استفسار عن ايطاليا والسكن
السلام عليكم
احنا حابين نروح ايطاليا بالصيف انشالله
اول شي بننزل في مطار فينيسيا وبعدين بالرجعه بنرجع من مطار روما
بنقعد 3 اسابيع اكثر شي او يمكن اقل
كنت مفكره نقعد اول اسبوع في فينيسيا وبعدين اسبوع في فلورنسا واسبوع في روما
اول شي ابي اعرف جم مده رحله القطارات بينهم
بس المهم السكن
ليلحين مو عارفين وين نقعد بالضبط وافكر في شقق احسن بس المشكله ماعرف المناطق هناك واذا الشقق زينه ونظيفه ولا لا
لانه احنا عددنا بيكون 5 ولو بنقعد في فندق لازم ناخذ غرفتين وبيطلع اغلى
شقه بتكون ارخص واحسن بس لو حد يقولي عن شقق زينه مو مشكله
او فنادق 3 نجوم نظيفه او 4 نجوم اسعارهم معقوله
في روما حصلت هالفندق
http://www.ghtiberio.com/hotel-tiber...togallery.html
وسعره زين بالنسبه لنا خصوصا انه احنا مابنقعد اكثر عن اسبوع هناك يمكن اقل يعني 5 ايام
بس المشكله الحين فنادق فينيسا غاليه كلها اللي 4 نجوم
وفلورانس نفس الشي بعد
ابي حد يفيدني بهالموضوع
واذا حد مجرب شقق باي وحده من هالمدن بقولي بعد
وسؤال اخير عن الجزر في ايطاليا
ابي اعرف اذا في مجال نطلع تور مثلا ونروح وحده منهم نفس اليوم ونرجع ولا لا؟
اولهم جزيره صقليه
يعني لو بنروح لها من روما مثلا او فلورانس شكثر تبعد بالمسافه؟
