شنو ارخص طيران

يعطيكم العافيه
ابي احجز تذاكر شنو في ارخص طيران لتايلاند ويعطيكم العافيه

هلا اختي اذا موعد سفرج في شهر 5 لا تفوتين عروض القطرية عندهم تخفيض 25%

انا شيكت على تاريخ 10/5 الى 20/5 طلع السعر 181 دينار بحريني ..

غير هذا شيكي خطوط :
العمانية
الاتحاد

هلا بالاخت ليمونة
متى السفر ان شاء الله ؟

هلا في الجميع والمانع خير ان شالله موبيدي بس انشغالي بالدراسه والعمل وعدم توفر الوقت لمشاهدة صفحه من صفحات المنتدى ولكن يعلم الله ويشهد على ما اقوله انني كنت اشتاق للمنتدى ولو لا اشارك بحرف فقط لقرائة ومتابعتكم ولكن كان الوقت يمنعني وكان ودي اعرف اخباركم وتطورات المنتدى وبوابتي العزيزه تايلاند عموما لا أطيل عليكم الكلام كان قرار السفر لهذا العام لتايلاند ليس اختياري لاني كنت ساذهب الىهولاند ولكن اجبرت للتصيييف في حبيبتي وعشيقتي تايلاند المهم تاريخ الرحله باذن الله سيكون 27/6 الى 22/7 ان شالله لدخول شهر رمضان المبارك ستكون السفره قصيره
فاتمنى ان احصل على ارخص طيران وعدد السياح هالسنه 12 شخص ومنهم 4 اطفال يعني قروب ليمونه السعيد

انا حجزت على العمانيه بشهر 7 هجري فكان ارخص حجز

الرياض مسقط بانكوك ثلاث تذاكر ب8450ريال

اختي ليمونة حزينة
العماني أرخص تذاكر
احنا حجزنا بالنت ع موقعهم طلعت تذاكرنا 226 فقط

يعطيكم العافيه جميعا بعد البحث أرى أرخص طيران السيرالانكيه
ولازال البحث جاري الله المستعانِ

بعد البحث
الخطوط السيرلانكيه 1013
خطوط جت 1021
العمانيه 979
2كبار و4 اطفال
26\6 الى 23\7

انصحج اختي بالطيران العماني ...

لان تقريبا هو الطيران الارخص مع طيران الخليج ... بس لان الطيران العماني افضل بقليل من الطيران الخليج ...

هذا بالنسبة للطيران الارخص ... وافضل على هالطيران ( العماني او الخليج ) لان بالنسبه لكم كعرب ومسلمين للاكلات والخ

اما اذا بدون الارخص فـ انصح بالقطرية ..

ورحله موفقه

اختي ليمونة
بعد البحث والتحري
لقيت طيران جيت ارخص طيران
من جدة الى بانكوك في شهر 6 جميع الخطوط فوق 3400 ريال حتى 4000 ريال
جيت اخذته 2450 ريال والله يعيننا على الريحة بس الفارق كبير بالسعر

اختي ليمونة
بعد البحث والتحري
لقيت طيران جيت ارخص طيران
من جدة الى بانكوك في شهر 6 جميع الخطوط فوق 3400 ريال حتى 4000 ريال
طيران جيت اخذته 2450 ريال والله يعيننا على الريحة بس الفارق كبير بالسعر

تروحين وتردين بالسلامه ياليمووووونه.....تحياتى.

مرااااااااااااحب
ليييييييييييييييييييييييييييييييييييييش أسعااااااااااااااااااااااارhttps://www.otlaat.com/arabtravelers...3247512ah9.gif الفنااااااادق ناااااااااااااار
حق الصيف هذا ويعني نبينحجز مبكرااااا
شساللللللللللفتهم

اسعار التذاكر اغلى من السنه اللي طافت شدعوه

حده مادري شصاااااااااااااايرالعالم كلها قامت تحب تاااااااااايلاند واعفسونا المكاتب والطيران بأسعااااااااارهم
الله المستعاااان

لاياخوي فلفل سفري اخر شهر يونيو

هلا اخت ليمونه كيفك ان شاء الله تمام ,,,

عفوا بكم حصلتي الخطوط العمانيه اذا ممكن مع التحيه

السلام عليكم

بشارككم في رأيكم بما أنه انا حاجز في تاريخ 26/5 على الخطوط العمانية تذكرتين ب 4500 ريال سعودي

هذا افضل عرض حصلت عليه في هذه الفتره ..

ودمتم سالمين ,,,,

حجزت على العمانية بتاريخ 27-6 للكبار 218 ريال عماني مايقارب 2080 درهم 2080 ريال سعودي
وللصغار 180 ريال عماني مايقارب 1750 درهم ..

Welcome back
اظن كلام الاخوان عن العمانية بانها الارخص ( اعتقد ) انهم يقصدون من السعودية الى تايلند
وانا عن نفسي حصلت السيرلانكية ارخص طيران من الكويت
ولقيت ان الحجز الى ماليزيا ارخص من تايلند وعشان جذيه ( كذه ) حجزت على السيرلانكية وان شاء الله ستكون الرحلة مقسمة بين بوكيت وماليزيا والرحلة هذه السنة مختصرة جدا جدا يعني فقط 13 يوم
انصحك بالسيرلانكية من الكويت