتي الله يجزاك خير