أتمنى المساعدة رأيكم يهمني
السلام عليكم ورحمة الله وبركاته
مساء الخير على الجميع
بصراحة اني ابي اسافر شهر عسل وللأمانه ويعلم الله اني كنت حاجز على سويسرا وفرنسا عن طريق طيران الاتحاد
وقاص التذاكر من الحين لكن قدر الله وماشاء فعل حصل لي ظرف وممكن تتكنسل السفره وان شاء الله
اذا الله احيانا نعوضها مره ثانية
وكنت كاتب موضوع بالبوابة السويسرية والاخوان ماقصروا ساعدوني وحجزت الفنادق بمشورتهم بعد الله
سؤالي الحين
هل مصر تنفع لشهر العسل أو لا؟
لأنه وبصراحة ناس مدحوها لي وناس حذروني قالولي حرام تروح مصر لشهر عسل
انا فبالي اروح للشرم وللقاهره سمعت عن الشرم الشئ الكثير والاغلب يمدحه فيها
أتمنى من لديه الخبرة أنه يساعدني ويشير علينا
واذا كان الجواب نعم وش افضل الاماكن بمصر والفنادق الي تنفع لشهر العسل بغض النصر عن سعرها
مع العلم ان تاريخ سفري 10/7/2010م اذا الله احيانا
اشكر الجميع على تجاوبهم مقدما
رد: أتمنى المساعدة رأيكم يهمني
يا هلا اخوي
ألف مبرووك الزواج مقدماً
بما ان سفرك بالصيف ما انصحك ابدا بالقاهره
بتكون زحمة سياح وانا بنظري اشوفها ما تصلح لشهر عسل
شرم الشيخ حلوه وهادئه وتصلح لشهر عسل .. بس خل ببالك ان فيها نشاطات بحريه كثيره
الا اذا تبي تقضيها بتمشيه واستجمام فـ هي حلووه ..
وانصحك تروح لمدينه ثانيه هادئه بمصر بدل القاهره ..
او ممكن تروح جزر بشرق آسيا .. اكثر هدوء وتصلح للعرسان .. والتكلفة ممكن نفسها أو اقل
رد: أتمنى المساعدة رأيكم يهمني
هلابك أخي الغالي كوكو
بالنسبة لإختياري للقاهره للتسوق وفيها اكثر من خيار علشان الواحد يتمشى فيها.
وأتمنى اذا فيه مدن أخرى ممكن تعوضني عن القاهره أتمنى تفيدوني فيها
وبخصوص شرق اسيا كان في البال تايلاند بس انا من اول ماكان فبالي اروح شرق اسيا ابدا وماارغب فيها
ألف شكر لك اخي الغالي ولا تحرمنا من نصايحك
بالنسبة لشرم الشيخ كم يوم تتوقعون يكفيها وايش افضل الفنادق فيها من حيث النظافة والخدمة والاكل؟
رد: أتمنى المساعدة رأيكم يهمني
وأنا أخوك أنا رحت لماليزيا مرتين شهر عسل فالمره الأولى والمره الأخرى أيضا شهر عسل بس بعد مرور 3سنوات من الزواج ورااااااااااائعه بمعنى الكلمه وغالبية العرسان هنااااااك وأعتقد نفس تكاليف شرم الشيخ واذا أحتجت معلومات أبشر
رد: أتمنى المساعدة رأيكم يهمني
أنصحك والله بشرق آسيا ( إما تايلند أو ماليزيا ) لا تفكر بغيرهم أبد ...
زبط حجوزاتك من الان
مبرووووووووووووووووك
رد: أتمنى المساعدة رأيكم يهمني
https://www.otlaat.com/arabtravelers...quote_icon.png المشاركة الأصلية كتبت بواسطة طراد القصيم
http://www.arabtravelersforum.com/tr...7/#post3551289
هلابك أخي الغالي كوكو
بالنسبة لإختياري للقاهره للتسوق وفيها اكثر من خيار علشان الواحد يتمشى فيها.
وأتمنى اذا فيه مدن أخرى ممكن تعوضني عن القاهره أتمنى تفيدوني فيها
وبخصوص شرق اسيا كان في البال تايلاند بس انا من اول ماكان فبالي اروح شرق اسيا ابدا وماارغب فيها
ألف شكر لك اخي الغالي ولا تحرمنا من نصايحك
بالنسبة لشرم الشيخ كم يوم تتوقعون يكفيها وايش افضل الفنادق فيها من حيث النظافة والخدمة والاكل؟
شرم الشيخ تكفيها 4 ايام
وبالنسبة للسكن انا سكنت بفندق القرية النوبيه 5 نجوم بخليج نبق
اغلب اللى يروحون يحبون يسكنون بخليج نعمه وسط الزحمه وكل شي حولك
بس انا اهلي يحبون الهدوء فاخترنا هالفندق وهو مو بمثل فخامة باقي فنادق 5نجوم
لانه على الطراز النوبي
ان شاء الله الاعضاء يفيدونك اكثر من هالناحية
الاسكندريه بالصيف زحمه لكن مو مثل زحمة القاهره
ولو رحتوا لها ممكن تقضون ليله بمنتجع بورتو مارينا بالساحل الشمالي
يبعد ساعه عن الاسكندريه
وخذ فكره عن باقي مدن جنوب سيناءمثلا الغردقه والجونه
وغيرها
وبيتكون اكثر هدوء وقريبه من شرم
وضروري تشوف تقارير الاعضاء تاخذ فكره
ولو حبيت مثلا تروح شرم الشيخ مع الاسكندريه
خل خط السير الرياض شرم الاسكندريه الرياض
او الرياض الاسكندريه شرم الرياض
بدل الروحه والرجعه لنفس المدينة ويطلع ارخص بعد
ومعليش لوطلع الكلام محيوس لاني شابكه من الموبايل
رد: أتمنى المساعدة رأيكم يهمني
رد: أتمنى المساعدة رأيكم يهمني
انا مدري كم المدة اللي ناوي تجلسها في مصر
لكني ارشح لك
شرم الشيخ و مارينا تحديدا بورتو مارينا وهو على فكرة قريب من الاسكندرية
وآخر 3 أيام ممكن تخليها في القاهرة وارشحلك الفنادق التالية
كونراد
سوفتيل الجزيرة
الفور سيزن
رد: أتمنى المساعدة رأيكم يهمني
هلا والله بك اخوي
الله يوفقك يارب ويتمم عليك بخير
بصراحه مصر مره حلوه ومافيها اي شي يعيبها
بس ماانصحك تروح لها شهر عسل
لان احس بشهر العسل احلى ان الناس يروحون اماكن رومانسيه فيها طبيعه خلابه
وعموما كثير راحو لمصر بشهر العسل وانبسطو مره
انصحك بجراند حياه كسكن لانه اوتيل مره رايق وهادئ
والفورسيزون مره حلوووووو
لان باقي الاوتيلات عاده تكون كلها سياح وزززززززززززحمه مثل هيلتون رمسيس
وزحمه من النوع اللي يضايق اقصد
والقاهره لازم تكون اساس الرحله كلها
يعني تخلي كلها كم يوم لان فيها اشياء كثيره لازم تشوفها وتستمتع فيها
الله يتمم لكم ويوفقكم يارب