مخطط رحلتنا وعدة استفسارات

السلام عليكم ..
بإذن الله رحلتنا في 14 اكتوبر ووصلنا راح يكون على ميونخ
رحلتنا راح تكون ( ميونخ 4 ايام - زيلامسي 5 ايام -سالزبورغ 2 يوم - قارمش 2 يوم- ميونخ 3 ايام )
يعني 16 يوم .. وش رايكم بجدول الرحلة ؟! احنا حجزنا فنادق في ميونخ وزيلامسي
ابي اعرف كيف الجو في ميونخ في هالوقت ؟! هل يكون البرد شديد او امطار او ثلوج ؟!!
وياليت لو احد يعطيني الاماكن السياحية في قارمش وسالزبورغ ..
وابي اعرف كم المسافة بالضبط بين سالزبورغ وقارمش ؟! لاني ماعرفت اطلعها ابد
واذا عندكم اضافات تخص المدن اللي بروح لها يقول لي الله يجزاه خير
اتمنى تردون لي لاني محتاررررررة
ولكم دعوة مني ...https://www.otlaat.com/arabtravelers...dd59114b2a.gif

معقولة ولا رد .. بليز ياخبراء https://www.otlaat.com/arabtravelers...dd5910msq2.gif

أنا برد عليكي :)
انا مخطط أروح المانيا في نفس الفتره اجازة العيد ... بس مخططي برلين ميونخ بادن بادن وباريس

تعليقي على مخططك أن هالفتره بتكون برررد حسب ماقريت فزلامسي بتكون بارده ... ليه ماتكتفين بميونخ وتخلينها نقطة انطلاق .... يوم لستراسبورغ ويوم غارمش وممكن حتى زيلامسي لوحابه لانهم جنب بعض .. وروحي اماكن ثانيه زي بادن بادن او رست ..
وبرلين يمدحونها .. وبس
اتمني اكون افدتك وننتظر اراء اخرى

ميونخ كثير عليها 7 ايام
ودايم في اوروبا حاول تنزل في مدينة وترجع من مدينة ثانية حتى تقدر تلف اكبر قدر ممكن من المدن ..
مافيه حاجة ان حجز العودة يكون من ميونخ .. زيورخ او جنيف او باريس افضل برأيي ..

بالنسبة لخط السير ..
اقترح ..
ميونخ .. سالزبورغ .. زيلامسي .. انسبروك .. قارمش .. ميونخ

وبالنسبة للجو فعلا ممكن يكون برد في الوقت اللي بتروحون فيه .. لذا حاولوا تختارون مدن يكون جوها معتدل .. ممكن تنزلون لايطاليا ميلان مثلا حلوة ..
او فيه مدن المانية جميلة .. او حتى مدن الريف الفرنسي ستراسبورغ وانسي وغيرها بالاضافة طبعا لباريس ..

قوقل ماب من اروع المواقع اللي يفيدك في الرحلة .. افتحيه .. واضغطي على الحصول على الوجهات .. وبعدين ابدأي اكتبي المدن اللي تبي تتنقلين بينها وراح يعطيك المسافات والطرق وتعرفين ترتبين خط سيرك بشكل ممتاز .. موقع قوقل ماب من اميز المواقع اللي استفدت منها في رحلتي لاوروبا ..