أماكن عائلية ببيروت ؟ أسعفوني قبل الاسبوع

السلام عليكم

تحية طيبة لزوار ورواد وأضاء لبنان الحلوة

زوجي رايح رحلة عمل لبيروت ... وأنا والاطفال بنروح معاه بلاش يروح لحاله :24: بالذات انه رح يطول شويات


بليز أسعفوني عندي كم سؤال
لأني مو رايحة لبنان من يوم عمري 10 سنين :110:
أول سؤال

النقاب غريب بلبنان ؟؟؟ يعني لو أطلع الشارع يتفرجون علي باستغراب ؟؟ والعباية السودة غريبة عندهم والا متعودين عالخليجيين اللي زي حالاتي :106:

أيهو أحسن بالسكن ( الحمرا والا الضاحية ) بالنسبة للأمن وبالنسبة للعوائل ؟؟

فيه غوطات أو مزارع للاستئجار ناخذ راحتنا فيها ... يعني ألعب مع أولادي فيها ودها تركض البنت :11ight:

وش الأماكن السياحية اللي تتونس فيها العيلة ... والأطفال مع بعض ؟؟؟:surf

أي معلومة رح أكون ممنونة لكم فيها ....

على الأقل اللي ما يعرف شي يدعي لي بتيسير هالرحلة علينا

وان شالله بس نرجع في مقابل مساعدتكم رح أحط التقرير بالصور هنا

لا تبخلوا علي بأي معلومة ....

صحيح على فكرة ... وين ممكن نطلع من بعد 5 العصر ؟؟ لأنه زوجي رح يداوم أغلب الوقت :112:

ومشكورين مقدما على سعة صدوركم .... :x1:

أهلين لاسندا شلونك:)
صدقيني وايد راح تستانسين بلبنان وراح تستانسين أكثر لو بتروحين من شهر 6 وطالع لأن قبل هالشهر كل المصايف راح تكون مسكرة.
بالنسبة للسكن في فندق هوليدي إن ديون هو بوسط السوق وأيضا هو داخل مجمع وفيه سينما ومطاعم على سبيل المثال ماكدونالز وكاسبر .
فيه مدينة ملاهي كبيرة على خط الكوربيش تقدرين تودين عيالك لها وفي جنبها مطعم هندي كأن كان إسمه مهراجا بس أكله خطيييييييييييييييييييييير .
في منطقة اسمها جونية روحي السوق اللي فيها هذا السوق ما تدخله سيارات وعلى نظام شعبي وبضاعته حلوة ورخيصة
روحي أيضا زحلة مطاعمها حلوة وسوقها أحلى بس هذي المنطقة بعيدة شوي لأنها جنب سوريا.
روحوا مغارة جعيتا وايد حلوة وكل العايلة راح تستانس منها .
روحوا قلعة موسى هذا شخص لبناني مسويها عبارة عن تماثيل وهي على الجبل وفي برة القلعة حناطير تقدرون تركبونها .
في أيضا متحف الشمع وهو قريب من مغارة جعيتا نوعا ما .
ومن الاسواق أيضا سوق الحمرا وبرج حمود وايد حلو وأسعاره رخيصة وفي سوق عاليه وايد حلو وفي وايد هدوم سهرة، وبالنسبة للشاليهات في شاليهات بس ما أدري إذا فيها أجار مو متأكدة إهيا جنب مزارع الموز إسمها شاليهات المشرف راقية وايد .
اتمنى إني أفدتج لو بالقليل :)

هلا وغلا أختي shather

بصراحة وايد أفدتيني بهالمعلومات .... وأسعدتيني بالرد الحلو .... طبعا كل هالمعلومات محفوظة عندي وبستفيد منها

والمشكلة ما نقدر ناخر السفرة هي جت على الدورة التدريبية لعمل ريلي ... وانا وراى الخيل يا شقرا خخخ

مشكورة يا الغالية الله لا يحرمني ردود زي كذا

اولا بالنسبه للنقاب والعبايه عاااادي خذي راحتك..لاتنسين انو بلد عربي...

