ماهي أفضل المناطق السياحية بالدوحة
السلام عليكم
عساكم بخير وصحة
أحب استفسر عن افضل الاحياء او المناطق السياحية بالدوحة
خاصة اني بجي طيران لذلك ومابيكون عندي سيارة ويهمني احجز الغرفة في مكان حولي
محلات تمشية اقدر اروحلها مشي من المكان اللي بسكن فيه مع العلم ان زيارتي مو سياحة
لكن هي فرصة نتعرف على البلد وجيراننا الطيبين وسلامتكم
https://www.otlaat.com/arabtravelers...26c1385038.gif
رد: ماهي أفضل المناطق السياحية بالدوحة
وعليكم السلام ورحمة الله وبركاته
من رأيي أفضل مكان للسكن هو في المنطقة الدبلوماسية قريبة من السيتي سنتر والكورنيش وسوق واقف وكتارا والؤلؤة
لكن مع هذا لابد من السيارة ما ينفع مشي معلم واحد ممكن تروحه مشي لكن مش كل شي ممكن تروحه مشي
أقترح عليك إنك تاجر سيارة وتاخذ راحتك أفضل
بالتوفيق إن شاء الله
رد: ماهي أفضل المناطق السياحية بالدوحة
رد: ماهي أفضل المناطق السياحية بالدوحة
الأستاذ/ بونعوم
بيض الله وجهك على المرور والإفادة الكريمة
رد: ماهي أفضل المناطق السياحية بالدوحة
المحترم / ابن خلدون
بخصوص ما استفسرت عنه ( أحب استفسر عن افضل الاحياء او المناطق السياحية بالدوحة ) / مثل ما أفادك به الاستاذ/ بونعوم ـــ الله يعطيه العافية ــــ
أما بخصوص ( ويهمني احجز الغرفة في مكان حولي محلات تمشية اقدر اروحلها مشي من المكان اللي بسكن فيه ) / أرشح لك السكن بفنادق سوق واقف هو الأنسب لما ذكرت وعددها ستة فنادق ( http://www.swbh.com/ ) وسوق واقف أجوائه حلوه وحيوي وغير ممل والتمشيه والقعدة فيه ممتعة تـروح وتـرجـع بالـسـلامـة
رد: ماهي أفضل المناطق السياحية بالدوحة
الله يسلمك ياخوي الحبيب سعود
وجاري البحث في سوق واقف ..