الشقق و المطاعم و الاماكن الرخيصة في قطر

السلام عليكم جميع و رحمة الله و بركاته
لاحظت ان اغلب التقارير و المواضيع المطروحة في هذا المنتدى عن قطر الحبيبة تتحدث عن و تصف الاماكن الراقية و الغالية كثير والتي قد يستفيد منها المسافر المقتدر ماليا و الذي يقصد قطر للاستجمام و السياحة ومستعد للدفع بسخاء.
ولكن كيف الحال بالنسبة للمسافر الذي يقصد قطر رغما عنه إما للدراسة او البحث عن عمل او ما شابه. الا يستحق نصيبا من المعلومات و الإرشاد؟https://www.otlaat.com/arabtravelers...ae5971mjqc.gif

لهذا فقد ارتأيت ان اقترح هذا الموضوع ليكون ملاذا للمسافرين العاديين الى قطر الحبيبة و لتكملة المواضيع بهذا الموضوع و يكون هذا المنتدى مقصدا لجيع فئات الناس.


فالذي عنده تجربة عن فنادق رخيصة او شقق مفروشة رخيصة او مطاعم عادية و أماكن عادية في متناول الجميع فلا يبخل علينا بعناوينها و اسعارها و وصف مبسط للخدمة فيها.

وبسم الله نبدأ.. https://www.otlaat.com/arabtravelers...ae59714b2a.gif

باااال يبيلك موضوع خاص وانشالله احد المشرفين والاعضاء ننتساعد ونسوي موضوع قوي جدا

10/10 أخوووي
من زمان وانا ودي اطرح هالموضوع لأن النصايح
والاقتراحات كلها عن اماكن غاليه ومش كل الناس
تقدر على هالمبالغ او البعض يقدر بس سياسته
في السفر ان مايبذر عالسكن كثير ويوفر قيمته
للتمشيات ، وبعض الأخوان الله يهديهم يمدحون
الشي الغالي واذا حد طلب شي معقول طلعوا
فيه 60 الف عيب ، يعني كأنهم يقولون ياتسكن
في اللي نقترحه عليك ولا لاتجي قطر
مع ان قطر فيها الغالي وفيها الرخيص
غلط غلط هذا قسم يساعد عالترويج السياحي
مو التطفيش السياحي .

انا معاك اخوي ويعطيك العافيه لأن لو تم الحال على
ماهو ، في كثير ناس بيهونون عن زيارة قطر :)
واللي قلبه على بلاده وشايف نفسه أهل
للنصح والاقتراحات في هالقسم ، مفروض والصح
انه يذكر الغالي والرخيص والمتوسط على رغبة السائح
مب يجينا سايح يقول ابي سكن بحدود ال500 ونحط
له شي بالآلاف ولا تحاول ولايمكن ومستحيل تلقى
في قطر هالشكل وان لقييييت فبيكون شي تعبان

ياريت محد يفتي عن شي ماشافه بعينه ، نقترح ونقول ماشفنا
وباقي القرار يكون لصاحب الشأن

اخوي لازم تعرف ان الدوحه قاعده تتطور ومع هالتطور الاسعار ترتفع لان رواتب المواطنين تزيد

وقطر ثالث أغنى دوله في العالم من حيث دخل الفرد

يعني أسعار فنادقنا لاتقارن بالسعوديه والا عمان

لو حد طلب منا فندق بـ 300 او شقه بـ 300 صعب نلقاها له بس هو يمكن يعتقد هالشي موفور بكثره واحنا قاعدين نخش عنه ونعطيه أرقى الاماكن في الدوحه

في الدول العربيه الثانيه تقدر تحصل لك مكان راقي بهالسعر بس في قطر مب لاقي

بهالسعر الرخيص بيكون المكان تعبان وفاشل وغير عن الصورة اللي انت متخيلها عن بعض الدول اللي ممكن تلقى فيها بهالسعر مكان عدل تسكن فيه

ومادام انت ياي تشتغل في قطر حط في بالك ان كل شي بيكون غالي في قطر مب بس السكن

ابتداءاً بالسوبرماركت وانتهاءاً بالمطاعم .. والصراحه ماعندنا مطاعم رخيصه الا الوجبات السريعه والمعاصر

وأغلب الاعضاء اللي طرحوا مواضيع في هالقسم راحوا فنادق الـ اربع نجوم والخمس نجوم لانها تناسب ميزانيتهم

والصراحه انا خبرتي في الاماكن والمطاعم الراقيه المعروفه في قطر

بس المطاعم والفنادق بو نجمه ونص هذي أخليها لأعضاء غيري هم شكلهم خبره في هالاماكن

وأتمنى يفيدونك من خبرتهم

بالعكس قطر فيها وايد أماكن رخيصة وحلوة وبما أنك بتعيش في قطر فأكيد بنفسك بتكتشفها وبتشوف فيها الناس الراقية وحتى اللي معاشاتهم قوية بتشوفهم في هالأماكن .

