أمس قدمت على السفارة الفرنسية تأشيرة سياحية تعالوا اقول لكم
مسيتوا بالخير
طلباتهم :
1- حجز السكن ( و اذا وهمي لا تلغيه الا بعد ما تطلع تأشيرتك و تمسكها بيدك ) .
2- صورتين شخصية .
3- تعريف بالراتب ( اذا كان من جهة حكومية ما يحتاج تصديق الغرفة التجارية , اذا كان من قطاع خاص فلابد من التصديق و إلا ترفض ) .
4- تأمين طبي معتمد ( مثل التعاونية ) , أنا أخذتها من التعاونية شهر ب 160 ريال , و الطفل اقل من سنه مجاناً .
5- إذا كان معك أشخاص و خصوصا إذا ما فيه صلة قرابة بينكم , تكتب خطاب بورقة عادية إنك المسؤول عن تكاليف سفرتهم , و تحط اساميهم و ارقام جوازاتهم و الصلة .
6- كشف الحساب ( ما خذوه مني , ياخذون كشف الحساب اذا قيمة السكن في مجموع الايام اللي بتجلسونها اكثر من راتبك ) هذا على كلام الموظفة , لكن احتياط خذ من البنك كشف حساب و مختوووووم من البنك نفسه .
7- تذاكر الطيران ( ما خذتهم الموظفة , تقول السعوديين ما نطلب منهم تذاكر طيران ) .
8- انا سفرتي نهاية اغسطس و قالت الموظفة باقي على سفرتك اكثر من 3 اشهر و بكذا راح يرجعون اوراقك , لازم تقدم على التأشيرة و تكون سفرتك خلال ال3 شهور , طبعا قلت الحين احجز فندق ثاني بس ما اروح و ارجع , قالت بسرعه , و فعلا دخلت تطبيق بوكينق عن طريق الايفون و شفت اقرب اوتيل في باريس و حجزت و اعطتني الايميل و ارسلته لها , و قالت لا تلغي حجز الاوتيل الا بعد ما تطلع التأشيرة , لأنهم يتأكدون من حجز بالاتصال على الاوتيل .
9- انا اخذت موعد عائلة و جلسنا 3 ساعات , لو اخذت لكل شخص موعد يمكن خلصنا بساعه , لأن مواعيد العائلة لهم قسم غير الافراد .
أدعوا ان الله يسهل امور تأشيرتنا و تطلع https://www.otlaat.com/arabtravelers...9719e47002.gif
و اي استفسار انا حاضر
