ارجوا الرد استفسار عن شارع اكسفورد
السلام عليكم
عندي كذا سؤال و اتمنى الرد لاني نزلت موضوع قبل و ما لقيت رد
حابه اسال عن محلات الاطفال في اكسفورد
مثلا نكست تاريخ 26 اللي هو بوكسنغ دي متى تفتح المحلات
سمعت الساعه 6 صباحا هل صح هالكلام او لا ؟
و باقي المحلات متى تفتح هاليوووم
و محل نكست هل له فروع في اكسفورد او هو محد واحد بس في هالشارع
و كم توصل التنزيلات هاليوووم
و افضل مكان تسوق ملابس اطفال هو اكسفورد او في مكان ثاني ؟
next clearance هذا عباره عن اوت لت او محل ؟؟
و وين مكان في لندن او برع لندن ؟
و ابغي اوت لت فيه ماركات مثل نكست مونسون مذكير و قاب و غيره من هالماركات ؟؟
اتمنى الرد اخواني و خواتي و عدم تجاهل
و شكرا
رد: ارجوا الرد استفسار عن شارع اكسفورد
ما احسها صراحة زود التخفيضات
بشكل عام ساعات العمل تطول في هالفترة بس قليل المحلات الي تفتح مبكر جدا اغلبها من 10 او حتى 11 في هالموسم …. وتختلف عموما من شركة لاخرى فالافضل التشييك على ويب سايت كل محل…. انما من تجربة كذا سنة التسوق في هذه الفترة ماهو ارخص بكثير والاماكن مزدحمة وربما الشراء بالنت من نفس المحلات هو افضل طريقة لموسم التخفيضات في نظري!
رد: ارجوا الرد استفسار عن شارع اكسفورد
تفتح من 10 لين 10 ماعدا يوم الأحد من 12 لين 10 ..
التنزيلات عادية اللي اذكره فيه محل ديزني لاند فهالشارع ,,
رد: ارجوا الرد استفسار عن شارع اكسفورد
اذا تقصدين بتاريخ ما بعد الكريسمس صحيح بعض المحلات تفتح الساعة 6 الفجر و الطابور للدخول و الازدحام شي يخوف
و الاسعار ( يا بلاااش )
نكست على الطرفين من شارع اكسفور و التنزيلات مستمره حتى نفاذ البضاعة
و نادرا بهذه الايام تحصلين شي ع المقاس المطلوب ، بسرعة يخلص
محلات الاوت لت لم ازرها و لا لي اي علم بها
بس اذا تقصدين البيستر فيلج اوت لت ، فهو مكان للماركات العالمية
مش مثل نكست راح تحصلين هناك
و طريقة الذهاب بالباص او القطار و المكان خارج لندن
بالتوفيق