رحلة عمل لقطر بس ابي استفسر منكم

اخواني وخواتي الله يعطيكم العافية يارب على ما تقدموه للاعضاء من مساعده
بصراحة مديري او انا اقصد المدير يبي يفتح مشروع تجاري
والحمدالله رشحت له قطر وهو يفكر بدبي
وقلت عندي امل بالله ان قطر بتكون له مستقبل مثل الامارات وبالتحديد دبي او بوظبي
ولاننسى ان كاس العالم 2022 ان شاءالله ربي وربكم يحينا بطاعته
فحبيت اعرف عده معلومات وهي
هل يقدر المواطن الخليجي ان يستثمر بقطر مثل يفتح مطعم او كوفي شوب
كم هي اسعار الشقق العزاب يعني كم تقريباً واقصد العزاب يعني العمال لما نبي نسكنهم ..بصراحة وانا ابحث انصدمت معقوله شقة توصل عندكم بالشهر 7000ريال قطري ؟ وما ادري كم بالسعودي
وهل يقدر المواطن الخليجي ان يفتح سجل تجاري ؟؟
والله اني دخلت مواقع كثير على سبيل المثال وزارة الاعمال والتجارة واتصل على الارقام الموجودة ولا يردون
فقلت ان شاءالله الحل عندكم بعد الله سبحانه وتعالى
والسموحة ع الاطاله
المستثمر شاب سعودي

اخواني لازلت انتظر الرد الله يرحم والديكم يارب ..

كان بودي اني اساعدك بس للاسف ماعندي اي فكره عن الي تبي

و ان شاءالله الاخوان ماراح يقصرون معاك

بس هم ابحث بالمنتديات التجارية و العقارية هالمنتدى متخصص بالسياحه و السفر

و ان شاءالله الي عنده اي معلومه من الاخوان ماراح يقصر معاك

و بالتوفيق و نسال الله ان يرزقكم على نياتكم و يباركلكم في تجارتكم

اخوي مراد بيض الله وجهك والله يجزاك خير يارب
ماقصرت ربي يسعدك ويطول بعمرك ع طاعته يارب
والله اني بحثت في منديات كثير
والظاهر انه لازم اسافر قطر عشان احصل على المعلومات اكثر
واكرر شكري لك ياخوي ..

اخوي بونورة انا بصراحة ما عندي فكرة في هذي الامور بس اللي اعرفه ان عندنا ناس ليسو بقطرين وفاتحين محلات تجارية ولكن اتوقع ان الكفلاء يكونو قطرين
وبالنسبة للشقق هي ارتفعت اسعارهم كثير وعادي الشقة 7000 وطالع طبعا في 5000 بس ما توقع تحصل باقل الا تكون مستواها نازال وهذا اللي اعرفه وان شاالله الاخوان يساعدونك وحياك الله

شوشوما
الله يعطيك العافية ما قصرتي اختي

بس الظاهر لازم ازور قطر واسوي الدراسه مباشرة
ووالله بحثت بالمنتديات
ولكن لقيت منتدى ويقول لازم تسجيل ايميل رسمي