رحلتــــي إلى شلالات نيآجرآ الخلآبه

السلام عليكم و رحمة الله و بركاته
...
......
.........
اخواني و اخواتي

..
اخيرا زرت شلالات نياجرا
اللي تتجلى فيها عظمة الخالق عز و جل ..
...
فعلا طبيعة سآحره بمعنى الكلمة ..
...
نبدأ من البداية
ملاحظه : كل الصور اللي فالتقرير من الانترنت و ليست من تصويري .
الشلالات على الحقيقه احلى من الصور بواااايد .....
رحلتنا كانت فالسيارة من cleveland الى niagara falls
استغرقت الرحلة تقريبا 4 ساعات ..
طبعا عالhigh way كانت الاستراحات موجوده و بعضها فيها مطاعم ..
..
و بعد هالساعات الطويلة وصلنا الى niagara falls ..
وقفنا سيارتنا فالباركنات اللي عندهم اعتقد انها مخصصه حق زوار الشلال
و ال state park اللي هي الحديقه المحيطه بالشلال من جهة امريكا ..
...
شلال نياجراالامريكي صغير بالنسبة الى شلال نياجرا الكندي
..
و رؤية الشلال من كندا افضل من امريكا .. لانه الشلال الامريكي يكون عدالك على طول ..
بس تقدر تشوف الشلال الكندي من امريكا عادي .. الكندي عباره عن شلال دائري بشكل قوس يعني ..
لذلك هو احلى من الامريكي ..
http://www.0zz0.com
هاذي صورة الشلال فالليل ( الامريكي )
http://www.0zz0.com

http://www.0zz0.comو هاذي صورته فالنهار ( الامريكي )

طبعا الصور ما توصف اللي انا شفته ..
اللي شفته شي خيالي ..
سبحان الخالق ..
الشلال الكندي مثل ما قلت عباره عن قوس او نص دائرة
طبعا اذا وقفتو عدال الشلال الكندي بتتساقط عليكم حبات الرذاذ اللطيفة
بس احيانا تكون قوية .. بس روووعه ..
و من بعيد حتى و انته عالهاي واي تقدر تشوف مثل الدخان الابيض ..
لكن هذا مش دخان هذا رذاذ متجمع من الشلالات الكندية ,,
و هاي صورة للرذاذ

http://www.0zz0.com
..
و هاي صورة اوضح للشلال الكندي
http://www.0zz0.com
...
ارجع و اقول انه اللي شفته اعظم من اللي فالصور
..
طبعا بعد الاستمتاع بالرذاذ قررنا نركب السفينه اللي تاخذك الى احضان الشلالات الكندية ..
ركبنا الاصنصير و نزلنا تحت عند النهر ..
فيه مكان عباره عن سلالم تركبها و تكون عدال الشلال بالضبط .. يعني تاخذلك shower قبل لاترد
فوق .. طبعا هالمكان ممتع .. و هو اختياري ..
هاي صورة للسفينه و هيه متوجهه الى الشلال

