نداء عاجل الي خبراء رومانيا وبلغاريا

في البداية اشكر كل من يساهم في مساعدتنا وكل القائمين علي هذا الموقع الرائع وبصراحة شدني وبي شي من الاعجاب هذا الحديث عن السفر . وانا حاب استفسر من الاخوة ايهما افضل وارخص بلغاريا او رومانيا ومن حيث السياحة وانا اعشق السفر لدول اوربا الشرقية بس بصراحة لحد ا ما سافرت لاي دولة من شرق اوروبا واتمني مايحصل لي مثل سفرتي لتايلند حيث سمعت من اكثر الاصدقاء انها بلد عجيب وحلوة وعندما ذهبت وياليت ما ذهبت لو قاعد في نجد احسن بلد ماتسوي كنها منفوحة عندنا وانا ابصراحة ما اثقة في مكاتب السفر لان همهم الوحيد يسفرونك علي اي بلد بس تحجز من عندهم . المهم انا شدني الحديث عن بلغاريا وعن فارنا انا سعودي ماعندي مشكلة بالفيزاا لاني سئلت عنها بالكويت وراح اطلعها من الكويت بس لو حاب اقعد اسبوعين كم تكون ميزانية السفر وهل يكفيني 1200 دولار؟ او اكثر وانا شاب معتدل احب السفر والسياحة فقط يعني امور ثانية ماتهمني بعدين الاخ اللي يتكلم عن فيلا لوسي كيف نحصل علي لوسي وهل الانكليزية اهناك موجودة او نتكلم بلغاري اقص ايدي اذا عرفت كلمة وحدة انا انكليزي واطقطق وهل تنصحوني اسافر لحالي ام افضل معا الربع؟ وتقبلوااا فائق احترامي لكم ولاصحاب المنتدي الرائع وانتظر الرد في اسرع وقت وهل البلد امان في الليل يعني اخر الليل؟

زودونا معلومات عن بلغاريا هي هي رخيصه ولا غاليه ول شو وضعها

اخوكم من سلططنة عمان

السلام عليكم يمكنك اخي الاطلاع على الروابط التالية

اي سؤال انا حاضره بلغاريا

من بلغاريا БЪЛГАРИЯ

بلغاريا والعائلة

تقرير مفصل سفرتي الى بلغاريا فارنا

اللي ناوي رومانيا هذاالصيف يرفع رايته ياشباب تبادل خبرات

كل من ذهب إلى رومـــــانـيا ادخل هنا لو سمحت

كما توجد هذه التجربة
السلام عليكم ورحمة الله وبركاته
اختكم تحدثكم حاليا من بوخارست رومانيا

راح ادخل في الموضوع على طول


السفره كلها قصيره من الجمعه لين الاثنين لان الرحله اساسا رحلة عمل ،، يعني بكره راجعين ان شاءالله


اول فندق سكنا فيه كان راديسون بلو ،،، انا من الناس اللي تكره سلسلة فنادق راديسون بلو ودايم فيها عيوووب واكرها لكن فيه كثار يحبوونها بس انا هذا رايي فيها ،،،، المهم الفندق فيه ازعاج غير طبيعي وفيه كازينو جنب باب اللوبي الوضع في اللوبي ابدا مش مريح تحسون نفسكم في مول مب في فندق من كثر الازعاج وحتى اللي يبون بركة السباحه لازم يمرون اللوبي اول مره اشوف كذا بملابس السباحه يتمشون باللوبي احسه شي غريب ويفشل ،،،،


وغير اللي قلته لكم اول مادخلنا الفندق واحنا انسوي التشيك ان وزوجي يعطيهم الجوازات الا اللي نكلمه يهاوش شلة سكارى ورانا قمت التفت الا كلهم بقلاصاتهم وسكارى اعوذو بالله من حالهم وهو يقولهم غير مسموح تكون في يدكم قلاصات وسكي هنا قصده في اللوبي كلهم راحوا الا واحد مستقوي ومايبي يروح لا وواقف وراي انا المهم قام ضرب جرس للسكيورتي وجا وخذه رجعه البار بصراحه تعامل السكيورتي راقي احس لوعندنا كان العنوا شكله خخخخخخ ،،، والفندق بعد مليان مليان يهود لدرجه اتشكون انهم عرب يشبهوووونا واجد اول مره اكتشف ان احنا وهم نتشابه ورومانيا كلها يهووود وهالشي اتوقع اللي يخلي الرومان مايطالعونا ولايفتكرون فينا لان متعودين على اشكالنا من كثر اليهود عندهم


