سؤااال صعنون أأأأأد كده

السلام عليكم جميعا

احلى مساء على قلوبكم

بصراحه والله انا من الصباح جالسه احوس في النت والمواقع ومانمت https://www.otlaat.com/arabtravelers...181f21j7m5.gif

احاول اسوي لي جدول حليو عشان سفرتي بداية شهر اكتوبر انشاء الله

بس طفشت من موقع الخطوط السعوديه لان فيه خيارات كثيرة واشياء مو فاهمتها في تغيير الاسعار وشنو الفرق بينها

الموهم

شرايكم شنو افضل خطوط اقدر اسافر عليها من وجهة نظركم وخبرتكم لو احد سافر فيها من قبل

ناس تمدح السعوديه وناس تمدح المصريه ياليت احد يفيدني حتى لو فيه خطوط ثانيه افضل منها لاتقصرون علي

وفي شهر ابريل الماضي صاحبتي جلست في مطار مصر تقريبا سبع ساعات عشان تأخير الرحله

هل هالشيء فعلا يحصل ولا حاله طارئه وماتتكرر لاني خايفه احجز عليها واتنقع هناك لوحدي https://www.otlaat.com/arabtravelers...181f23utns.gif

بس اهم شيء تكون عندنا في الرياضhttps://www.otlaat.com/arabtravelers...181f21qd86.gif



انتظركم الله يعافيكم ويخليكم لاهلكم

نسيت انا حجزي بيكون ان شاء الله للقاهره خمسه ايام وراجعه

ثانكس

تبين نصيحتي لا تروحين على الخطوط السعوديه لانها خايسه مره لا من ناحية المقاعد ولا من ناحية الاكل

الخطوط السعودية هي الخيار الجيد رغم سلبياتها

اطلعي عليها والخيارات سهلة ورائعة على موقعهم اختيار المقعد والاكل والخدمات الثانية

انا حاجز على السعودية ومرتاح معهم

تحية طيبة :
من وجهة نظري الحجز على الخطوط السعودية و على الرحلة التي تقلع من الرياض الساعة ( 3 ) عصرآ و اظن رقمها ( 313 ) ، لان هذه الرحلة نادر ما يحصل عليها تأخير ، و سبق لي تجربتها عشرات المرات و لا اتذكر انهم اخرونا ، و عند العودة الحجز على الرحلة التى تقلع من القاهرة الساعة السابعة مساءآ هي الافضل .
و رحلة موفقة إن شاء الله
تحياتي ،،،

الخطوط المصرية افضل الف مره من السعودية وطيراتهم الخايسة

الله يعطيكم العافيه على الردود

طيب ممكن احد يقول لي اشلون احجز على الخطوط المصريه

سواء في رابط لهم او رقم اتصل عليهم

انا اشوف ان السعوديه افضل بس مقلتي صاحبتككانت حاجزه على اي خطوط الي اخروها 7 ساعات
ومن ناحيت االجدول في مصر انا اشوف انه مينفغ في مصر جدول وخمس ايام متسوى جدول

بعدين مصار سؤال صعنون

السعودية أفضل ... كذلك المصرية جيدة

الرحلات القصيرة ... لا يوجد فروق بين بعض الخطوط


المهم الوقت الذي ترغبين بالسفر فيه صباحاً عصراً ليلاً


توكلي على الله

احجزي الوقت المناسب بغض النظر عن الخطوط

تم الحجز على الخطوط السعوديه الاسبوع الجاي

1522 ريال

الرياض القاهره الرياض

مشكورين

بالتوفيق ان شاء الله

للعلم ترا شهر 10 باقي له 15 يوم هههههههههههه وبالنسبة للسعر من وجهة نظري مناسب جداً لاني قاعد ابحث عن حجز طيران لسوريا واقل سعر للذهاب والعودة هو 2100ريال والسبب انهم مازالو بالسيزن .

