سؤالي عن المسافة من القصيم إلى الحدود الحديثة كم
السلام عليكم ورحمة الله
أخواني نسيت أسألكم أنا من القصيم واريد منكم إعطائي المسافات من القصيم للزلفي ومن ثم الحفر يعني المفرق اللي قبل الحفر ومن ثم إلى رفحاء ومن ثم عرعر وطريف والقريات ابي بالضبط كم كيلو وكم ساعة وأي وقت تنصونني اتوكل على الله فيه ابي مشيتي مرة وحدة والله يعين
كذلك من وين استخرج دفتر التربيتك من بريدة أو عنيزة من وين بالضبط ؟
وشكراً لكم
رد: سؤالي عن المسافة من القصيم إلى الحدود الحديثة كم
ياخي وين تبي ترجع للزلفي وحفر الباطن ورفحاء..!
اطلع لطريق حائل تبوك عمان اقرب لك..وبعد كم شهر بيفتح طريق حائل الجوف وراح يكون يختصر المسافه الى النصف
واذا انت مصمل تبي طريق رفحاء.. اطلع من القصيم الى حائل ومن ثم بقعاء لينه رفحاء..والطريق مزفلت ويختصر المسافه عليك..
تحياتي لك
رد: سؤالي عن المسافة من القصيم إلى الحدود الحديثة كم
من القصيم للزلفي 110
الزلفي الحفر 290
الحفر رفحا280
الحفر عرعر280
عرعرالقريات410
تستخرج دفتر التربتك من المكاتب قبل المنفذ مباشرة ب 450 ريال
رد: سؤالي عن المسافة من القصيم إلى الحدود الحديثة كم
اخي الكريم المسافه من الرياض الى الحدييه تقريبا 1400 كيلو من القصيم تقريبا نفس المسافه لأنك لازم تمر من عند الزلفي والحفر وحنا حقين الرياض لازم نمر المجمعه والحفر يعني بنلتقي في الحفر اتوقع انها نفس المسافه واحسن شي للمشي الساعه 1 بالليل عشان المشي بالليل يطوي المسافات انا مجربها اكثر من مره يعني ان شاء الله ماراح يطلع عليك النور الا بعد رفحه ماتصل عرعر الا النهار طالع والطرق الصعبه اللي هناك تكون في النهار واضحه عليك افضل من الليل ومن الحديثه الى داخل الاردن وحدود جابر السوريه تقريبا 190 كيلو ومن حدود جابر الى وسط الشام 90 كيلو متر لو تلاحظ المشوار كلها في ديرتنا الحبيبه وتحياتي إلك .
رد: سؤالي عن المسافة من القصيم إلى الحدود الحديثة كم
ممكن سؤال إخواني ...
أبي طريق وبالتفصيل :) غير طريق الزلفي ، من القصيم طبعا ...
الشباب قالوا لي :
فيه القصيم - طريق حائل - تربة - رفحا ........ ألخ
وفيه قالوا القصيم - حائل - الجوف ,,, لكنه لم يخلص ...
ممكن أحد يوضح لي أكثر ويفصل من ناحية هذين الطريقين ...
لكم شكري وتقديري وجزاكم الله خيرا
رد: سؤالي عن المسافة من القصيم إلى الحدود الحديثة كم
بالنسبة للطريق لاهل القصيم يمكن الذهاب عن طريق الزلفي الارطاوية ام الجماجم ام ارقيبة ويجيك محطة على مفرق رفحا يتجه شمال الى رفحا قبل الحفر بحدود 80 كم
او اتجه لقبة عن طريق الاسياح وثم فية طريق يتجة لسامودة
حوالي 80 كم بس لا يصلح الا لاهل الونيتات والجيوب لان فية وصلة لم تنتهي وكذالك نفود الدهنا ردمية من دون زفلتة
الطريق الاخر تتجه من عنيزة على طريق القصور كانك متجة لحائل تجيك اشارة المعارض ابتل تجيك تحويلة اجباري يمين انت
اطلع الكبري كانك تبي تروح للمليدا او ارامكو وانت فوق الكبر ي تشوف امتداد طريق القصيم حائل السريع على يمينك اعكس الطريق لانة مسدود وامسك الخط الخط زين بس النهار افضل لان فية تحويلات واعمال طرق وجمال سائبة .
عند نهاية الطريق اجباري تتجة لحائل وانت متجة لحائل
يجيك لوحة لبقعا اتجة معة بعدة تربة ثم لينة ثم رفحا
اما طريق تبوك لا تروح معة بعيد مرة وطريق شين
وتمشي داخل الاردن بحدود 500 كم
لاكن طريق عرعر احسن للسيارات الصغيرة لاهل القصيم واهل الرياض
بالنسبة لطريق حائل عبر صحراء النفود الطريق
للي معة جيب وراعي بر يعرف للرمل
يتجه لحائل ثم يتجة لطريق الخطة يجيك الطريق على اليسار مسفلت
من المفرق الى النفود 120 كم سفلت ثم ردميات ثم خطوط رمل نفود
حوالي 8 كم ثم ردمية ثم ياتي على يسارك جبل العليم فية قرية عندها مسجد وماء ومحطة بانزين
ثم طريق مسفلت طولة 140 كم
الطريق متعب للي ماهو متعود على الطرق البرية لوجود التحويلات واعمال الطريق كما ان الوصلة الرملية لايمكن ان تسير علية الا الجيوب واهل الخبرة بالسير بالنفود
رد: سؤالي عن المسافة من القصيم إلى الحدود الحديثة كم
أخي الفاضل ... السفير ...
