افضل مكان للسكن في جاردا ؟؟
السلام عليكم
اخواني الاعزاء
ابي اسئلكم وين افضل منطقه للسكن بقرب بحيره جاردا
لا تقولون لي فيرونا ولا ميلان لاني بزورهم وقعد فيهم
انا مخصص 3 ايام للريلاكس على بحيره جاردا
وين تنصحوني
ابي تكون بجمب القاردالاند والستيديو ومطعم العصور الوسطى
هل تنصحون السكن في جاردا او سيرموني او فين بالضبط؟
وسؤال هل الجاردالاند والستوديو والاكوا والاكواريوم والمطعم العصور القديمه جمب بعض او وش وضعهم؟
ابي اوتيل يكون رائع بمعنى الكلمه وابي الاوتيل يكون للريلاكس واذا كان في resort كمان مافي مانع
بعد قاردا بطلع باريس وش افضل واقرب مطار يودي على التشارلز دي قول (مطار باريس)https://www.otlaat.com/arabtravelers...a8dc314b2a.gif
رد: افضل مكان للسكن في جاردا ؟؟
هلا بك أخوي
أنا اشوف سيرموني أفضل شي
والفندق الي أنصحك فيه انا سكنت فيه
من أفخم الفنادق في سيرموني وأطلالته على البحيرة
ورائع جدا جدا جدا
وهذا رابط الفندق من البوكينق
http://www.booking.com/hotel/it/auro...tml?aid=358324
أنصحك فيه وبشدة وخذ لك غرفة بأطلاله
وبالنسبة لأقرب مطار ينزل للتشارلز ديغول هو مطار مالبينسا في ميلان وهو يبعد ساعه عن وسط ميلان
ولو تروح عن طريق أيزي جيت للطيران
وهذا رابطهم
http://www.easyjet.com/asp/en/book/index.asp?lang=en
وأنتبه اذا حجزت تضيف الشنط لأنها ماهي مضافه لأن هالطيران أقتصادي
وتذكر ان كل شنطة تكون 20 كيلو
وشنطة كبيرة وحده
وشنطة يد وحده
أتمنى أني أفدتك
تحياتي لك
رد: افضل مكان للسكن في جاردا ؟؟
مشالله عليك شكرا على سرعه الرد
تو اقرا موضوعك وقلت اكيد انك خبير
طيب كم يبعد الاوتيل عن الاماكن الترفيهيه اللي ذكرتها انا بالموضوع فوق
رد: افضل مكان للسكن في جاردا ؟؟
ويالطيب انا ناوي استئجر سياره بعد ماخلص من فينيسيا وكنت ناوي اسلمها في فيرونا واطلع من فيرونا على باريس بس على الايزي جت مالقيت رحله بهالمواصفات ولا على rayanair
رد: افضل مكان للسكن في جاردا ؟؟
عن جارادا لان 30 دقيقة
عن الموفي لاند 33 دقيقة
كلها أبو نص ساعة مو أكثر من كذا
الفندق رائع جدا جدا
ولو تنتظر شوي راح أنزل صور الفندق
تحياتي لك
رد: افضل مكان للسكن في جاردا ؟؟
وش افضل مكان للايجار يكون بفينيسيا ؟
رد: افضل مكان للسكن في جاردا ؟؟
حبيبي خلي ميلان اخر الرحلة
ومطار مالبينسا بميلان فيه رحلات منه الى باريس تشارلز ديغول على الأيزي جت
وترا فيرونا ما تستاهل النوم فيها اذا تبي رأيي
هي حقت نهار
يعني تجيها من الصبح الى الساعه 3 بس
أنت علمني كيف خط سير رحلتك وكيف جدولك عشان أنا أعرف
تحياتي لك
رد: افضل مكان للسكن في جاردا ؟؟
علمني جدولك وراح أعطيك الفنادق كلها
بس عشان أعرف خط سيرك
وأرجع أقولك أنا افضل أن ميلان تكون أخر محطة عشان يكون المطار قريب منك
تحياتي لك
رد: افضل مكان للسكن في جاردا ؟؟
