مطاعم البحرين

السلام عليكم ورحمة الله وبركاته


لو سمحتوا يا اخواني ابي اعرف مطاعم بالبحرين تكون ممتازه

انا اعرف مطعم الفردوس هو مطعم يجننن اكله هندي وحلو بس نبي نغير

لو سمحتوا يا اخوان ابيكم تعطوني مطعم انتوا مجربينه ويكون مره حلو وطبعا يكون ممتاز بالربيان والسمك

وعليكم السلام ورحمة الله وبركاته

هذي اختي مطاعم متنوعه فيه منها البحري والايطالي وغيره

الفش ماركت بشاليهات البندر
النينو جنب مجمع العالي
جوني روكت جنب مجمع العالي
المقهى الايطالي بالسيف الدور اللاضي
زوي بالعدليه
تشيليز جنب مجمع السيف
تريدر فيكس بفندق الريتز
بلو اليفنت بضاحية السيف

هلا daloolh
تكفى عطنا وصف مطعم الفردوس .. أحب الأكل الهندي

مطعم الفردوس يا اخوي يجنن
وخذ لك كل انواع الربيان عنده يجنن ربيان على الصاج مو طعم قاتل
ربيان مقلي يهبل
ربيان مشوي يجنن
برياني ربيان او برياني سمك ياربي مو طعم
وعندك بعد اطلب صالونة خضار ( عباره عن خضار منشفه ومحرحره ) ياربي قام بطني يعورني وانا توني ماكله
شي غير طبيعي
عنوانه

ادخل من عند فندق الهيلتون وبيقابلك دوار خلاص ادخل بالدوار بتشوفه ركني على الشارع مطعم الفردوس ( البردوني ) لون لوحته ابيض واخضر
للصراحه اذا دخلت مو شايف ديكورات وعفسه لا مطعم عادي بس شف اذا جات وحدو ونصف بالموت تحصل لك طاوله كل اهل السعوديه والكويت والبحرين والامارت كله خليج
الحقيقه يجنن
فانا ابي مطعم بها المستوى ابي اذا دخلت اكل انظف الصحون من زين الاكل

شكرا جزيلا daloolh على سرعة الرد ، وعلى وصفك الدقيق للمطعم
بس الله يسامحك جوعتيني وشوقتيني كثير للمطعم .

التشكيليهلسلام عليكم ورحمه الله وبركاته
اخواني وخواتي اذا تحبون الأكل الهندي في مطعم أسمه لانترنس في شارع البديع مباشره عند مطعم برجر لاند عند جمعيه البحرين للفنون التشكيليه لا يفوتكم ولازم تحجزون ايام الويك اند اذا العدد كبير. واذا تحبون الاكل الصيني والتايلندي في مطعم اسمه مونسون في العدليه خلف وكاله الفراري لازم تسالون عنه لانه وسط البيوت.اذا تحبون كوفي شوب هادي ومحترم واكله حلو عندكم كوفي شوب وجاليري دار البارح في العدليه مقابل مطعم قيصر وجريب من التحقيقات الجنائيه
تحياتي

شوفوا لو تلفوا البحرين كلها ما راح تتذوقوا مطاعم مثل :

مطعم ابراج لاسيما فرع العدلية + العالي

مطعم زيارة مقابل السيف روائع من الاطعمة

وانا لا ادخل مطاعم ايطالية او من هالنوع ما تدري يمكن يحطون لحم ؟؟؟

طيب انا ابي مطاعم ديكوراتها حلوه


واكلها حلو ممكن تعلموني

ولكم جزيل الشكر

هذي اول مشاركاتي


بارك الله فيكم على المطاعم بس للأسف توني راجعه منهاااا


المره الجايه ان شاء الله نعوضهااااااااااا


لاعدمناكم

مشكورين والاخت دلالوه علي الوصف الدقيق سواء للموقع او حتى الاكلات عجيبه

بالعافيه لازم نزوره بس ترا شيلسز الي عند مجمع السيف عادي مو لذيك الدرجه ودايم زحمه مدري ليش

اللي جربته مطعم زيارة قرب السيف وهو ممتاز جدا

ومطعم الابراج بجميع فروعة (( عجبني اللي في المحرق من حيث الديكور )) وهو قرب سينما لجزيرة