شكرا لمعلوماتك القيمة ...
وودي أسأل ...
أيهما أفضل ...
طريق الزلفي ولا حائل ... لا أهل القصيم ؟ :)
شكرا يا غالي
رد: سؤالي عن المسافة من القصيم إلى الحدود الحديثة كم
الافضل هو طريق الزلفي الارطاوية رفحا طريف الحديثة لوجود العديد من المدن
كذالك الاسفلت جيد ومن رفحا الى طريف اكثر الطريق سيدين
اما طريق حائل الشملي الجهرا تيما القليبة ابو عجرم القريات الحديثة
فلا انصح بة صح الطريق اخف سيارات لاكن ممل وطريقة متعب الزفلتة تعبانة
يكفيك انة من القصيم الى المفرق حق الجهرا بس 650 كم ومن المفرق الى بعد تيما فوق ال300 كم
طريق ممل ومتعب ولا يوجد الا تيما على طريقك
لو تحتاج قطعة غيار تكسفت وتعبت
معك جيب رح من عند قبة يطيح لك 120 كم
رد: سؤالي عن المسافة من القصيم إلى الحدود الحديثة كم
سفيرنا ...
تسلم ، وتشكر فوق العادة ...
توكلنا على الله ... طريق الزلفي أبرك / ، و120 أو 200 ما هي فارقة دام فيها جلد وتقليل سرعة ، أمشي 140 ومرتاح أحسن لي من غرابيل :):):)
مشكور جدا ، ونصائحك وإرشاداتك إستفد منها مثيرا ونقلتها لغيري ...
جزيت ألف خير
رد: سؤالي عن المسافة من القصيم إلى الحدود الحديثة كم
يعطيكم العافية أخوي اكيد ابي امشي مع الزلفي تبوك مشوار وثاني ثي فعلا ممل يتسلمون بالربع ماقصرتوا
رد: سؤالي عن المسافة من القصيم إلى الحدود الحديثة كم
يا أخوان فيه طريق عبر النفود يطلع من حائل الى لينه ثم رفحاء جيته قبل 7 سنوات تقريباً وفيه بعض الوصلات لم يكتمل احد يعطينا علووووم هالطريق ,, لأن عندي نيه اروح لسوريا وافكر اسلك هالطريق , علماً ان سيارتي كامرى , يعني كان فيه وصله ولا تحويلات بلاش نروح معاه
رد: سؤالي عن المسافة من القصيم إلى الحدود الحديثة كم
اخوي طريق حائل لينه رفحاء ..الحين مزفلت بالكامل
رد: سؤالي عن المسافة من القصيم إلى الحدود الحديثة كم
صباح الخير اخواني جميعا اولا اعرف با نفسي ا حمد من اهل الحفر تعقيب علي احد الاخوان القصيم دمشق 1300 لا اتفق معة من القصيم الي الحد يثة 1400 كيلو واذ انت ناوي تسافر الي دمشق طبعا من القصيم الي الزلفي وبعد الي الارطاوية وبعدة ام الجمام وبعد في محطة وبنزين قبل الحفر 90 كيلو اسمة البطحانية تلف شمال ام ام عشر ولينة الي رفحاء وبعدة الي الحد يثة طبعا ذا اقرب بشي بسيط اذ ما تبغي تد خل الحفر طبعا والي حد دمشق من الحد يثة تقريبا 350 كيلوا وتو صل بسلامة واي احاجة نحن با الخد مة اخوكم ابو صالح
رد: سؤالي عن المسافة من القصيم إلى الحدود الحديثة كم
حبيب ألبي عزوز :)
ممكن وصف دقيق للطريق :)
ياليت تعطيني وتعطي اللي عنده إهتمام بهذا الطريق وصف ، وشرح عنه ؟
لك شكري وتقديري
رد: سؤالي عن المسافة من القصيم إلى الحدود الحديثة كم
https://www.otlaat.com/arabtravelers...quote_icon.png المشاركة الأصلية كتبت بواسطة عزوز نجد
اخوي طريق حائل لينه رفحاء ..الحين مزفلت بالكامل
مشكوووووووووور اخوي ويعطيك الف عافيه
رد: سؤالي عن المسافة من القصيم إلى الحدود الحديثة كم
الطريق من حائل الى بقعا تربة لينة رفحا
الطريق لاهل القصيم
تتجه لحائل قبل ان تصل لحائل ب40 كم تقريبا ماني متاكد كم لاكن قبل حائل على طريق القصيم
فية مفرق لبقعا اتجه معة ويوصلك الى طريق تربة ولينة هذا الي اعرف عنة
رد: سؤالي عن المسافة من القصيم إلى الحدود الحديثة كم
الله يوصلكم سالمين وغــــانــمــــيــــن ياحبايبنا بلغوا لأهالي الشام تحياتنا وأشواقنا .