وبالنسبة للفرق بالطيران انا اشوف ان الدعوى توافيق من رب العالمين سوى المصريه او خيارنا الاوحد السعوديه ههههههه

https://www.otlaat.com/arabtravelers...quote_icon.png المشاركة الأصلية كتبت بواسطة نورة السبيعي
http://www.arabtravelersforum.com/tr...3/#post4230533

تم الحجز على الخطوط السعوديه الاسبوع الجاي

1522 ريال

الرياض القاهره الرياض

مشكورين




ماشاء الله سعر حلو انا اخذته ثالث ايام العيد الذهاب عن طريق الرياض والعودة عن طريق جده 2700 ريال

سلطان المزيد

مع اني مو فاهمه سبب ضحكتك

لاكن مشكور يالغالي على حضورك

اخوي فيصل بالمناسبات اكيد بيزيد السعر

لانه مثل الاسهم يزيد وينقص

واللي يبي يشوف اسعار الحجز بامكانه يدخل على موقع الخطوط السعوديه


ولما حجزت الكرسي ماكان فيه احد حاجز الا تقريبا عشرة انفار بس

حلووو اختي نوره وربي سعر جدار رائع
انا تونس واصل امس من مصر
ورجلتي كانت اول العيد من الرياض الي القاهره
والعوده من القاهره الي جده ومن جده حجزت رحلة داخليه الي الرياض
يعني كان تعذيب شوي
وحصلت سعر التذكره للقاهر بـ 2000ريال
فـ ثبتي على هـ السعر والله يوفقك على رحلتك

هلاا بنوره

انا حاجز على الخطوط السعوديه يوم 6 اكتوبر والعوده 12

السعر 1294
واشووف انه غالي لانه مو وقت سيااحي وانا حاجز من موقع الخطوط
وراح ابحث بالمكاتب عن سعر افضل

نصيحه لو تروحين لمكتب حجوزات يكون ارخص

.........
بالنسبه للبرنامج
يعني اسواق ولا اماكن ترفيه ولا جلسات على النيل

مو فاهم

اختى الكريمه


يشهد الله جربه خطوط طيران مره كثيررررررررره حول العالم ومع انه فيه افضل من الخطوط السعوديه من ناحيه الخدمه الا انه افضل الخطوط السعوديه بقووووووووووووووه يكفى تذكير الناس بدعاء السفرر قبل الاقلاع

والخطوط السعوديه من سنتين نادر تاخير الرحلات ع الرحلات الدوليه التاخير فى الرحلات الداخليه مررررررررررره كثير بس فى الرحلات الدوليه مو من مصلحه الخطوط السعوديه التاخير لانه محسوبه عليهم ارضيه المطار بالساعه عشان كذا اغلب الرحلات ملتزمين بموعد الاقلاع وانا من واقع تجربه كثيره ع الرحلات الدوليه من الناددددددددر تاخير رحله دوليه

وسعرك مرررررررررره مناسب بس تنبيه اختى الكريمه الان سعرك هذا شكلك حجزتى ع درجه v كلاس انصحك ترفعى الدرجه شووووي لانه درجه v الكلاس لايمكن تغير موعد الحجز ولا التذكره فيها استرجاع اذا لاقدر الله ولا سفرتى

تروحى وترجعى بالسلامه يااختى الكريمه

السلام عليكم

اختي رحله موفقه ان شاءالله... انا مجرب الخطوط السعوديه ومصر للطيران مافيه فرق كثير

ودمتم سالمين

https://www.otlaat.com/arabtravelers...quote_icon.png المشاركة الأصلية كتبت بواسطة مفلس وابى اعرس
http://www.arabtravelersforum.com/tr...7/#post4244537


يكفى تذكير الناس بدعاء السفرر قبل الاقلاع







الخطوط المصرية تذكر الناس بدعاء السفر أيضاً

الإثنين زي بعض والمصرية حالياً طائراتها أحدث



تشاو

مصرية والا سعودية اهم شي تلاقين حجز بالوقت اللي يناسبك وتكون اوكي

انا جربت المصرية والسعودية كلهم تمام بس المصرية تزل بالمطار الجديد اللي هو Terminal 3

غير كذا ما في فرق كبير
وبالنسبة للتاخير ممكن يحصل على اي طيران