اذا فية احد يعرف معهد يوروسنتر فان كوفر يقول راية وابي اعرف المنطقة اللي هو فيها كيف وضعها وشكرا
عرض للطباعة
اذا فية احد يعرف معهد يوروسنتر فان كوفر يقول راية وابي اعرف المنطقة اللي هو فيها كيف وضعها وشكرا
معهد اليورو سنتر فان كوفر درست فيه حوالي ثلاث شهور . من ناحية الموقع فمثل أكثر المعاهد يقع في الداون تاون وتحديدا تقاطع هيستنق مع هاو وللأسف ماعندي خريطة عشان اوريك موقعه بالتحديد
عموما الموقع حقه حلو جدا لانه قريب مره من مجمعين تجاريين مسافة دقيقتين مشي وهي الباسفيك سنتر والوتر فرونت يعني قريب مرة من المطاعم والاسواق اذا تبي تتغدى او تأخذ كافي وبعدين قريب من محطة السكاي ترين والسي باص باختصار موقعة قوي
بالنسبة للدراسة فيه ماكذب عليك فيه معاهد أقوى منه لكن هو جيد ماقول شي لكن مشكلته (وهذا مشكلة كثير من المعاهد هناك) مايركزون على الكتابة والقراة تركيزهم على التحدث والنطقق والقرمر خصوصا ان العرب اذا يبغون يتعلمون انجليزي يعانون من المشكلة هذي يعني لوجلست مثلا ثلاث شهور فيه راح تلحظ تطور في التحدث والنطق وراح تلقى بعد تطور في الكتابة والقراة لكن بشكل مو كافي
عشان كذا انصحك اذا كنت محتار في المعهد سجل فيه لمدة شهر من هنا اذا جاز لك مدد من هناك واذا ماجازلك بامكانك تدور غيره لان المعاهد هناك على قفا من يشيل بدون مبالغة
وهذا احسن فكرة لان الناس يختلفون في التعلم يمكن طريقتهم تصلح لك ولا تصلح لغيرك وبالتوفيق...
اخووووووي انا سجلت في يورو سنتر يالله انشاء الله يكون زين بس
وربك يسهلها انشااااء الله
,,,,,,,,,,,,,,,, تحياتي ,,,,,,,,,,,,,,,,
مشكور اخوي روني والله يعطيك العافية اخوي نايف انا قصدي هل المنطقة اللي فيها يورو سنتر فيها منطقة يكثر فيها المشردين وهل المدينة جميلة من ناحية الطبيعة
من ناحية المشردين مافيه مشردين حوال المعهد المنطقة آمنه وموقع المعهد قوي زي ماقلت
والمدينة من ناحية الطبيعة جميلة جداا ولا فيها اي مشكل
الله يعطيك العافية اخوي نايف