عضوة جديدة وتبغى فزعتكم

[ulist][*]السلام عليكم ورحمته وبركاته انا عضوه جديدة في المنتدى احب اشكركم جميعا على روح التعاون والاخوه بينكم انا ان شاءالله رحلتي يوم 1جون الى 22جون عالخطوط السعودية وحيكون توزيع الايام كالتالي من 2الى 5 جاكرتا فندق قران ميليا ومن 5الى14في الجبل ومن 14الى 19 في باندونق فندق سينساومن 19 الى 22جاكرتا طبعا احنا ماحطينا بالي في الجدول لانه زوجي مايبغى خطوط داخلية وغير كذا عندي ثلاث اطفال واحسها ماتناسبهم انا محتارة بين السكن في بوقور والا بونشاك كم المسافة بينهم احنا في بالنا نسكن ليلتين في سيروني 3وبعدين نسكن في فيلا وياريت تساعدوني في اختيار فيلا في بونشاك تكون صغيرة لانه احنا عائلة صغيرة واهم شي تكوووون نظيييييفة وامنه ويكون فيها حارس مع زوجته والاهم يكون فيها مسبح وموقعها حلو ياريت تساعدوني يااهل الخبرة وكمان لمن نرجع جاكرتا نبغى نسكن في فندق يكون قريب من الاسواق والمطاعم والكافيهات فياريت تساعدوني في اختيار الفندق ايهما افضل من ناحية الموقع والنظافة والامان (منهاتن-اكماني- بيولمان - هاريس هوتيل -نوفوتيل)[/ulist]

هههههماشاء الله تبارك الله شكلك خبره والله
انتي مرتبه برنامجك بنفسك مايحتاج مساعدة احد والدليل انك راعيتي في تنقلاتك بين المدن انها ماتكون سبت واحد وهي ايام الاجازه والزحمه عندهم كذلك الاوقات والفنادق المختاره كلها جيده

والله من يوم فكرنا انه نسافر وان اتصفح المنتدى لاني احب اروح وانا عارفة كل شي بس ياريت لو تختار فندق واحد فيهم يكون هو الافضل والاقرب وجزاك الله خير

المدة 20 يوم صافية حسب التاريخ ..
التوزيع جيد وعندي اقتراح بالنسبة للجبل بتخصيص يومين للسكن في بوقور في فندق استون بوقور
لقربه من الحديقة المائية وينبسطون الأطفال ..
فندق جران ميليا فخم وممتاز وتقرير أختنا ام عزيز7 يفيدك عنه ..
http://www.arabtravelersforum.com/travel434911
قريب منه مولات جميلة ولكن أعتقد صعب الذهاب لها بالأرجل بوجود أطفال لذلك من رأيي أن السكن
في فنادق قريبة من مولات وتكون بجوارها يعني يمكن الوصول لها على الأرجل أفضل ومريح وممكن
تجدون فنادق بأقل من ذلك السعر مثل فندق بولمان سنترال ..
ممكن وضعه في خيارات العودة لجاكرتا في الأيام الأخيرة كرأي واقتراح أو تجربته في البداية وإذا
شعرتم بالراحة وناسبكم ترجعون له ..
فندق سينسا في باندونق اختيار ممتاز ولكن إذا الميزانية تسمح عندك The Trans Luxury Hotel Bandung
في محيط مجمع ترانس ستوديو باندونق وممكن تقسيم الأيام بين الفندقين ..
الجبل كما خططتم في البداية تسكنون بفندق سيروني 3 والمهم غرف مطلة وبالأدوار العليا حتى تأخذون
راحتكم وبعدها تبحثون عن فيلا مناسبة وهذه أفضل طريقة في اختيار الفيلا ولكن لا تتوقعون نظافة تامة
فهي فلل في الغالب لأشخاص تؤجر لذلك تشوفون بنفسكم وتقررون والمسبح ما تحتاجونه بالجبل لأنه بارد
وطالما أطفال تكتفون بالألعاب المائية بجاكرتا وبوقور ..

الله يعطيك العافية عالرد وبالنسبة لفندق قران ميليا فقد تم حجز اول ثلاث ليالي فيه وتم حدز فندق سينسا بس باقي العودة الى جاكرتا انا مرة عجبني فندق بيولمان وحجزنا من بوكينج بس المشكلة انه حجزنا بفيزا صاحب زوجي والفندق رفض ذلك لانه لاحظ.اختلاف بين اسم النزيل وبطاقة الفيزا فهل سعر مكاتب الحجوزات نفس سعر بوكينج لانه نفسي احجزفيه وهل هناك فندق في نفس مستوى فندق بيولمان

ممكن يكون هناك خطأ في الفيزا أو منتهية لأنه عادة لا يسأل موقع بوكنق عن صاحب الفيزا وحجزنا لأصدقاء وهناك يتم تخييرهم بالدفع كاش أو بالفيزا .. تأكدوا من الفيزا ومن بياناتها ..
فندق بولمان مميز وعندك فندق شيوبترا بنفس المنطقة وبداخله مول شيوبترا ولكن 4 نجوم ..

انا حجزت باقي الفنادق من نفس الفيزا المشكلة هيا من الفندق زوجي اتصل عليهم يستفسر عن سبب الالغاء فقالوله لانه عليه عرض لازم ترسل صورة من الفيزا بس زوجي رفض

اخوي المصباح احيان بعض الفنادق يطلبون صورة الفيزا ولازم تكون باسم الشخص اللي مسوي الحجز وفي بعض الاحيان مايقبلونها الاحتياط واجب

معليه علرفة انه اسئلتي كثيرة بس لاني والله اثق في اراءكم انا الحين محتارة فين احجز في جاكرتا ايش الافضل ين هذي افنادق (منهاتن - اكماني -نوفتيل -هاريس هوتيل ) من حيث الموقع وقربه من الاسواق والمطاعم والافضل انه كل شي نروح له مشي ومن حيث النظافة وهذا الموقع وماانحرم من مساعدتكم

ممكن يكون العرض هو أن االحجز غير مسترد وهذا يحتاج يكون بالفيزا كامل المبلغ لكل الأيام حتى يسحب من قبل الفندق ..
هذا محرد تفسير مني وممكن على قول ابو ناصر هي سياسة الفندق ..
فندق منهاتن قريب منه موﻻت مثل امباسودور وكونيقان وممكن تروحون لها مشي ولكن منطقته زحمة ومن تحربة سابقة ما ناسبني استقباله وأسلوبهم في التعامل ..
مجموعة فنادق هاريس كثيرة بجاكرتا ممكن 4 فروع !!
أميل لفندق هاريس كﻻبا قادنق لوجود مول كﻻبا قادنق والوصول له من اللوبي ويعتبر مول كبير ونظيف وفخم والفندق حسب توصية سابقة لصديق من وقت قريب حدا يمدحه ونظيف وتعامل رائع ولكن عيبه الغرف صغيره وهذا في فنادق هاريس ﻷنها اقتصادية .. من الموبايل

اخواني الاعزاء ارجو منكم مساعدتي تعبت وانا ابحث عن فندق مناسب وقريب من المطاعم والاسواق وانا ماعندي خلفية لانه اول مره اروح اندونيسيا فأيهم افضل منهاتن او فندق اكماني من حيث الموقع والنظافة ساعدوني مابقى شي عالسفرة