حبيت آخذكم ويايه في رحلتي الصيفيه لألمانيا وبالتحديد في هامبورغ ، ورحتي القصيره في السويد والنرويج ..
رحلتي تتكون من أجزاء وهي ثريه بالمعلومات والصور
وقبل مانبدأ رحلتنا لابد وان أشكر أخويه القافله اللي تقريره هو اللي دخل في راسي مدينة هامبورغ قبل سنتين ..
وظلت في خاطري والسنه الحمدالله تيسرت وسرنالها
كل الشكر لأخويه القافله اللي ساعدني بكل استفسار طرأ ع بالي ...
جزاك الله الف خير يابوعبدالرحمن ..
تقرير القافله ع هذا الرابط ...
تفاصيل رحلتنا
عدد المسافرين ...
عددنا 6 ماشاءالله
أنا وبوعيسى وكتاكيتي
وشغالتي كوماري ( ترا هاي غير عن اللي كانت ويايه في سويسرا )
موعد رحلتنا ...
المغادره بتاريخ 25 / 6 / 2010
من دبي الى هامبورغ
على طيارة الساعة 9 صباحا
والعوده للوطن بتاريخ 23 / 7 / 2010
من هامبورغ الى دبي
على طيارة الساعه 3,25 دقيقه
من تاريخ 25 / 6 / 2010 .الى تاريخ 15 / 7 / 2010
مدة 20 يوم في هامبورغ / المانيا
عملتهم ...
اليورو
1 يورو = 4.8 درهم تقريبا
من تاريخ 15 الى 16
مبيت في كروز بحري من هامبورغ الى السويد
ومن تاريخ 16 / 7 / 2010 الى 21 / 7 / 2010
مدة 5 ايام في مدينة جوثنبيرغ / السويد
عملتهم ...
الكرون
1 كرون = 2 درهم اماراتي
ومن 21 الى 22
مبيت في كروز بحري من السويد الى هامبورغ
ومن 22 / 7 / 2010 الى 23 / 7 / 2010
العوده لهامبورغ مدة يوم واحد ثم العوده لأرض الوطن ..
الطيران المعتمد ..
طيران الامارات
ع الدرجة ...
حجزنا على الدرجه السياحيه
وعقب ترفعنا كلنا ع البزنس بفضل سكاي وورد ، ماعدا الشغاله
المواصلات ...
أجرنا سياره للمدة كلها من شركة هيرتز
وموقعهم الاكتروني ...
والسياره الاولى نوعها مرسيدس 9 راكب
والسياره الثانيه نوعها مرسيدس 7 راكب ( عقب بخبركم التفاصيل )
قيمة ايجار السياره للمده كلها = 12000 درهم
دفعناها لفرع الشركه الموجوده في دبي
الاتصال ..
أشترينا بطاقاتنا من شركة blau الالمانيه
قيمة البطاقه = 9.90 يورو
موقعهم ..
لمستخدمي البي بي ( بلاك بيري )
في حاجه تعلميتها من أخويه الله يحفظه ، قبل ما اسافر نبهني لشغله وااااااااااااااااايد مهمه وكثير منا
يجهلونها وهي ...
قبل السفر لأي دوله اتأكدوا من الاتصالات مع أي شركه هم متعاونين وياها في البلاد اللي بتزورونها
ولما تسيرون هناك غيروا للشبكه المناسبه ..
يا اما كثير من الناس يتهم فواتير البي بي عاليه لأنهم يجهلون هاي النقطه ..
((هذا بالنسبه لدولة الامارات وما اعرف عن باقي الدول))
قمت واتصلت باتصالاتنا وسألتهم عن هامبورغ ، وخبروني انهم يتعاملون مع :
* فودافون
* نتوورك
* +e
* O2
ولما سألتهم عن السويد ، خبروني :
* Telenor
* Orange
ولما سألتهم عن النرويج ، خبروني :
* Telenor
* Noor