روما - فلورنس- فينيسيا-جاردا-باريس-ميلان بعدين الرجوع
رد: افضل مكان للسكن في جاردا ؟؟
المشكله انا مابي امر على ميلان واضرب مشوار للمطار مالبينسيا
ابي مطار يكون جمبي
خصوصا اني برجع من باريس على ميلان وبقعد فيها
رد: افضل مكان للسكن في جاردا ؟؟
لا عطيني بالأيام
يعدين كيف تكون باريس قبل ميلان؟؟؟؟
اذا بتروح لباريس وبترجع لميلان ترا مرة تعب عليك ولا تسوى الروحة
خلي عودتك من باريس وريح بالك
يعني يكون جدولك روما - فلورنس - فينيس - سيرموني - ميلان - باريس
هذا رأيي وترا هذا أريح لك وأرخص لك
تحياتي لك
رد: افضل مكان للسكن في جاردا ؟؟
Travelling Plan:
From To Duration & Cost Date
Riyadh
Rome 5:35 30th May (
Rome Firenze(Florence) 1:35 2nd June
Florence
Pisa 1:00 3th June
Pisa Florence 1:00 3th June
Florence Venezia 2:00 4th June
Venezia
Verona 1:11 5th June
Verona Gardaland 30 min 6th June
Gardaland Paris 1:35 min 8th June
Paris
Milano 12th June
Milano
Riyadh 5:35 16th June
رد: افضل مكان للسكن في جاردا ؟؟
بتلاحظ بالجدول
مدينه الانطلاق ومدينه الوصول والتاريخ
اكيد انه افضل لو بخلي رجعتي من باريس لكن المشكله انا حجزت وخلصت وباريس ماكانت الفكره موجوده لكن قررت فيها قبل شوي لان بيكون فيها بعض الاصدقاء وحبيت ازورهم
فعشان كذا لازم اروح باريس وارجع بعدين لميلان عشان ارجع الرياض
رد: افضل مكان للسكن في جاردا ؟؟
والله يا حبيبي أنا أشوف روحة باريس مالها داعي
لو أنك بتروح وبتقلع من هناك قلت اوك
بس بتروح لها وبترجع والله تعب
لان لو تفكر فيها
الروحه لباريس لازم تكون في المطار قبل ب 3 ساعات لأن المطار يكون زحمة
وعلى بال ما تحط شنطتك وتقص البوردنق وتروح لصالة الأنتظار ومتى تقلع ومتى توصل هذا يوم راح عليك كله تعب وشقى
والرجعه نفس الشي بتروح عليك يوم
وفيه يوم بيروح بعد يوم عودتك للرياض
هذي يومين راحوا على الفاضي
أنا أقولك تراها ما تسوى
وأنت بكيفك
تحياتي لك
رد: افضل مكان للسكن في جاردا ؟؟
رد: افضل مكان للسكن في جاردا ؟؟
بحاول اكلم الخطوط السعوديه بكره اخلي الرجعه من باريس
وشورك وهدايه الله
طيب يالحبيب كم يبعد الاوتيل aurora اللي اقترحته من قاردا لاند
ووين افضل الاماكن للتمشي والترفيه في قاردا والاماكن اللي حولها؟؟
رد: افضل مكان للسكن في جاردا ؟؟
قلتلك
30 دقيقة عن جاردا لاند
عندك سيرموني مدينة حلوة وهادية جدا
عندك موفي لاند 33 دقيقة
حلوه مرة كأنك داخل في فلم
يورونك كيف يسوون الأفلام
وفيه المدينة المائية اتوقع قريبه منهم بس وين بالضبط ما ادري
لا وفيه مطعم ميد أيفل تايمز سمعت عنه لكن ما شفته ويمدحونه مرة
-----
في ميلان لا تنسى تخصص يوم لكومو ولقانو
راح تدعيلي
تحياتي لك
وتصبح على خير
رد: افضل مكان للسكن في جاردا ؟؟
ونت من اهله يالحبيب
ومشكووور
