الفزعة ياجماعة مسافر لقطر ايام

السلام عليكم ورحمة الله
يا جماعة انا باذن الله ماشي للدوحة الثلاثاء القادم وباجلس 3 ايام بالضبط

اولا وش افضل خط اسلكه من الرياض لاني ماشي بالسيارة ان شاء الله

ثانيا هل فيه اماكن تستاهل الزيارة حول الدوحة بس ماتكون بعيدة؟

ثالثا انا ما اعرف شي مشهور هناك الا سوق واقف .. عطوني اماكن ما تتفوت في الدوحة

رابعا ابي مقاهي لمشاهدة المباريات يكون فيها عالم .. عشان مباراة الهلال .. علما باني منيب اشجع لكن ودي اشوف العالم اللي تشجع :)

خامسا انا سمعت ان الدخول لقطر ممكن ببطاقة الهوية الوطنية السعودية (بطاقة الاحوال) هل الكلام صحيح؟ يعني ما ودي اخلي جوازي واتوهق هناك .. هل احد منكم قد دخل قطر ببطاقة الهوية؟

تكفون يا جماعة ابي فزعتكم

شكرا سلفا



تمت الاجابة هنا
ممكن تساعدوني في ترتيب الاماكن في الوحة من حيث الاقرب واحتاج المولات

انا مثلك اخوب ناوي اروح اروح لقطر هذا الاسبوع

وان شاء الله توصل بالسلامه
وانا راح اجاوبك على الي اعرفه في استفساراتك

افضل طريق تسلكه وهو كتالي

الرياض الهفوف خريص ( اسرع لك) الهفوف سلوى

بالتوفيق يالغالي

هلا فيك أخوي
من ناحية الدخول بالهوية الوطنية فهو ممكن وليس هناك اي مانع اطلاقا
وأما المقاهي فسوق واقف يعج بالمقاهي اختر منها ما تشاء
اما اماكن قريبة من الدوحة فعندك مدينة الخور 50 كم تقريبا صغيرة ومرتبة والجلسة على البحر حلوة وبسيطة وهادئة
وفيه سوق فيلاجيو وفيه السينما في ستي سنتر

اخوي في اماكن كثيره في قطر مشهوره وتستاهل 100%
افضل الاماكن (( الي هي السبيشيل ))
1 - فيلاجيو مول ( طبعا مايتفوت فيه مدينة العاب للكبار وجدا ضخمه وفيه 14 سينما وفيه سينما ثري دي )
2 - سوق واقف ( من غير ما اوصفه الكل يعرفه )
3 - جزيرة الؤلؤه ( من اضخم المشاريع العالميه وهو عباره عن ممشى مارينا ومقاهي ومطاعم ومجمع وابراج مدينة جديده )
4 - الكورنيش ( هذا فليل تروحنه اذا خلصتوا كل مشاوريكم تشربون كرك وتتمشون وتتاملون في الناطحات السحاب )
ـــــــــــــــــ
المولات في قطر كثيره وراح احطلكم من اكبر الى اصغر
1 - سيتي سنتر
2 - فيلاجيو مول
3 - لاندمارك
4 - حياة بلازا
5 - رويال بلازا
6 - المول
الخ ...
طبعا لهم فيهم سينما ماعدا حياة بلازا مافيه سينما وافضل السينمات في سيتي سنتر وفيلاجيو مول
ــــــــــــــــــــــ
اماكن مفتوحه تستحق الزياره
1 - سوق واقف
2 - جزيرة الؤلؤه
3 - الكورنيش
4 - اكوابارك قطر
5 - اسباير زون
ـــــــــــــــ
الحين راح ارتبلك الاماكن الي جمب بعض عشان اختصر لك الوقت
1 - فيلاجيو مول 2 - حياة بلازا مول 3 - اسباير زون ( بالظبط جمب بعض كلهم )4 - اكوابارك قطر ( شوي بعيده عنهم )
2 - سيتي سنتر + جزيرة الؤلؤه ( جمب بعض مسافة السياره 5 دقائق فقط )
3 - سوق واقف + الكورنيش


وبالنسبة للمشاهدة المباريات في القهاوي في قهوة اسمها عشيرج في سوق واقف هي اكبر قهوة وطبعا اهناك كله فل فما بالك مباريات اكيد بتلاقي زحمه حيل

والحين انشالله ماطولت عليك

الفصول الاربعة
شاكر ومقدر لك ردك يا اخوي وماقصرت

قريب
الله يعطيك العافية اخوي رد شافي وما قصرت

the rook
والله عاجز جدا جدا عن شكرك رد شافي ووافي ومبدع ومرتب .. اشكرك من اعماق القلب يا اخوي وربي يعطيك الف عافية

بيض الله وجيهكم جميعا وما قصرتوا

العفوو اخوي ماسوينه شي هذا من واجبنا اتجاه السياح الطيبين :)

افا عليك انشالله قريبا راح احط صور عن بحر الخليج الغربي بر حلو ويطل على الناطحات السحاب