الغرفه اول ماوصلناها الكهرب مايشتغل انا قايله لكم ان راديسون دايم فيه عيوب ،،،، المهم حاولت مني مناك مافي بس اشتغل الليت اللي عند الباب بس الله يعزكم ليت التواليت طافي افياش الكهربا ماتشتغل قلت لزوجي كلمهم ،،، قام كلمهم وارسلوا لنا فني المهم فتح مالت الكهربا وضبط الوضع ،،، جينا للشي الثاني مكان الشاور مرتفع وهذا شي قمه في الغباء صحيح في باب مسكر لكن الماي ينزل والشامبو ويصير كله في ارضية الحمام تخيلو عادي اطيحون وهذا عيب كبير بالنسبه لي وغير ان المغسله مسدوده الماي اذا جيت تبي تغسل يدك او تتوضى لازم تسكره بسرعه عادي الماي يطلع برى المغسله اشيا تنرفزني اقامه ابدا مش مريحه وغير الفوضى في اللوبي قام زوجي قال بنغير الفندق ،، وحجزنا في الانتركونتنال

في البدايه انا قلت موقع الانتر حلوو لكن بعد ماركبت الباص السياحي اكتشفت ان منطقة راديسون احلى قريب منها محلات اكثررر لكن الفندق ماااعجبني انصحكم تستكنون فندق غراند او رمادا كلهم اقرب من راديسون بعد للسنتر واحسهم حلوووين وماظن فيهم فوضة راديسووون



انطباعي عن رومانيا

بعد جولتي في الباص السياحي اكتشفت ان رومانيا جميله شوي تشبه برلين شوي تشبه باريس شوي روما مب شينه خيار ممتاز للي ميزانيتهم الماديه قليله ،، شعب جاف نوعا ما لانه فقير ودفشين شوي باسلوبهم حتى مع بعض مب مثل دول اوروبا الغربيه الناس هناك هادين هم فوضوين شوي لكن في حالهم ولايدرون عنا ولاحتى يطالعونا في حالهم ،، الفنادق اللي من فئة خمس نجوم رخيصه عندهم ،، وحتى المطاعم بعد تعتبر رخيصه مقارنه في اوروبا ،،، وصديق زوجي يقول حتى الماركات عندهم ارخص انا ماتسوقت الا شي بسيط ولاحظت مثلا في محل نفس باريس غاليري نفس فيسس شريت عطرين وروج طلع لي بس 700 عندنا مستحيل اقل شي اطلع بالف وشي وشريت بعد لزوجي من محل pull&pear خذت له شورتين وتيشيرت طلع لي بس 166 استغربت من السعر عندنا هالمحل شوي غالي ،،، بلد ممتازه للي ميزانيتهم قليله وفيها طبيعه وابدا مب شينه لكن مب في الصيف جربوها في كل الفصول وابتعدوا عنها في الصيف لان واحنا هناك الحراره كانت توصل 33 ومرات 34 صحيح مب موت الحر لكن يضايق مع الشمس

هذا المطعم تغدينا فيه اول يوم وصلنا لرومانيا تخيلوا مطعم لبناني وفي اوروبا بالعاده اذا مطعم لبناني اقل شي تطلعون دافعين 300 او 400 لشخصين هنا تغدينا بس 123 ريال شايفين الرخص

وبالنسبه للامان عندهم

تسوقت بروحي حول فندقنا في مول اسمه اونيرا شي كذا الاسامي صعبه عندهم ،الوضع جدا امان ومحد حتى التفت لي ،،، رومانيا فكره حلوه تشوفونها وابدا مافي مقانه بينها وبين النمسا والمانيا اكيد لا لا بس شكل جديد بساطه فقر شوي تحسونه فيها من البنيه التحتيه والمباني تختلف شوي عن اوروبا الغربيه قديمه مبانيهم مش مجدده ،،، ونفسيات الناس هنا احسن من اوروبا الغربيه هناك يطالعونا بنظره تقولون جاين من الفضاء بس في رومانيا ولايدرون عنا بس لاتجون في الصيف حااااره واي دوله جديده تزورونها ماعليها حسافه حتى لو ماعجبتكم دوله تنضاف لرصيد الدول اللي زرتوها

