الأماكن السياحية التي بالقرب من كوالا لمبور أسئلة أبي جوابها
السلام عليكم
بإذن الله بأكون بعد كم أسبوع في كوالا لمبور وفالمشكلة فترة الصباح من 8 - 2 ظهر مرتبط ما أقدر أروح يمين أو يسار
وجالس حول أسبوع ولكن ودي بتغيير جو في الأماكن السياحية في كوالالمبور وكل اللي قريته داخل كوالا لمبور ما يروي غليلي
عندي يوم كامل فاضي أيضاً
سؤالاتي:
س1: هل فيه أماكن سياحية تبعد عن كوالا لمبور بحيث أروح لها في الفترة ما بعد 2 ظهر حتى إلى نصف الليل؟
( بحيرات - شلالات- طبيعة- حتى لو تمشي -) أبي أغير جو عن كوالا أحب الطبيعة والشلالات والتمشية؟
س2: نفسي أستأجر سيارة أتمشى فيها خارج كوالا ما أحب أحد يسوق بي ما أحس بمتعة ( الطبايع تختلف) يعني وش أقرب الأماكن المناسبة خارج كوالا أسمع بشي اسمه سلانجور ولكن هل هي بعيدة وهل تسوى الذهاب لها وكم تبعد من كيلو؟
س3: أين أجد أماكن التأجير للسيارات ( أنا ساكن بشارع العرب) وكم أسعارهم وكم سعر البنزين؟ وايضا وش شروطهم للاستئجار؟
اللي أفهم أن البحيرات الجميلة والألعاب المائية وأمثالها بعيدة عن كوالا يعني على كذا ما أقدر أستفيد منها ولا؟؟؟
شاكر لكم