فزعتكم بفندق حلو ونظيف بالكويت

السلام عليكم

مساء الخير يا اهل المنتدى ويعطيكم العافيه على الموقع الحلو والمفيد لكل المسافرين

بس حبيت استفسر عن فندق حلو ونظيف وسعره معقول ويكون 5 او 4 نجوم بالعاصمه قريب من شارع

الخليج والاسواق الشعبيه والتجاريه بالكويت

وحبيت بعد اعرف عن فندق ميرديان تاور ، والريتز

وياليت تفودوني اكثر عن الفنادق الزينه والاسواق لاني كثر ماقريت وكثر مافر راسي وخاصه هذي الزياره

الاولى للكويت

تحياتي للجميع واتمنى ماتبخلون علي يا اهل المنتدى

واسف على الاطاله


تمت الاجابة هنا
احتاج فندق 4 نجوم قريب من شارع الخليج والاسواق الشعبيه

اجمل الفنادق في العاصمة وتعتبر الأحدث

هوليدي ان دوان تاون
فوربوينتس
مرديان تاور
كورت يارد ماريوت
لو مرديان

فندق ريتز الشرق يعتبر نظام شقق وموقعه حلو
فندق سفير البستكي ايضا نظام شقق وموقعه جيد

فندث سفير انترناشيونال من الفنادق الممتازه ولكنه قديم نوعا ما وعلى البحر
فندق جي دبليو ماريوت من الفنادق الراقية في العاصمة
فندق سويس ان من فنادق 4 نجوم وموقعه ممتاز

اتمنى ان اكون قدمتك لك معلومات جديدة

حياك الله عاشق الريم
والله من ناحيتي مالي خبره حيل بلفنادق بس اذا قصدك العاصمه كويت سيتي
عندك الفنادق التاليه : شيراتون العاصمه الرايه وكثير من الفنادق
بس انصحك برايه افضل وحسن لان جديد وموقعه مناسب للأسواق قريب من الاسواق الحديثه والقديمه
وهم قرب من الاسواق الشعبيه وسعره مناسب بس مادري هل انت معاك عائلتك
وعلى حسب الاشخاص الى معاك
وانشاء الله ماراح يقصرون الشباب بلبوابه راح يفيدونك وحياك الله بديرتك الثانيه
وهم انا اول مره اشارك بلبوابه يعني حالك من حالي وسمحلي على التقصير معاك
بس ماحبيت اقرا تقريرك او سؤالك وطلع بدون رد

الاخوان مافصروا بالنسبة للفنادق
اما الاسواق كثيرة واهمها:

الافنيوز
المارينا مول
سوق شرق
الفنار ( بجانبه العديد من المجمعات)
المهلب
الراية
الصالحية
الكوت

ما قصرتوا ..

عموما في فنادق وايد

الاقرب وبالعاصمه ..

فندق الرايه

فندق الفور بوينتس ( تابع للشيراتون)

وفي شقق فندقيه في فرح موتيل بمنطقة شرق

وحياج الله

اذا تبين بالعاصمه (الدييرة)

انا انصحج تختارين :
الرايه او هوليدي ان داون تاون
(الهوليدي ان وراه سوق شرق)



اذا تبين بالسالميه و عند الاسواق
انصحج بـ فندق المارينا ^^

يعطيكم العافيه ياشباب وصبايا :)

وماشاء الله المعلومات واضحة والله يكتب الخير

ونجي الكويت بالسلامه واكيد اهلها ماراح يقصرون

سواء هنا بالمنتدى او لما نجي عندهم (بإذن الله) واكيد

انهم راعين فزعه

بالنسبة للفنادق محتار مره لاني اسمع من

كذا واحد من الشباب اللي روحاتهم للكويت واجد

ان اثاث فنادقها قديم وهل هذا صحيح

ادري اسأله واجد بس احب اني لما اروح

اي منقطقه انشد عنها واقرا

وانا مجرب المنتدى لما سافرت العام

الى النمسا وكانت المعلومات مره واضحه

وابي لما اوصل الكويت ان شاء الله اعرف

الفندق اللي ابي اروحه وانا متطمن من ناحية

نظافته

والسلام مسك الختام

اخوكم

عاشق ريم

الأخ انا وضحت لك ان الفنادق الحديثة هي :

اجمل الفنادق في العاصمة وتعتبر الأحدث

هوليدي ان دوان تاون
فوربوينتس
مرديان تاور
كورت يارد ماريوت
لو مرديان

فندق ريتز الشرق يعتبر نظام شقق وموقعه حلو
فندق سفير البستكي ايضا نظام شقق وموقعه جيد

فندث سفير انترناشيونال من الفنادق الممتازه ولكنه قديم نوعا ما وعلى البحر
فندق جي دبليو ماريوت من الفنادق الراقية في العاصمة
فندق سويس ان من فنادق 4 نجوم وموقعه ممتاز

عاشق ريم انا انصحك اذا تبي بالديره مثل ماقالوا الاخوان والاخوات فندق اللي بالرايه واسمه كورت يارد
وهو خبط لزق بمجمع الرايه واذا تبي على شارع الخليج فندق المارينااا والمجمعات اللي عنده مجمع المارينا والفنار وليلى وزهره
يعني قريب من شارع حمد المبارك كله مجمعات ومطاعم
وعلى العموم الاثنين يعتبرون من اجد وانظف القنادق بس طب وتخير
واذا ماعجبك شي ان سكنك في اعيونااا
تقبل مشاركتي غدير

فرح موتيل بجم الليله ووين موقعه بالظبط الله يعافيكم