استفسار قبل التخطيط للسفرة
السلام عليكم ورحمة الله وبركاته
بداية قبل ماابحر في تقارير الأعضاء واستفساراتهم حبيت اسأل عن بعض الأسئلة واذا الإجابات مثل ماأبي راح ابتدي ارتب .
سؤالي الأول :
معاي طفلتين الكبيرة 4 سنوات والصغيرة 1 ونص ( أعمارهم وقت السفرة إن شاء الله ) هل في اماكن تناسبهم ؟؟!!
انا حاطة هونج كونغ بين عيوني واشوف اغلب العناوين هونج كونج وكوانزو ، هل هم قراب من بعض ؟؟ وإيش الفرق بينهم ؟؟ وهل يستاهل الموضوع اني اقسم السفرة لكذا مكان مع اني مافضل لوجود الطفلتين + قصر المدة وهي اسبوعين فافضل اني اقضيها في هونج كونج .
اسبوعين كفاية لهونغ كونغ ولا اشوي عليها ولا كثير عليها ؟؟
مطاعمها فيها الحلال واللي يصلح لنا كخليجين ولا ؟؟
المسافة كم من قطر لين هونغ كونغ ؟؟ فيها مطار مباشر ؟؟ بكم سعر البزنس عالقطرية تقريبا نبي شي يودينا دايركت من بلادنا .
الميزانية المقترحة للتسوق + المطاعم + الأماكن السياحية كم ؟؟
وللأمانة اللي مجرب المانيا وسويسرا وماليزيا وهونغ كونغ جاوبوني ايش الأحسن فيهم مناسب للأطفال أكثر مع وضع فالإعتبار اني رحت المانيا ( ميونخ ) وماليزيا ( كوالا + صن واي لاجون ) واشوف ماليزيا اغلبت ، هل هونغ كونغ بتغلب ماليزيا ولا برجع منها وانا متحسفه واقول ليتني رحت ماليزيا https://www.otlaat.com/arabtravelers...9f7610msq2.gif
---------------------------
مع ملاحظة اني توني راجعة من ماليزيا وحبيت البلاد كثير واشوف فيها اماكن تصلح للأطفال واااايد وكل ماجيت ادخل على هونغ كونغ او ألمانيا أو سويسرا القى نفسي ادخل قسم ماليزيا https://www.otlaat.com/arabtravelers...9f7610msq2.gifسيطرت على عقلي كثير واحنا مقررين المانيا فالصيف ان شاء الله بس مانبي نغير وجهتنا على ماليزيا خاصة ان تونا راجعين منها ومو حلو الواحد يرجع لبلاد ماصار له راجع منها 7 شهور .
نبي نغير فأقنعوني ياأعضاء هونغ كونغ بها https://www.otlaat.com/arabtravelers...9f7610oz5j.gif