-
رحلتي من جده للقريات
من اولها عكاسة
وصلنا مطار جده الساعة(4.30) وقصينا الكروت وذهبنا للمصلى لصلاة الفجر والربع ينادون لصعود الطائرة للقريات وموعدها(5.15) صلينا الفجر وما صدقت ان الامام سلم ويوم جيت عند البوابة واذا بها مغلقة ، قلت يالله خيرة (الله ما رايد لنا السفر)جيت يمهم احاول معهم قالوا خلاص طارت الطيارة، اخذ الموظف التذكرة وناظر فيها وضحك قال يا أخي رحلتك مو هذه رحلتك اللي بعدها رح للبوابة رقم() ورحلتك رقمه ( ) وموعد اقلاعها الساهة(5.35) قلت الله يجزاك خير.
طلعنا للطيارة عبر سلالم وباصات وشغلة طويلة عريضة(مطار جده هو كذا) وفي الطيارة جلس جنبي شاب سعودي ثيابه رثه وشكله له شهر ما نام ، طبعا من باب الفضول سألته الأخ مسافر لسوريا ، (وهذا من طبع بني آدم اذا كان رايح للعمل في اعتقاده كل الناس رايحين للعمل واذا للمطار كل الناس للمطار واذا للعمرة كل الناس للعمرة ) قال لا رايح تبوك!!!!!!!!! قلت وانا كلي استغراب ودهشة تيى تبوك وتروح للقريات؟ قال: لا الطيارة قبل ماتنزل في القريات تمر بالوجه ومن ثم تبوك بعدين يا حلو القريات ، انا لله وانا اليه راجعون الله يسامحك يا موظف الحجز انا قايلك ابغاها دايركت ، وما اخفيكم اني اغتميت واحمر وجهي وانتفخت اوداجي المسافة زادت علي وانا وراي مشوار وشغلة والله المستعان،وبصراحة شيء يجيب المرض أقلعت الطيارة من جده(5.35) ووصلنا القريات(10.15) وقد بلغ منا التعب منا مبلغه بدل ما كانت (1.30) اصبحت(4) ساعات.
وصلنا المطار ووجدنا الباص الخاص بشركة الفايز للنقل في استقبالنا وركبنا الباص ومعنا عائلتين وبعض الأفراد بدون عوائل منهم عائلة سورية ، ووصلنا محطة الفهد واستلمت سيارتي ووينك يا منفذ الحديثة.
-
الف الحمد لله على السلامة تابع بارك الله فيك
-
الحمدلله على سلامتك
4 ساعات حشا باص مو طياره الله يعينك
بس ان شاء الله ان وناسة الرحله خلتك تنسى هالتعب
-
الحمدلله على السلامة و الله يسامح من أوقعك في هذا المقلب !
-
ذكرتني برحلتي إلى القريات ذيك السنة ..
أستمرت 9 ساعات يعني لو إني رايح ماليزيا كان وصلت !!!
اقلعت تقريباً السابعة صباحاً ولا وصلنا إلا الساعة 3 ونص العصر
فعلاً كانت رحلة عذاب ..
التأخير بسبب الأحوال الجوية ( غبار ) وبدال ما ينزل للقريات غير الوجهة إلى تبوك ..
ونزلنا مطار تبوك وشوي يقولون بنعطيكم سكن لبكرة وشوي يقولون انتظروا إلى العصر
وبعدين قالوا أركبوا الطيارة وجلسنا بالطيارة وقت طويل وبعدين أقلعت إلى القريات مرة أخرى ..
بصراحة عذاب نفسي ..
الرحلة كانت من الرياض على الخطوط السعودية ..
-
الله يعينك اخوي الاخطل
والله بيني وبينك هذي حلاوة السفر هههههههه
الله يعينك ماقدرت تصبر كلها تاخير ساعتين ولا حب سوريا مايخليك تصبر ههههههه امزح عليك
وبانتظار باقي المقالب
-
الحمدلله علي السلامه يا غالى