طريقة التنقل المثلى في بروكسل لعيون الممساح
السلام عليكم
هذا تقرير مختصر عن بروكسل أقدمه لكم لعيون أخي الممساح وهو عربون شكر بسيط أعبر به عن شكري له .
الفنادق :
النصيحة المثلى من الممساح اتبعوها وانتم مغمضين ......عليكم بالفنادق اللي حول الساحة ومنها الويندسور ممتاز بالحيل ورخيص ....أنا خذته ب90 يورو .....لكن يريحك في عمليات التنقل والتسوق وغيرها حتى لو دفعت في الفندق زيادة ويكون جنب الساحة أفضل من أي فندق ثاني ويوفر عليك بالمجموع العام .
السياجة والأماكن الأثرية :
أول ما توصل خذ لك لفة بالباص السياحي موجود جنب محطة سنترال ...تروح لها مشي خطوتين من الساحة ....منها تشوف الأماكن السياحية كلها وتعرف مواقعها وتعود لها لو حبيت بعدين تمخمخ عليها ....واللي بيروحون لسوق لويزا يمديهم يروحون بالباص السياحي وينزلون هناك ....ويركبون بعدين بباص ثاني تبع نفس الشركة ....
ميزة الباصات السياحية أنها تمر بكل موقع كل 20 دقيقة وتقدر تنزل وتركب بأي باص منها .
التنقل :
يوجد 5 وسائل نقل
الباص
المترو
الترام
القطار
التاكسي
أحسنها كلها المترو
وفيه محطة مترو بالسنترال
لو حبيت تروح لشارع السوق لويزا إطلع منها وانزل في المحطة الثانية اسمها آرتز لوي وغير للخط الثاني وا
لمحطة الثالثة هي لويزا إنزل وتسوق وارجع بنفس الطريقة ومايمنعك لو معك بزران أبد
ويفضل تاخذ بطاقة حقت 10 رحلات أرخص ب 11 يويو تقريبا
طريقة ثانية
تاخذ مترو من السنترال وتنزل في المحطة الأولى ( تقدر تمشي ) اللي هي البارك ومنها تاخذ الترام رقم 94 او 92 او 91 وينزلك في اللويزا ...وفيه ترام 93 ينزلك في شارع شارلتون المتفرع من لويزا وهذا الشارع المحلات فيه أرخص بواجد.
فيه برضه الباص رقم 36 يطلع من السنترال للبارك ومنه تغير وتاخذ الترام .
الأسواق
الشارع التاسع وعليه سوق سيتي دو ....ولويزا ....وفيه الأسوا ق بجانب محطة النورد وفيها برضه قهاوي بالضفة الأخرى من النهر ....وهذي بتكون واضحة لما تروحون بالرحلة السياحية وتشوفونها بطريقكم .
خر محطة وتنزل تاخذ باص رقم 32 ويوديك لها لكنها غالية ماهي رخيصة يمكن موسمها شهر سبع بس ولكن بروكسل لقيتها ارخص منها ....بس فيه مجمع بنفس المدينة غير القرية هذي حلو مره وازين من القرية وهو بنفس الطريق لها وكله محلات ماركات ومسقوف ....اسمه نسيته بس فيه m بتشوفه عاليمين وانت رايح للقرية بالباص
فيه مدينة اللي تكلم عنها الممساح اللي اسمها ماس ماكلاين وهذي مشوارها بعيد تروحها بالقطار والمهم تاقف با
المطاعم
كلو كلش لكن انتبهوا من حقين الشاورما اللي بالساحة أغلبهم أكلهم خايس وخنزير ...ماعدا محلين لبناني ومصري
أتمنى أكون قدمت مختصر مفيد وكل الحب والتقدير للممساح
واوعدكم باحط صور للرحلة .....ومواقع الفنادق واسعارها لو نظام الموقع يسمح
ولكم تحياتي