ثانيا
السكن بالحمرا حلو لانومنظقه حيويه وفيه مقاهي والفردان(سوق وفيه ستار بكس ومقهى اموري مرررررره رهيب اكله)

بالنسبه للألعاب فيه سوق abc بالاشرفيه فةق مطاعم رائعه وسينما وملاهي

وبالنسبه للمزارع والطبيعه عندك برمان وعاليه وبحمدون كلها في الجبل وفيها مطاعم مثل منير وفخرالدين

اسألي عن مغارةجعيتا وقصرموسى وروحي لمنطقة جبيل تبعد عن بيروت تقريبا ساعه الاربع منطقه بحريه روووعه وتستأجرون بوت او قارب ررررررررروووعه

https://www.otlaat.com/arabtravelers...quote_icon.png المشاركة الأصلية كتبت بواسطة المــري
http://www.arabtravelersforum.com/tr...4/#post1972784

السلام عليكم ورحمه الله وبركاته

لبنان ياااختي يشوفون العبايات اكثر منالخليجي انفسهم لان لبنان هي الخليج

اما من ناااحيه السكن الحمراء افضل مليون مره الضاااحيه هي اللي فيها المشااكل

اما الاماااكن السياااحيه في لبنان شارع السوليدير وكله مقاااهي بس مايصلح للاطفال عندكم مغاره جعيتا ولا متحف المشاااهير على الطريق

وجونيه افضل شي فيها التلفريك اللي يوديك لجبل كنيسه الام

وفارايا التزلج



اشهد انه رايتك بيضا
ما قصرت ... أخوي

بس عندي سؤال

فاريا الآن فيها ثلج؟؟؟

أخس الدنيا كلها حر ( شوب ) على قولتهم :115:

علشان آخذ احتياطي بالملابس للاطفال

ونشجع الاولاد يتزلجوا ... وزوجي اللي ما شاف الثلج الا بالفريز ... يشوفه :109:د


مشكور للمرة المليون

https://www.otlaat.com/arabtravelers...quote_icon.png المشاركة الأصلية كتبت بواسطة لاساندا
http://www.arabtravelersforum.com/tr...2/#post1975712

اشهد انه رايتك بيضا
ما قصرت ... أخوي

بس عندي سؤال

فاريا الآن فيها ثلج؟؟؟

أخس الدنيا كلها حر ( شوب ) على قولتهم :115:

علشان آخذ احتياطي بالملابس للاطفال

ونشجع الاولاد يتزلجوا ... وزوجي اللي ما شاف الثلج الا بالفريز ... يشوفه :109:د


مشكور للمرة المليون




الحين الثلج كله ذايب إحتمال اتحصلين ثلج بالأرز فوق بس طريجها وايد وعر

أنصحك بالجبل أو جونية من حيث الامان والهدوء

اختي لبنان تهبل للي يعرف فيها انا عن نفسي ما اسكن الاببحمدون بالجبل ادور البرااااااااااااااااد واكره الحر واذا انتي مضطره لببروت حلوه بس بالصيف حر موت اهم شي بالشقه التكيف فيها سوق ا بي سي حلو وفيها اجيان مول وهو مول حلو جديد بلبنان انا اروح اقضي يوم كامل فيه محلات وسينمات ومطاعم وسوبر ماركت روحي نهايه الاسبوع مطعم حلوه بالجبل نبع الصفا ومطعم الشمس بعنجر وايييييييييد حلو للعوايل
وانشاء الله تستانسون وتحياتي

اخوي Ozyeeeمنطقة الحمراء هي نفسها الروشه


وبالنسبه للفنادق المشهورة اللي على البحر القريبه من صخرة الموت ممكن تتذكرها لي وكيف اسعارها. . .؟؟؟

ووين تنصحوني السكن لأني ابي كل شئ يكون قريب مني وخاصة القهاوي(الشيشه)


ولكم جزيل الشكر والتقدير

https://www.otlaat.com/arabtravelers...quote_icon.png المشاركة الأصلية كتبت بواسطة عادل عبدالعزيز
http://www.arabtravelersforum.com/tr...3/#post2030323

اخوي Ozyeeeمنطقة الحمراء هي نفسها الروشه


وبالنسبه للفنادق المشهورة اللي على البحر القريبه من صخرة الموت ممكن تتذكرها لي وكيف اسعارها. . .؟؟؟

ووين تنصحوني السكن لأني ابي كل شئ يكون قريب مني وخاصة القهاوي(الشيشه)


ولكم جزيل الشكر والتقدير



اخوي انا اقصد شارع الحمرا.. اهوا غير عن الروشه..
الروشه شارع جدا مختلف، اما صخرة الموت اهيا نفسها الروشه !!!
يسمونها صخرة الروشه او صخرة الموت

