وش رايكم في موقع فلاي ان

دخلت الموقع فلاي ان ولقيت عرض مقري عطوني رايكم؟؟
http://im85.gulfup.com/0eGlU.png




وحصلت ع خطوط السعوديه
http://im59.gulfup.com/yQl61.png


واذا موثوق الموقع فلاي ان عطوني خبر لني ابي احجز من عندهم
او احد حجز من طريقهم
يعطيكم العافيه

انا كنت اتصفح فيه استفدت منه بحيث انو بين لي اقل الاسعار بس بصراحه ما استرجيت احجز.منه رحت حجزت من موقع الاتحاد من الموبايل

يعطيك العافيه انا ابي احد جرب وحجز منه من الموبايل

موقع فلاي ان موقع مشهور لكن الافضل أن تتصل عليهم وتتأكد بنفسك
لكن حقيقة اللي اعرفه أنه موقع موثوق
لكن لاحظت أنه أكثر من شركة
طيران بالحجز
واعرف كثير من الزملاء حجزوا عن طريقهم فنادق وطيران
بس اذا تبي نصيحتي كلمهم بنفسك

يعطيك العافيه بو معاذ كلمتهم وعاد طلعتلي بنت وقالتلي كل التفاصيل بس تدري هم ابي احد حجز عشان اتاكد واحجز وللمعلومه قالتلي الدفع يا فيزا او تحويل احد البنوك ولين الحين متردد من الموبايل

صح اكثر من شركه ولكن الارخص اهم شي اني اروح وارجع بسلامه ماتهمني فخامه الطياره هل في اشكال يعني انها تكون اكثر من شركه من الموبايل

اخوي محمد اقصد انا ودي تتاكد هل الرحلة برقم حجز واحد
ام عدة ارقام لانه كذا المشكلة
هي في الشنط تستلمها ثم تنتقل
الى مبنى آخر وهي خصوصا
مشكلة لمن لديهم عفش كبير
عموما انا قلت لك احد الزملاء حجز عن طريقهم
فنادق وطيران من الرياض الى دبي وعبر طيران الخليج تحديدا

بدق عليهم وبشوق كيف حجزهم بتفصيل وبعطيك خبر مع العلم انا. رايح تمشيه ماني بروح حق اشتري هدايه شنطه ملابس يعطيك العافيه من الموبايل

هلا بومعاذ استفسرت وقالواي تذكره وحده
اهي الرحله احنه مسوينها كذا
ودخلت موقع طيرات الخليج وشيكت ع طياره وصج نفس الوقت
ودخل موقع مطار ابوظبي وصج في طياره ماليزيا تمشي
رايكم نصيحتك من الموبايل

هلا اخوي محمد
وانا ابحث عن خبر عن موقع فلاي ان لقيت مشاركتك وقلت خلني اعطيك تجربتي بكل امانه
انا اشتري من الشركه هذي من اول ما فتحت تقريبا وشركه ما قد واجهت معاها اي مشكله لا من خلال الموقع ولا من خلال مركز الاتصال
الموقع موثوق فيه
وبحكم خبرتي في الحجز من المواقع ومن مواقع شركات الطيران لقيت ان فيه مواقع اجنبيه لها مصداقية وممتازه بس مشكلتها فرق العملة وفرق التوقيت يعني لو حصل لك تبي تعدل تبلش معهم وفرق العمله يوصل مية او ميتين احيانا حسب قيمة الحجز واذا كلمتهم قالو لك من بنكك وهم صادقين
بالنسبة لمواقع شركات الطيران ممتازه بس فيها عيب فرق العملة وفيها مشكلة التعديل والإسترجاع يطول شوي
انا مرتاح احجز من فلاي ان اعدل بالإيميل ويكلموني اذا فيه فروقات واسترجع تذاكري وفي اقل من 3 ايام المبلغ راجع لحسابي

عطيتك خلاصة تجاربي في المواقع من 2008

https://www.otlaat.com/arabtravelers...quote_icon.png المشاركة الأصلية كتبت بواسطة مسافر دايم9
http://www.arabtravelersforum.com/tr...8/#post8194158

هلا اخوي محمد
وانا ابحث عن خبر عن موقع فلاي ان لقيت مشاركتك وقلت خلني اعطيك تجربتي بكل امانه
انا اشتري من الشركه هذي من اول ما فتحت تقريبا وشركه ما قد واجهت معاها اي مشكله لا من خلال الموقع ولا من خلال مركز الاتصال
الموقع موثوق فيه
وبحكم خبرتي في الحجز من المواقع ومن مواقع شركات الطيران لقيت ان فيه مواقع اجنبيه لها مصداقية وممتازه بس مشكلتها فرق العملة وفرق التوقيت يعني لو حصل لك تبي تعدل تبلش معهم وفرق العمله يوصل مية او ميتين احيانا حسب قيمة الحجز واذا كلمتهم قالو لك من بنكك وهم صادقين
بالنسبة لمواقع شركات الطيران ممتازه بس فيها عيب فرق العملة وفيها مشكلة التعديل والإسترجاع يطول شوي
انا مرتاح احجز من فلاي ان اعدل بالإيميل ويكلموني اذا فيه فروقات واسترجع تذاكري وفي اقل من 3 ايام المبلغ راجع لحسابي

عطيتك خلاصة تجاربي في المواقع من 2008




يعطيع العافيه اخو مسافر طمنتني


مع العلم باقي شهرين ع رحلتي وانتظر اني انظمها من ناحيه الموصلات فقط واللغه

موقع فلاي ان موثوق جدا انا جربت الحجز معهم اكثر من مره .... معظمها احجز في النت وادفع في مكتبهم ... تعاملهم رائع وفيه مرونه

هلا اعزائي الغالين..اعجبتني ردودكم وحبيت اشاركم.رحلتي في 2013 العام السابق كانت عن طريقهم من الى وبصراحة مالاحظت اي فرق في السعر حجزو لي طيران الامارات ولقيت سعرهم
نفس السعر اللي بالموقع حقشرمة الطيران.
وانا لي معرفة وصداقة مع مدير فرع الرياض ويعتبر انه جاب لي اسعار لقطة.ومع هذا مالاحظت يوم بحثت الا في فندق واحد.
السنة هذي اتصلت عليهم ودخلت موقعهم ورتبت رحلتي من عندهم واتصلت على صاحبي وطلعت الرحلة ب14700.وفندقين بدون افطار,
هذا بواسطة.
قمت قلت انتظرو ورحت بوكنق وحجزت الفنادق وبعضها افخم وبافطار وعشاء ورحلت الطيران وكل شي ورحلة داخلية بعد 11200 والله على مااقول شهيد.
طبعا رحلت الطيران جابو لي رحلة على الخطوط السعودية كنت حاط عيني عليها وعرضوها علي بنفس سعرها.
معلومة اخيره موقعهم حسيت فيه تغير بالاسعار بشكل يومي ايضا من كلام اللي اعرفه هناك يقول اذا انتهيت من حجوزاتك يزيدون نسبة لهم عمولتهم.
اتمنى اكون افدتكم ورحلة موفقه.

انا حجزت عن طريقهم طيران وفنادق في 22 سبتمبر تعملهم مررره حلوه
واذا حجزت طيران وفنادق عن طريقهم يسون لم خصم 20 % على الفنادق
ويعطونك ارخص طيران عندهم في شركات الطيران
موقع في الرياض مقابل برج العنود طريق الملك فهد