مرحبا
أنا مشتركة في ضيف الاتحاد ولا عارفه شي عن البطاقه هاذي
وكيف نستفيد من الاميال ولا أعرف حتى شي عن الاميال
وبعد انا ناسيه كلمة امرور ومب عارفة شو اسوي ارسلولي كلمة مرور يديدة وبعد يقولي غلط في كلمة المرور
يعني فهموني كل شي عنها او حتى لو شي واحد
وشكرا
بنسبه للستفاده بلاميال فهو موضوع سهل جدا
ماعليج الا اتشيكين كم عدد الاميال الموجوده عندج وبعد ما اتعرفين عددهم ممكن تستفيدين منهم سوان بتذاكر مجانية او بليالي بلفندق او التسوق من الطيارة
وبنسبة لاضافة الاميال اذا كانت سفراتكم قبل ما طلعون البطاقة فماراح تنحسب ولاكن اذا بعد ماطلعون البطاقة لازم وانتو عند الكونتر اتخبرونهم باضافة الاميال وتعطونهم بطاقة الاميال واذا ماخبرتوهم او مانضافت على طول تقدرون اتكلمونهم واتبلغونهم بتاريخ سفرتكم وان الاميال مانضافة احيانا يطلبون منكم الحظور الى المكتب ومعاكم البوردن كارد
وبنسبة لسالفة الرقم السري هاي من ناحية الحجز على النت عن طريق الاميال واتكونون مسجلين واذا نسيتو الكلمة راح يرسلون لكم الكلمة الجديدة او الرقم على الايميل وميزتها ان ممكن يخصمون 10 بلمية من الاميال في حالة استخدامها
وتقدرون تحجزون بعد على التلفون
وعلى فكرة التكت الي تاخذونها عن طريق الاميال اتكون لها كراسي معينا يعني لو ناوين اتسافرون على الاميال لازم تحجزون بدري وبعد راح يكون في ضريبة وهو مبلغ مادري تدفعونه ويختلف هلمبلغ من شركة الى الثانية
واي استفسار احنا بلخدمة
لا اختي انتي متى طلعتي البطاقة بظبط ووين طلعتيها يعني انا مثلا
سافرت مره على الاتحاد الى لندن ومن عند الكونتر سالتهم عن البطاقة لان انا عندي الفضية على القطرية وعندي بعد على الاماراتية وقلت بطلع بعد للاتحاد يمكن اسافر بعد والاميال تنفع والصراحه وماقصرو وياي
يابوها لي وعبيت الابلكيشن مالها وعطوني البطاقة عبارة عن ورقه خفيفه وانضافت اميالي
وبعدها بفتره جاتني البطاقة الاصلية عن طريق البريد وكانت اميالي مضافة
وانتي حاولي قبل ماتسافرين وانتي تعطينهم الجواز والتكت عن الكونتر عطيهم البطاقة بعد وبضيفون الاميال دايركت
وبنسبة للباسورد يمكن الغلط من عندهم على فكرة ترا مو مهم وايد لان هم يرسلولن لج المعلومات على الايميل يعني مايحتاج اتشاركين
انا مثلا عندي الفضية على القطرية ومع ذالك ماعرف الباسورد مالي وماعمري دخلت على الموقع لان اوردي توصلني المعلومات على الايميل ولمى احجز التكت الي على الاميال احجز عن طريق التلفون وبعدين اروح لمكتبهو واستلمها
واي استفسار احنا بلخدمة
أنا ماخذه البطاقة الي على شكل ورقه من الطياره ونحنا مسافرين
وبعد ماردينا دخلت الموقع وعبيت الابليكيشن وفعلت البطاقه يعني كل شي عن طريق النت فماأعرف
يعني اذا إن شاء الله استوت لي سفره كيف أخبرهم عن البطاقة وكيف بتكون عندي البطاقة الاصلية ماوصلتني
ومشكور أخوي على التوضيح
يعني انتي خذيتي الابلكيشن من الطيارة بس ماعبيتيها صح اذا صح يعني سفرتج ماتنحسب
بس اذا لا وانتي عبيتيها في الطيارة وعطيتيهم معناتها تنحسب
السلام عليكم
اخواني ارجو افادتي
سجلت في ضيف الاتحاد قبل الرحلة بفترة طويلة ولاكن حجزي كان قبل ما اسجل في ضيف الاتحاد هل استطيع اضافة الاميال واذا كان الحجز لشخصين هل تحسب جميع الاميال للتذاكر وشكرا
العفو على المداخله
اسعد الله مساكم
الاميال تنحسب بعد المغادره والعوده
ولابد اخبار موظف الاتحاد قبل قص البوردنق لكي يضيف الاميال حسب المسافه
والاستفسار اكثر يمكنكم الاتصال على خدمة العملاء في طيران الاتحاد