تقريري المتواضع عن البوسنة والهرسكمع صوره
بسم الله الرحمن الرحيم
اخواني...السلام عليكم ورحمة الله وبركاته
الصراحه انا ما عندي اي خبرة في كتابة التقارير....ولا حتى نسبة بسيطة من خبرة بعض الأعضاء عندنا في المنتدى هنا ما شاء الله عليهم:113: ...
وانا اساسا ما كان عندي نية اني اكتب موضوع عن سفرتي للبوسنه...بحكم ان ما عندي معلومات كافيه للأعضاء:cool: ...لكن بعد ما تبيّن لي ان المواضيع اللي تتكلم عن البوسنه في هالقسم قليله....قلت ممكن تكون معلوماتي البسيطه هذي مفيده لأخواني هنا :24:
وبحكم خبرتي...الشبه معدومه في الكتابه :109: ...راح اخلي الموضوع كأنه سواليف في مجلس :109: لأني بصراحه ما عندي خبره في هالمجال...عشان كذا اللي بيجي على بالي ابكتبه على طول..يعني بيكون فيه لخبطه وبعثره في المعلومات...تحملونا عاد :101:
بعد ما اخلص الكلام والسواليف والقرق عليكم :109:... راح احط لكم الصور واعلق على كل وحده منها :101:
راح اقتبس من بعض ردودي على الاعضاء...سواء بالرسائل الخاصه او في رد لي في احد المواضيع...وراح اطرحها مع رسالة الشخص نفسه اذا كانت عن طريق رساله خاصه....فأستأذن اصحاب الرسائل الخاصه..ابحط اسئلتكم هنا واجوبتي عليها..لعلها تفيد الأخوان هنا :101:
فيه شغله بس احب انبه لها...الا وهي...اني للأسف ما اتذكر بعض اسماء الاماكن وبعض التفاصيل عن الرحله...بسبب ان الرحله صار لها سنتين الآن :( و ثانيا..اني ما كنت انا الشخص اللي مرتب الرحله...يعني كنت...بالعربي (ادربي راسي) :109:
بسم الله نبدأ
الرحله كانت صيف عام 2004 والتخطيط من الأساس ما كان يشمل البوسنه ابدا...كان مقتصر على ايطاليا وكرواتيا والنمسا...لكن:114:
سبحان الله جت فجأه كذا...وصارت احلى محطة في الرحلة كلها :109:
زيارتي للبوسنة كانت مقتصرة على سراييفو(هي اكبر مدينه فيها وهي المشهوره...وعلى ما اعتقد هي العاصمه:114: )
وعلى الأرياف القريبة من سراييفو :24:
فيه نقطه بس احب انبه لها...انا ما انصح ان الواحد يسوّي رحلة كاملة ويخصصها للبوسنة:108: ...لأنها بالكثير اسبوع او عشرة ايام كفاية :101: ...يعني ممكن الواحد يزور البلدان القريبه منها...مثلا كرواتيا...ملاصقة لها...لأكن للأسف بلد فااااااصخ...وين ما تمشي تلاقي شواطيء عراة :105:
المهم...انا اقصد ان الواحد يحاول انه يدخل معها في البرنامج شيء ثاني :101:
البوسنة..وتحديدا مدينة سراييفو....بلد نهاري...يعني الليل...ما تلقى احد ابدا....بالكثير صلاة العشاء وكل شي مقفل :101: وفيها هدووووووووء في حياتي ما شفت مثله
عشان كذا الله لا يهينكم خلوا النوم الى العصر في ديرتكم وانسوه في البوسنة :109:
بالنسبه للجو هناك...معتدل وحلو مره والامطار كثيره والجو غالبا ما يكون غائم....يعني اتوقع كانت درجة الحراره تتراوح ما بين 26 الى 30 او 32 بالكثير
ومنطقيا...الارياف ابرد من المدينه نفسها سراييفو
بشكل عام البلد رخيصه...او بالاصح اقل من رخيصه بشيء بسيط...الفندق هو الشيء الوحيد اللي كان سعره عادي...او شبه غالي....الفندق اللي كنت ساكن فيه هو الهوليداي ان...وكنت ماخذ غرفه شخصين...بسريرين مستقلين..كانت بحوالي 600 ريال سعودي
طبعا بدون فطور
الفندق خمس نجوم ويبدو لي انه افخم فندق في سراييفو لأنها اساسا ما فيها فنادق كثير:108:
الديره عموما حلووووه جدا...خصوصا للي يحب الطبيعه ويحب يجرّب اشياء جديده....لكن كلها طبيعه يعني ما فيها مراكز كبيره ولا ملاهي ولا اي شي من هالقبيل:108:
بالنسبه للخطوط...انا رحت من الرياض لروما بالخطوط السعوديه ما اذكر صراحه بكم كانت لكن من روما لسراييفو بالنمساويه كانت ب 400 يورو تقريبا