عن نفسي ما عندي خبرة كبيرة في المطاعم ولا كنت أفدتك .... لأني نادرا ما أكل من مطاعم فالبنسبة لي أفضل أكل البيت لأن بأي حال من الأحوال أنظف من أكل المطاعم مهما كانت راقية .

وأسمع عن مطاعم الناس حشرة عليها منها مطعم بيروت اللي اكبرها واسمنها يصفون في الطابور والزحمة علشان ياخذون منه صحن حمص .

وإن شاء الله باقي الأعضاء يفيدونك .

كم اسعار الفنادق والشقق عندكم يعني بكذا مارح نقدر نجي

من خبرة :إذا تبي أسعار فنادق في متناول يدك فعليك بالحجز من الأنترنت
وفي تجربتي المتواضعة (زرت قطر مرتين فقط)أقول أن الأسعار ليست بعيدة عن أسعار السعودية والله أعلم

اممممممم اذا فى شى ارخيص بقطر هذا أنجاز بحد ذاته

اخواني و اخواتي شكرا جزيلا على التفاعل المتميز.
أختي الكريمة "روح المسك" شكرا على المساندة و انتظار المزيد

اي بلد في العالم فيها الغالي و فيها الرخيص. حتى واشنطن نفسها فيها اماكن رخيصة جدا
صحيح ان الغالي مو بمثل الرخيص و لكن كله بحسابه. انا زرت قطر في اغسطس 2008 و كان فيه اماكن معقولة بس ناسيها الحين.
عموما انا بزور قطر ان شاء الله بعد 3 اسابيع و ان شاء الله راح افيد الجميع بالمعلومات التي سأجمعها خلال فترة تواجدي هناك.
بالنسبة للماركات و الاماكن الغاليه فهي غالية في اي مكان بالعالم. السنه الماضية كنت بالهند "حيدر اباد"ودخلت مطهم الفور سيزنز هناك. دفعت سعر وجبة عشاء وحدة مايعادل سعر كل الوجبات اللي كليتها في الهند من يوم ما وصلت لحد كغادرتي. و هذا الكلام في احدي ولايات الهند البعيدة جدا عن العاصمة. بالنسبة للأكل بصراحة شفته عادي شوية مشويات و حمص!!!!!!!!!!! في الهند اللى اسعارها عادة معقولة جدا إلم لم تكن رخيصة.

ملاحظة مهمة: انا طرحت الموضوع لكي يستفيد اي احد و ليس لي شخصيا. لاي شخص يدخل المنتدى و يبحث عن هذه المعلومات. و لكي اكمل عقد المواضيع المتميزة بهذا الموضوع و صدقوني فيه كثير ناس تبحث فلا تبخلوا عليهم.

أي والله صدقت عشان نفيد الغير لانه انت صادق احنا الاماكن الي نحطها كلها فخمه بس ابيك تقولي في قطر كل شي غالي لانه كل اشياء الي عندهم فخمه وحلوه مجمعات اسعارهم نفس الشي في الخليج الفنادق نس فنادق قطر في الدفنه والدفنه معروفه انها اغلى منطقه في قطر والاماكن السياحيه الثانيه مثل الؤلؤه غاليه مافي الا سوق واقف اسعاره منوعه مع اني اشوف الغالي فيه اكثر يعني بالعربي 80% من مناطق قطر متوسطه الى غاليه نادر تلاقي شي رخيص

بالنسبة لسوق واقف في مبالغة كبيرة في الأسعار لأن اساسا سوق واقف مدعوم من الأمير واجار محلاته تعتبر من أرخص الاجارات غير أن الحريم اللي يبيعون هناك ما يدفعون أجار لانهم يعتبرون من الأسر المنتجة اللي تدعمهم الدولة بس للأسف هم مستغلين وجود السياح بكثرة في السوق وضاربين ضربتهم برفع الأسعار وأصلا بضائع السوق مب ذاك الزود

في منطقة أسواق ورا سوق واقف بالنسبة لي أشوفها كبضائع أحلى من سوق واقف وأرخص . منها سوق الديرة والجبر والنجادة

انا ماكنت اقصد اسعار المحلات الي في سوق واقف اقصد اسعار المطاعم والقهاوي لانه مطاعم مثل اصفهان والمحار الخ .... من المطاعم الراقيه والفخمه فـ اسعارها نار الى وسط

يعطيك العافيه على الموضوع

اي والله نبي نشوف الاماكن الي اسعارها معقوله

وتكون نظيفه و مريحه

https://www.otlaat.com/arabtravelers...quote_icon.png المشاركة الأصلية كتبت بواسطة همي رضا ربي
http://www.arabtravelersforum.com/tr...1/#post4257511

في منطقة أسواق ورا سوق واقف بالنسبة لي أشوفها كبضائع أحلى من سوق واقف وأرخص . منها سوق الديرة والجبر والنجادة




الحمد لله. هذي بعض الاماكن بدأت تظهرhttps://www.otlaat.com/arabtravelers...db2bc14b2a.gif
همتكم يا اهل قطر فأنتم أهل الديرة و أهل مكة ادرى بشعابها. خلوا الاماكن الغالية على صوب و هي معروفة و عندهم مواقع عالانترنت و ببحث صغير تقدر توصل لهم.
بس الاماكن اللي مبمشهورة تحتاج احد يخبرنا عنها و عن مواقعها و اسعارها.

