أين أنتم يامغتربي بلجيكا لعلاج العقم
السلام عليكم ورحمه الله وبركاته00
من خلال بحثي في المنتدى عن علاج العقم وأطفال الانابيب في بلجيكا قرأت مواضيع واستفسارات كثيرة من الاخوة والاخوات الذين غادروا او كانوا على وشك المغادرة للعلاج ببلجيكا00 في مستشفى Az
ومنهم راجيه الفرج -مغتربه -كويتية -بنت الاصايل -جااابر- وغيرهم كثير 0000 وقرأت ان هناك 18 عائلة خليجية للعلاج00
ولاحظت ان الاغلبيه كان وقت ذهابهم قبل سنه او اقل بقليل 00
اتمنى ممن ذهب من هؤلاء الى هذا المستشفى وجرب العلاج هناك افادتنا بتجربته هناك من النواحي التالية:
@ هل تحس بأن تجربه العلاج هناك مختلفه عن تجاربك السابقه وتستحق العناء لها وتحمل الغربه؟؟؟
@من ذهب للعلاج هناك على حسابه الخاص هل استعد بالمبلغ المتوقع للعلاج وثم تفاجئ بمبالغ زائده لم يتوقعها ؟؟
@لاحظت بأن مده العلاج تختلف من شخص لاخر فالبعض قال 3 شهور والبعض سنه 000 على اي اساس يحددون لك مدة العلاج 00
ومن لم تنجح عمليه طفل الانابيب له عندهم في المره الاولى يعيدونها لهم مباشرة او ينتظرون 3 شهور مثل مستشفياتنا 00 وهل يخفضون لك قيمة العمليه الثانيه إذا لم تنجح الاولى؟؟
واذا كان لازم تنتظر 3شهور هل ترجعون لبلدكم او تجلسون في بلجيكا ؟؟
@اتمنى ممن جرب العمليه يشرح لنا طريقه كورس العلاج وأفضل وقت من الشهر بالنسبه للزوجه اللي يسافرون فيه؟؟؟
@هل راسلت المستشفى واعطوك موعد محدد تحظر فيه وإلا يحددون الموعد بعد ما تراجعهم هناك؟؟
رزقنا الله واياكم الذريه الصالحه عاجلا غير اجل 000
أرجو من المشرفين معذرتي لاني اعدت الموضوع في هذه البوابه لانني وضعته اولا في بوابه العلاج في الخارج ولم يرد علي اي عضو وانا في اشد الحاجة للرد على هذه الاستفسارات 00وجزاكم الله عنا خير الجزاء 00
رد: أين أنتم يامغتربي بلجيكا لعلاج العقم
[QUOTE=Robot;1954402]عليكم السلام ورحمة الله وبركاته
اخوي سمنان يوجد في بلجيكا اكثر من 30 عائله خليجيه من الامارات والكويت و في الوقت الحالي هناك 3 عوائل سعوديه الله يرزقهم الذريه الصالحه جمييييييييييييييييييع ان شاء الله وانا حاليا موجوده في بلجيكا تقريبا من شهرين ?? وهذه المرة الثانيه التي اعود فيها لبلجيكا للعلاج؟؟؟ توفقت في المرة الاولى لكن بسبب اهمال ال Az اجهضت :112::110:؟؟؟؟ وهاي المره الثانيه وان شاء الله اني ما ارجع الامارات الا وفرحتي في ايدي (يــــــــــــــــــــــــــــــارب)واسمحلي اخوي على الاطاله لأني راح اجاوبكك على كل استفساراتك وبإطاله عشان الكل يستفيد ان شاء الله
@ هل تحس بأن تجربه العلاج هناك مختلفه عن تجاربك السابقه وتستحق العناء لها وتحمل الغربه؟؟؟
في البدايه اذكرك اخوي ان كل حاله لها علاج مختلف وحتى تكنيك السحب والارجاع يعتمد على الحاله؟؟؟ اقصد الزوج والزوجه معاوبالنسبة لي انا (اعوذ بالله من الانا) لاحظت ان العلاج ابدا ما يختلف عنه في الامارات اطلاقا حتى اني اخذت نقس الادويه الي كنت آخذها في الامارات وزياده عليه البخاخ supperfact الي تقريبا لاحظت انه يعطونه حق معظم الحالات والفرق عندهم في تكنيك سحب الاجنه وارجاعهم
ومن ناحية ان التجربه تستحق العنوه والله تستاهل لأن واااايد حالات الحمد لله استفادو والله اكرمهم بعد طوووول صبر !!!!