http://www.0zz0.com
http://www.0zz0.com
هاذي صورة للسفينة و هي طالعه من المغامره العظيمة ..
تاخذك الى وسط الشلال الكندي اللي يحيط بك من كل الجهات ..
و تحس بالشلال يسحبك و القوة الهائلة اللي فيك
و تدخل فنص تجمع الرذاذ اللي يصب بكل قوة .. طبعا لا تخافون هيه حبات رذاذ كبيره و كثيره..
بس وايد بتتبللون .. لكنها متعة كبيرة ..بشكل لا يوصف ..
....
بعدها تراجعت السفينه ادراجها و البسمة ترتسم على وجوه كل الركاب ..
صغيرا كان او كبير ..
...
بعد النزول ..
تمشينا بجانب الشلال ..
و بعدين سرنا عند مجمع فيه مطاعم و تسوق ..
بس انا ما شفت غير المطاعم المتواجده فالطابق الارضي ..
نسيت اقولكم انه فمنطقة الشلال فيها كل الجاليات تقريبا
بس اكثرهم هنود ..
نرجع للاكل ..
كان الاكل ضعيف يمشي الحال ..
و البيئة اللي فيها المطاعم هذي .. مش زينة ..
يعني زحمه ..
المهم ..
رجعنا للسيارة و طلعنا من الباركنات .. اجرتهم 10 دولار ..
توجهنا الى فندق crowne plaza ..
حبيت اوضحلكم نقطه ..
انه عالجانب الامريكي ماشي و لا فندق مطل عالشلال ..
اما عن الجانب الكندي ففيه عدة فنادق مطلة على الشلال ..
..
نرجع
..
وصلنا عند الفندق هو مش بعيد ابدا فنفس المنطقه يعني ..
هاي صورة للفندق من الخارج
http://www.0zz0.com
هاي صورة للغرفة
http://www.0zz0.com
و ما حصلت صورة للحمام و انتو بكرامة ..
و عندهم باركنات خاصة للمقيمين فالفندق ..
من ملاحظة الوالد العزيز انه ما شي سكيورتي على الفندق ..
بس الحمدالله ما واجهنا مشكله او سرقة مثلا ..
الفندق بشكل عام نظيف و ممتاز ..
و عندهم بريكفاست من الساعه 6:30 الى 11:00 صباحا ..
...
اقمنا ليلة وحدة فالفندق و اليوم الثاني توجهنا الى كليفلاند ..
و هذي هي تفاصيل رحلتي ..
اتمنى اني امتعتكم ..

حمد الله على سلامتكم والحمد الله انكم استانستم وسلمت يداكي على هذه المعلومات , ونطمع بصور من تصويرك ؟ لكن العذر معكي كونك مسافره ,
تحياتي , , ,

حمد الله على سلامتكم

عليكم السلآم ورحمه الله وبركاته

مشكورة أختي على التقرير الراااائع

و إن شاءلله أزورها وأزور امريكا عما قريب ..

دمتي بخير إن شاءلله ،،

الحمد لله على السلامة ومشكورة على التقرير الرائع https://www.otlaat.com/arabtravelers...c81ed14b2a.gif

ذكرتيني بزيارتنا للشلالات العام الماضي ، نفس الفندق ونفس الشعور ونفس الانطباعات ، بالفعل عشت الجو وأنا أقرأ تقريرك https://www.otlaat.com/arabtravelers...c81ed14b2a.gif

التقرير موجود في توقيعي

واااااااااو

رحلة حلوووه .. وحنا طماعيييين .. نبي صور من تصويرك

ان شاءالله قريب نزورها


شكرا لك ,,,,

الحمد لله على السلامة ,,

والف شكر على تقرير الرحلة :)

شكرا على مروركم

ما شاء الله عليج اختي بروفيسورة للأبد - ذكرتيني بالنياجرا فولز

طبعآ انا ما سرت من صوب الكندي - انا كنت في نياجرا الأمريكية من

جهة امريكا .. طبعآ كنت قادم من مدينة فيلادلفيا (ولاية بنسلفينيا)

الى نياجرا و اخذ عني درب 10 ساعات مع الإستراحة في بلدة صغيرة

على الدرب اسمها ليبنون(lebanon) على اسم لبنان خخخ


ويوم قربنا من نياجرا ولا انشوف رذاذ الماي ياي علينا و مثل ما قلتي

بالضبط شي لايوصف و تمينا انقول سبحان الله سبحان الله في خلقه

منظر ولا في الأحلام يعني مهما ارمس ما اوفي حق هذا المنظر الرهيب

لازم الإنسان يزوره روحه و يحكم و عقب سرنا الحديقة الي على الفولز

و تمينا يوم واحد و بتنا في نياجرا بأحد فنادقها و ردينا ثاني يوم


بس للأسف ما ركبنا القارب في الماي لأن الي وياي كانوا زايغين من

ركوب القارب وسط الشلال العظيم خخخخخ


وان شاء الله الوديه اليايه باخذ بنصيحتج و بسير من الصوب الكندي

و بركب السفينة بإذن الله عز وجل و مشكورة وما قصرتي الطيبة

تقرير رااائع سلمت يمناااك اختي العزيزه