سفره موفقة انشاءالله

اخوي ozyeee انا سبق لي السفر للبنان . . .واذكر اني سكنت في منطقة الحمراء واذا ماخانتنا الذاكره كنت اروح للبحر على رجلي لانه كان قريب مني بس ما ادري كانت هي نفسها الروشه ولا منطقة ثانيه


ارجو الافادة

مرحبا لبنان عادي جدا جدا العبايه ونقاب اذا راح تطولون افضل الشقق افضل اما من ناحيه الفسح لاتخافين لبنان دايم في فتره الصيف مفتوحه لاماكن السياحيه من مغاره جعيتا الى كفر حيم الى متحف الشمع الى اقلعه موسى يعني لاتحاتين اهم شي انك تنظمين وقتك لانه يوجد ايضا مناطق لازم تزورينها في شمال

اهلين



الله عليك يابيروت!!!! انفرجت ازمة السوليدير فانفتحت افاق السياحه على مصراعيها وتدافع السواح

على ابوابكي ورجعت ايام زمان ما نلحق على تساؤلات اخواننا واخواتنا الخليجيين .......

بيني وبينكم والله بيروت ما لها طعم من دونكم تصدقون نحس بغربه اذا ابطينا ما شفناكم هنا .

المهم نرجع لموضوعنا بالنسبه للسكن انا اعرف شقق فينيكس وهي مرتبه ونظيفه وانا اعتبرها

حلوه جدا واثاثهم زين وعندهم النت مجاني وانا حاط رقمهم بموضوع لي عن الشقق في البوابه .

وفيه بعد شقق روشه بلس فوق مطعم كناكي اللي بالروشه مقابل مقهى بيتي كافيه .

اللي يبي يستاجر انصحه يمر على هالشقق هذي الثنتين وبعدها راح يدعي لي انشاء الله .

بالنسبه للحجاب الوضع كنك في جده او الرياض او البحرين عادي جدا نقاب او لثامه او برقع او غطاءكامل

لا يهمك ياما فيه سعوديات يجون بكامل حجابهن وينبسطون ولا يضرهم شي وراح تشوفين كثير نساء

بعباياتهن ونقاباتهن .

اتمنى انك تتصفحين مواضيعي وتستفيدين قبل السفره .

(( الضاحيه الجنوبيه لبيروت هي منطقه لا تصلح للسكن ولا حتى السائح يذهب لها لوجود مربعات امنيه

لحزب الله فياليت الواحد يبعد عن اماكن الشوبوهات ولا يحرج نفسه مع الاخوان الشيعه هناك بالضاحيه ))

سفرا سعيدا واقامه ممتعه في بيروت


تحياتي ،،،،،

https://www.otlaat.com/arabtravelers...quote_icon.png المشاركة الأصلية كتبت بواسطة surf
http://www.arabtravelersforum.com/tr...6/#post2034136

مشكور اخوي صقر بيروت على الشقق

بس لو تفيدنا اكثر عن شقق فندقيه تكون ممتازه واثاثها حلو وعندهم مواقف في راس بيروت ( الروشه - الحمرا - المناره - عين مريسه ) او في بيروت الشرقيه ( الكسليك - جونيه - المعاملتين )

لاني بروح ويا زوجتي وابي احجز من الحين على شهر ثمانيه لان اخاف مالقا حجز او تكون الاسعار غاليه



اهلين

حبيب البي اذا انت وزوجتك فقط خذ لك فندق اروق لك غرفه تكون فخمه بفندق خمس نجوم اربع فئة أ

الشقق اللي انا ذكرتها كلها فيها موقف واثاثهم حلو ياليت تمرها وتشوف بعينك شقق فندقيه فينيكس

تقع في عين لمريسه خلف فندق راديسون ساس مقابل فندق تشارلز .

واذا تبي شقق فخمه وغاليه( لاهوي ) بجانب فندق ريفيرا على كورنيش المناره .

واللي عنده اي استفسار ياليت يكتبه في موضوع اسئل ونحن نجيبك _ موجود في البوابه وذلك لحصر

التساؤلات لكي يستفيد منها الجميع . تحياتي ،،،،

ابي فندق على البحر ويكون 5 نجوم وسعره حلو


ابي اكون قريب من كل شئ ....وين تنصحوني اسكن في الحمراء ولا الروشه ولا جونيه