@من ذهب للعلاج هناك على حسابه الخاص هل استعد بالمبلغ المتوقع للعلاج وثم تفاجئ بمبالغ زائده لم يتوقعها ؟؟
وبالنسبة لتكاليف العلاج اعتقد ان كل محاوله ب 5000 يورو والصراحه العلاج شويه مكلف؟؟ (الله يحفظ شيوخنا ما قصرو ويانا)والسكن بعد غالي يعني اقل سكن 1500 يورو (غرفتين وصاله) بس الله ياللغرفتين ان صح التعبير صندوقين وصاله ؟؟ شققهم تعبانه بس المحتاج يركب الصعب!!! وبعدين العيشه وايد غاليه عندهم وراح تحتاج تأجر سياره وبعد سعر اقل سياره في حدود 550 يورو للشهر
@لاحظت بأن مده العلاج تختلف من شخص لاخر فالبعض قال 3 شهور والبعض سنه 000 على اي اساس يحددون لك مدة العلاج 00
وبالنسبه للمده هم ما يمددون لك انت وضروفك ما عندهم مشكله لو تقعد سنين (دام في بيزات مب مشكله) بس في حالات تضطر فيها الزوجه لفترة راحه خاصه بعد الاجهاض واغلب العوايل تفضل انها ترجع البلاد ؟؟ وفي حالات ثانيه تفضل ترجع البلاد بعد ما يصير حمل لأنهم ما يقدرون على تكاليف العيشه في بلجيكا او لأن الزوجه تفضل تكون وسط اهلها في هالوضع يعني كل واحد حسب ضروفه؟؟؟ وبعد في حالات فعلا كملت سنه علاج يعني على حسب الحاله (الزوجه والزوج) ولاحظت انهم يركزون في العلاج دائما على الزوجه حتى لو كان المانع من الزوج فقط يأخذون العينه من الزوج سواء بالعمليه او طبيعي
ومن لم تنجح عمليه طفل الانابيب له عندهم في المره الاولى يعيدونها لهم مباشرة او ينتظرون 3 شهور مثل مستشفياتنا 00 وهل يخفضون لك قيمة العمليه الثانيه إذا لم تنجح الاولى؟؟
واذا كان لازم تنتظر 3شهور هل ترجعون لبلدكم او تجلسون في بلجيكا ؟؟
ومن لم تنجح العمليه عنده يعيدو لهم المحاوله على الدوره الثانيه يعني على طووول بالعكس انا في آخر محاوله ما عطوني حتى يوم راحه على طووول كانو بيبدون المحاوله اليديده معاي بس انا رفضت لأني بصراحه ما حصلت موعد قريب الا مع دفروي (الي هو البروفيسور) :112:وانا متعقده منه بسبب اسلوبه يتعامل مع المريضه كأنها مكينة تفريخ وخاصه احنا العرب يعاملونا شرات الغجر الي ما نفهم ؟؟؟ دفروي يحط الخطه وانت تقول له OK بدون نقاش؟؟؟ بدون ما يسويلي أي تحليل لا هرمونات ولا منظار ولا غيره ويوم طلبت التحاليل قالي احنا مسوينها لج قبل سنه وما تحتاجينها الحين وفي وحده غيرج كانت تتعالج من ثلاث سنوات وما سوينا الها أي تحليل ؟؟؟ ليش انتي مصره على التحاليل؟؟؟المهم اخوي هذا وجهة نظري بالنسبة لدفروي وللامانه والله لأني اريد مصلحة الكل اقول هالكلام والله شاهدوهذا ما يعني ان كل الدكاتره نفسه بالعكس في واااايد ممتازين واسلوبهم يعطيك امل ومنهم تورني ,فاطمي, كميون, بلوكي وهذيل انا تعاملت معاهم شخصيا خلال فترة علاجي وفي واااحد اسمه فيربوست عشان ما اظلمه يعني حسب ما لاحظت ان دفروي متفرغ حق بحوثه وحق الجامعه يعني على عكس الدكاتره الي تحته يبون يثبتون نفسهم ويسوون لهم اسم وفعلا يهتمون بالحاله وييعطون فرصتك!!!!
وبالنسبة لأهل الامارات وخاصه المبتعثين عن طريق القوات المسلحه (يلزمكم الدفاع ب 6 اشهر فقط )صار حمل او ما صار حتى لو الوحده ما سوت ولا محاوله خلال هالفتره او انها مرجعه وتتريا نتيجه التحليل الا في حال كانت عندها موافقة خاصه من رئيس الاركان او من ديوان ولي العهد غير شي لازم ترجع البلاد وللاسف قرار ما تقدر تناقش فيه؟؟؟؟؟
اتمنى ممن جرب العمليه يشرح لنا طريقه كورس العلاج وأفضل وقت من الشهر بالنسبه للزوجه اللي يسافرون فيه؟؟؟
وبالنسبه لكورس العلاج بعد يعتمد على الحاله وبالنسبه لأفضل وقت تسافرون فيه انكم تنسقون مع المترجمه (اسمها حوريه وهذا رقمها 0032477873030) بحيث انه يصادف قبل الدوره بأيام بسيطه لأنهم يسوون منظار للزوجه في ثاني ايام الدوره وياخذون تحاليل دم من الزوجين وبعدين يحددون الخطه العلاجيه الي بتسيرون عليها ان شاء الله اتمنى اخوي انك تتواصل مع حوريه هي تقدر ترتب لك موعد بس الله يخليك مش دفروي والله عشانكم !!!!واحد من الي ذكرت اساميهم قبل واتمنى اني اكون فدتك واي استفسار حنا حاضرين وفي الشوفه بس لا تنسونا من خالص دعاكم الله يرزقنا ويرزق كل محروم ان شاء الله
يزاكم الله خير جميعا
انا طالعه لي الموافقه عشان اروح علاج في بلجيكا صار لي 4 سنين ما حملت وتعالجت هنيه سنتين عند مركز دبي للاخصاب وعند حسنية قرقاش ، اكيد بتقولون 4 سنين اشويه ولا توه الناس بس انا تزوجت كبيرة والحين عمري 42 والعمر يركض قالوا لي في بلجيكا ما يعالجون الي عمره فوق ال40 بس طلع لي موعد وبروح اشوف شو بيصير بس بغيت اعرف في فحوصات قبل الدورة ولا كلها بعد الدورة ولازم اتريا
ياريت تعطوني معلومات عن الفحوصات المطلوبة...
