افضل سوق ذهب في البحرين

السلام عليكم ورحمة الله وبركاته

خواتي بنات البحرين بغيت مساعدتكم انا ان شالله بزور البحرين الاسبوع الجاي وحابه اشتري ذهب من عندكم لكن اللي ابيه الموديلات القديمه لذهب البحرين واللي تلبسه العروس بليله الحنا عرفتو شنو ابي :) عندنا كذا اسم لبعضها (الطاسه اللي تلبسها العروس على الراس _ المرتهش _ المحزم ....) انا حابه اشتري هالاشياء فياريت تساعدوني وين ممكن القى هالتصاميم القديمه ويكون شغلها نظيف ومرتب انتظر مساعدتكم ....انا مره زرت مدينه الذهب عندكم وماعندهم هالاشياء .....وإذا ممكن اسم محل معين ويكون شغله رووووووعه ومضمون اكون ممنونه لكم وشاكره مساعدتكم ....انتظركم ياحلوووواااات ...

انتظركم على ان المشاهدات وصلت 9 مشاهدات :(

للأسف ماعندي اي فكره ..


اعتقد هالموديلات صارت ماتصنع .. لكن ممكن تلقين بعضها مستعمل وللبيع ببعض محلات الذهب


اذا لقيت جواب عند الوالده راح اخبرج :)

شكرا مزون يعطيك العافيه

والله أختي صار لنا فترة ما نشتري الذهب من غلاته بس روحي سوق المنامة ( باب البحرين ) مو مدينة الذهب اللي يسمونها جولد سيتي لان هذي ديزانات هنود اكثر شي طبعا السوق يبيله مشي تاخذين من بداية باب البحرين وتمشين وتحصلين اكثر المحلات على يدك اليسار اذكر اسم جامبو وكأنه في موكيش بس ما اذكر الباقين وانتي مكلمة صفة المحلات بتييك لفه على يدك اليسار هني في محلات بس حق ذهب الهنود اكثر لا تلفين كملي شوي وبتييك لفه ثانية على اليسار ومبنى كبير هذي يسمونه سوق الذهب شوفي يمكن تحصلين عندهم

وبعد جربي مجوهرات مديفع في سوق القضيبية

امابالنسبة لمجوهرات الزين ما ادري اذا عندهم اللي تبينه بس عندهم محل في مجمع السيف ( جهه المجوهرات صايره صوب ماركس ) في كم محل بعد يمكن تحصلين عندهم

اتمنى اني افدتك وزواج مبارك ان شاء الله

تسلمين ام الياسمين وماقصرتي ياعمري

السلام عليكم حبيبتي،
بالنسبة لمحلات الذهب في محل مجوهرات داماس موجود في سيتي سنتر البحرين.. تصاميم مجوهراته حلوة انا ما بحب الا بضاعته.. اسعاره مقبولة على حسب المصنعية و الديزاين اكييد
http://www.citycentrebahrain.com/ar/...amas-jewellery