محتار وين اروح قطر او الكويت

السلام عليكم ورحمة الله وبركاتة
انا ابي اسافر لمدة 3 ايام ومحتار اروح قطر او الكويت ايهم افضل

اخوي هو على حسب الي تحبه ومثل ماقالو الاخوان

تبي مطاعم لانه مطاعم جدا عجييييييييبه وحلوه حبيتها مره


بس بين المولات مانقدر نصنف لانه في مولات في الكويت حلوه وكريها ونفس الشي مع قطر
بس اختار قطر لانه عندهم مول عباره عن كل مولات الخليج اسمه فيلاجيو مول

تبي توف تطور حظاري وراقي وناطحات سحاب ومناظر عندك الدوحه احسن بكثثثثثثثثثثثير

من ناحية البنيه التحتيه شوارع الكويت احسن اوسع بس من ناحية النظافه وترتيبها قطر بوااااايد احسن

تبي اماكن سياحيه ايضا عندك قطر



بشكل عام ارشح لك قطر لاني انا اشبه قطر بدبي صارت اشوفها الحين

بس حط سؤالك في البوابه الكويتيه عشان تكون الردود متساويه وتشوف في الاخير وين الي يعجبك واذا تبي روابط عن صور قطر 2011 عندي قول اذا تبقيهم باحطهم لك اهني

أنا من رايي هالموضوع ينغلق لان مثل هالمواضيع تسبب حساسية بين الاعضاء

السلام عليكم ورحمة الله وبركاته
اصلا الموضوع محطوط في البوابه الكويتيه *

ليش تسبب حساسية بالعكس انت تفيد الناس اذا وجهتهم وانا شخص محتار وابي نصايحكم

أنا من رآيي تحط هالموضوع في قسم السعودية وتسمع نصايح الاعضاء هناك

لان شي طبيعي ان القطري بيقول لك تعال قطر والكويتي بيقول لك تعال الكويت

السلام عليكم

اخوي ماجد انا اخوك من الكويت وحب اقولك بأختصار الكويت بلد جميل ومتنوع يعني تقدر كل يوم تروح مكان جديد
بالنسبه لقطر الحبيبه انا زرتها برحلة طيران للهند وكان عندي ترانزيت 5 ساعات وتمشيت فيها علي السريع ورجعت للمطار وقطر ايضا بلد جميل

لكن تبي الي يفيدونك بهذا السؤال ؟

روح لبوابة السعوديه وبوابة الأمارات وطرح سؤالك هذا

وسلامتك

كل واحد يحب بلدة لاكن انا لو احد يسالني وش الافضل من ناحية السياحة الرياض او البحرين قلت البحرين لان هذي الحقيقة ولا فيها مسبة لبلدي هذي تقديم نصيحة

اخووووووي


شوف التقارير و شوف شنو يعجبك الكويت او قطر

السالفة بسيطة لكن انت ضخمتها يا اخوووي

انا كويتي واقولك روح قطر

تظل جميع البلدان الخليجية مكان جميل للسياحة

بس كل بلد يتميز بنوع معين

السعودية / السياحة الدينية

قطر / المنتجعات الجميله والأسواق التراثية والتطور العمراني

الكويت / التسوق والمطاعم ((( التسوق خطير في الكويت)))

دبي / كل شي فيها حلو

البحرين / المجمعات والمقاهي

عمان ( صلالة) / الأجواء والطبيعة

https://www.otlaat.com/arabtravelers...quote_icon.png المشاركة الأصلية كتبت بواسطة ماجد660
http://www.arabtravelersforum.com/tr...4/#post6065924

ليش تسبب حساسية بالعكس انت تفيد الناس اذا وجهتهم وانا شخص محتار وابي نصايحكم

عداك العيب، فعلاً لا تسبب حساسية..!!

لكن تسبب أحراج للناس و لا أتوقع أنك تستفيد من الردود. لأن الرد معروف سلف..!

بمعنى:- لو أنك قابلت شخص معرفه ومشتاق له ومشتاق لجاره وطرحت عليه أنك تزورهم وتجتمع بهم
لكنك محتار على مكان الجمعه وين تكون في مجلسه ولا مجلس جاره تتوقع يقولك مجلس جاري أشرح
طبعا لا..!! ويمكن يزعل عليك..!!

وأتوقع ان هذه الحيره في المفاضلة بين بلدين تكون عند السفرات البعيده والشاقه والتي لا تتكرر كثير..

أما بالنسبه للكويت وقطر قربيين منك ... زورهم الثنتين لكن فاضل بينهم من ناحية الجو والفعاليات على أساس وقت الزيارة ... والله يكتب لك السلامة وتزور الكويت وقطر أكثر من مره.

وتقبل الود وتزورنا في الأول https://www.otlaat.com/arabtravelers...741d60oz5j.gif

https://www.otlaat.com/arabtravelers...quote_icon.png المشاركة الأصلية كتبت بواسطة almulhim
http://www.arabtravelersforum.com/tr...8/#post6113878

تظل جميع البلدان الخليجية مكان جميل للسياحة

بس كل بلد يتميز بنوع معين

السعودية / السياحة الدينية

قطر / المنتجعات الجميله والأسواق التراثية والتطور العمراني

الكويت / التسوق والمطاعم ((( التسوق خطير في الكويت)))

دبي / كل شي فيها حلو

البحرين / المجمعات والمقاهي

عمان ( صلالة) / الأجواء والطبيعة





أعجبني كثيرا هذا الرد