مشكورين على التفاعل .......

https://www.otlaat.com/arabtravelers...quote_icon.png المشاركة الأصلية كتبت بواسطة hhs
http://www.arabtravelersforum.com/tr...9/#post4258729

الحمد لله. هذي بعض الاماكن بدأت تظهرhttps://www.otlaat.com/arabtravelers...79fa514b2a.gif
همتكم يا اهل قطر فأنتم أهل الديرة و أهل مكة ادرى بشعابها. خلوا الاماكن الغالية على صوب و هي معروفة و عندهم مواقع عالانترنت و ببحث صغير تقدر توصل لهم.
بس الاماكن اللي مبمشهورة تحتاج احد يخبرنا عنها و عن مواقعها و اسعارها.

مشكورين على التفاعل .......




بس على فكرة هاذي الاسواق تعتبر من الأسواق الشعبية ويمكن تنفع حق الحريم أكثر

نبي فندق رخيص في ولا ماافي

في البدايه احب اشكرك على فكرهـ الموضوع

انا كانت لي زياره مدتها بسيطه الى قطر .. انطبعي العام من ناحيه السياحه فاهي متوسطه مقرنها بغيرهـ ..

و الاسعار تعتمد على المنطقه .. وليس الراقي .. وجهت نظري

مثلنا السكن .. سكنت في شقق السراج للاجنحه المفروشه كان سعرها تقريبا 350 ريال قطري

كان مقبول .. اما التسوق فا اشوف ان الاسعار مماثله لا اسعار السعوديه .. وهذا يعتمد على ذوق الشخص

و الاكل كنت ابحث عن المطاعم الشعبيه لا التعرف على اكل اهل قطر .. وجدت ان الاكل ممتاز و السعر مقبول جيدا

ولكن كان ينقصه الخدمه



لك مني الحب و التقدير


(( اتمنا من الناس الى تعتبر انفسهم High Class الاكتفاء با النظر ))

اللولو وكارفور أسعارهم زينة ولكن جمعيات الميرة وهي منتشرة في كل مناطق قطر تعتبر أسعارها أرخص من كارفور من ناحية المواد الغذائية .

https://www.otlaat.com/arabtravelers...quote_icon.png المشاركة الأصلية كتبت بواسطة همي رضا ربي
http://www.arabtravelersforum.com/tr...3/#post4282423

اللولو وكارفور أسعارهم زينة ولكن جمعيات الميرة وهي منتشرة في كل مناطق قطر تعتبر أسعارها أرخص من كارفور من ناحية المواد الغذائية .




شكرا جزيلا على الرد السريع. استفسر عن المجمعات مثل سيتي سنتر و غيرا. هل فيه مداخل خاصة للعوائل او ان المداخل مختلطة؟

جزاك الله خير على الاجابة السريعة

اسأل كم سعر لتر البترول في محطات الوقود في قطر؟

https://www.otlaat.com/arabtravelers...quote_icon.png المشاركة الأصلية كتبت بواسطة hhs
http://www.arabtravelersforum.com/tr...9/#post4282929

شكرا جزيلا على الرد السريع. استفسر عن المجمعات مثل سيتي سنتر و غيرا. هل فيه مداخل خاصة للعوائل او ان المداخل مختلطة؟



المداخل عادي مختلطة وكبيرة ومتعددة وبتمشي في حالك والناس في حالها

بس في أيام خاصة للعائلات بس ما أذكرها لأني ما أركز عليها وايد .

https://www.otlaat.com/arabtravelers...quote_icon.png المشاركة الأصلية كتبت بواسطة hhs
http://www.arabtravelersforum.com/tr...2/#post4297382

همي رضا ربي , عيد 824 جزاكم الله خير على الردود الممتازة.

استفسر عن سعر التأمين على المركبات في منفذ ابوسمرة لمدة اسبوعين كم سعره؟

للأسف اخوي ماعندي فكرة عن سعر التأمين لمدة اسبوعين , بس اللي أعرفه ان التأمين على السيارة على الأقل مدة أسبوع بمبلغ 65 ريال قطري .

https://www.otlaat.com/arabtravelers...quote_icon.png المشاركة الأصلية كتبت بواسطة عيد824
http://www.arabtravelersforum.com/tr...3/#post4297453

للأسف اخوي ماعندي فكرة عن سعر التأمين لمدة اسبوعين , بس اللي أعرفه ان التأمين على السيارة على الأقل مدة أسبوع بمبلغ 65 ريال قطري .

كفيت و وفيت اخي عيد و انشاء الله الاسوع القادم بنكون عندكم بإذن الله