كنا بنروح منطقه اسمها براشوف هي كثير سياحيه وجوها ابرد لكن لين طلعنا من الفندق صارت 12 الظهر وهي تبعد ثلاث ساعات مب شوي زوجي قال بعيده رحنا بدالها رمينكو فلشيتا المنطقه مب شينه وفيها خضار وطبيعه ولبسهم قروي والحريم رابطين روسهم بحجاب صغير نفس ربطة التركيات لبس البلد التقليدي لبسهم يشبه لبس الاتراك احس يشبهونهم المكان حلوو بس الحر يضيق الخلق ويتعب الجسم

لقينا فيها مطعم لبناني في فندق اسمه مراج شي كذا تغدينا فيه وردينا بوخارست ،،، الحر يخرب المزاج مايكون لكم خلق تطلعون ،،، بحط لكم صورة الفندق اللي فيه المطعم اللبناني في منطقة رومينكو فلشيتا

وفوق راس البنت من هالمظله يطلع ماي يرش من فوق يازينه شنو يبرد عليكم ومايخليكم تحسون بالحر

المدينه القديمه في بوخارست هالمكان حلووو وانصدمت ان نسبه كبيره عندهم يشيشون شكل العرب خربوهم لكن هالمكان عجبني فيه ان في المطاعم والكوفي شوبات في القعدات الخارجيه من فوق حاطين مثل اللي في مكه ينزل ماي يبرد على ناس يرش عليهم بدون مايبللكم يلطف الجو شوي ،، المكان حلو ويستحق الزياره

وهذا المكان حده حلوووو اتوقع اسمه منتزه هيرستو بتاكد من الاسم،،،

المنتزه عباره عن بحيره فيها مطاعم وملاعب ومراكب يجنن المكان لكن الحر مايخليكم تستمتعون تغدينا في مطعم ايطالي في هالمنتزه والمطاعم راقيه وحلوه ويوم خلصنا قلت لزوجي انروح البحيره قالي كلش في السويد قاعدين كان فطسان حر وانا متفرغه قصده انه موت حر مب في السويد براد وخير ركبنا السياره ورحنا فندقنا وقعدنا في اللوبي جد الحر يتعب الجسم ويجيب النوم
وعلى فكره حريمهم الكبار رابطين راسهم بحجاب اتوقع هو لبسهم التقليدي شفت اشكثر لبسين هالحجاب ،، شوفوا هالعجوز طالعه من الكنيسه وهي عليها هالحجاب

طيارتنا كانت الساعه 8بالليل طلعنا من الفندق على الساعه 6 الحلو ان في فندق الانتر شركة avis ردينا السياره من قريب وطلبنا تاكسي في عندهم مكينه نفس مكينة البنك تطلبون منها التكاسي حتى في الفندق موجوده ،،، جانا ذاك التاكسي الله لايراويكم لامكيف مقربع حالته حاله ملزق من ورا بلزقات تيب وفاتح الداريش قلنا له شغل المكيف اول شي قال صرف بترول بيده ياشر بعدين قال خربان شغله قام يطلع صوت ومايعرف انجليزي ،، في هالدول تأجرون سياره واجد احسن

وعلى فكره ترى رومانيا مثل توقيتنا احنا والسعوديه والكويت ،،، اتمنى اني اكون عطيتكم انطباع بسيط عن بوخارست واعذروني انا مش محترفه في كتابة التقارير لكن احاول لعيونكم ولعيون المنتدى اللي ماقصر معانا

رومانيا فيها مزارات كثيره وفيها تاريخ وقصص لكن المده قصيره ومامدانا الوقت نشوف كل شي فيها ،، بإذن نرد انكررها لان فيها اشيا تستاهل الرجعه مره ثانيه

دمتم بخير