ودي أسافر للمغرب

السلام عليكم ورحمة الله وبركاته

مساء الخير جميعا ماعمري سافرت لدولة وناوي اروح للمغرب ميزانيتي 20 الف ريال كم راح يوم تكفي للمغرب وشكرا لكم ابي نصائح منكم انتظركم الله يسعدكم

والله ياخوي
المفترض تحدد عدد الايام انت و نقرلك تكفي و الا لا
ممكن تكفي خمس ايام و ممكن عشره و ممكن شهر
حسب صرفيتك انت
تحياتي

الله يسعدك يامحسن انا باخذ شهر

اهلاً اخي ..تتروك

المده شهر .. والمبلغ (20) الف .. لاتكفي ..

والسبب الأول / انك حسب كلامك اول مره تسافر لأي دوله ..

والسبب الثاني / ايضاً اول مره تسافر الى المغرب ..

لكن نصيحه من اخ لأخيه .. انك تقرأ تقارير الأعضاء في هذه البوابه

وعليك تدوين جميع الملاحظات .. حتى تستفيد منها هُناك ..

واي شي يصعب عليك .. تفضّل ..

من ناحيتي انا نصيحتي انك تبداء بالامارات..... ومن ثم ممكن ماليزيا او تركيا .... واذا انك مصمم اسأل ونحنا معاك بالاجابات ان شاء الله ...لانه الكلام المجمل ما ينفع لابد من التفصيل ..كمثال ودك تسكن سكن عادي او فخم تحبالبحر او مش فارقة معاك .... اهتماماتك ...هل المبلغ شامل سعر التذكرة او صافي وهذه الامور ...

والله انك بطل اول مره تسافر وعلى طول للمغرب وكمان شهر يبيلها دراسة صح عشان تضبط امورك بالملي
هي ممكن تكفيك 20 يوم بحيث انك تضبط صرفيتك . بس ودي اعرف برنامجك عشان اساعدك باللي اقدر عليه .