وللامانة عجبني اكل زيارة اكثر من مطعم الابراج بالمحرق

تحياتي

يا إخوان الحقيقة أنا احب أكل مرمريز وزيارة وعندك اصفهاني (اللي بالدانة أو مجمع البحرين) نسيت المهم عندهم ساندويتشات إيرانية عجيبة والملح والزاد سمعت عنه يمدحونه .بس أبي تشورون علي بافضل مطعم للسويخات (تكة بحرينية وين) مع الوصف لو سمحتوا

مطعم تايلندي :
1-مطعم blue elephant بلو الفينت هذا تقريبا عند فندق الرتز سابقا المريديان يوم الأحد والثلاثاء
يكون بوفيه اكلات بحريه سعر للشخص الواحد 13.800 دينار بحريني هذا هو الموقع المطعم
وطبعا تدخل علي كلمة بحرين في اسفل الموقع لأنه هذا الموقع عالمي
http://www.blueelephant.com

2-مطعم بان سانغ تاي (baan saeng thai resturant) مطعم درجه اولي متخصص في الأطباق التايلنديه والصينيه الأصليه طبعا يوجد لديه بوفيه الماكولات البحريه عشاء كل يوم سبت والثلاثاء
السعر 4 دينار فقط مع مشروب غازي او ماء مجانا الموقع هو
http://www.baansaengthai.com

3-مطعم شذي ايضا تايلندي وفيه بوفيه مقابل تقريبا نادي الأهلي بالمنامه رقم التلفون هو 17721155

مطاعم امريكيه :

1- مطعم تشليز عند مدخل السيف

2-مطعم ابل بيز عند مدخل مجمع البحرين

مطاعم منوعه :
1- ملح وفلفل مطعم هندي وصيني لذيذ جدا جدا الرقم هو 17623535

2-مطعم الرنديفو اللي موجود بالسيف نظام بوفيه

3- مطعم ايطالي جوني كرينوز عند مدخل السيف

4- مطعم ايطالي ماما ميا وايد حلو وعجيب جدا جو ايطاليا والطباخه الموجوده او صاحبة المطعم ايطاليه
بس يستاهل الأكل نفس طعم ايطاليا الرقم هو بالرفاع17772321

5-مطعم صيني هندي اسمه كنغ فو kung fu وايد حلو الأكل عنده رقم التلفون 17774430 بالرفاع

6-وطبعا علي مستوي التكه البحرينيه عندك تكة ابل بالراع او المنامه والأحسن منه تكه ابو جمعه
طبعا هذي في داخل البيوت في المحرق هو احسن واحد تقريبا يسوي انواع التكه ولا تفوت الهريس
لذيذ جدا الرقم هو 17340019

8-مطعم فندق الشيراتون طبعا نظام بوفيه عجيب دايما بوفيه عالمي بس يستاهل
9-مطعم فندق الدبلومات
10-مطعم فندق كراون بلازا نظام بوفيه اكلات بحريه رائع جدا الشخص 13 دينار
11- مطعم سمرقند شارع البديع نظام بوفيه
ارجوا ان اكون قد افدت الجميع

مشكورة أختي ناريمان بس تكة أبل كيف أوصلها ممكن توصفيلي من عند جامع الفاتح أو المعارض

هلا بك
هو الأحسن في رائي تكة بو جمعه بالمحرق وبعدين تكة ابل
وصف الطريق لتكة ابل المنامه:
شوف انت علي الشارع الرئيسي ومسجد الفاتح علي يدك اليمين والكورنيش بعد علي اليمين اوكي:24:
في اشاره ضوئيه امامك انت لازم تلزم اقصي اليسار علشان تلف :icon_arro علي شارع المعارض وبتشوف في بنك البحرين الوطني علي يسارك :36_1_36:
وبيت الدونت علي اليمين:1076: المهم تمشي الي الدوار الأول وبعدين بعد تروح الي الأمام الي الدوار الثاني لف الدوار روح يسار يعني ثاني لفه المهم بتشوف سعد الدين للحلويات :kashkhah:
وبتشوف محلات كلها تقريبا للخياطه الرجاليه مثل القائد وابناء الوطن كله علي يسارك وعلي نفس الشارع
في الزاويه بتشوف تكة ابل :36_1_51:
وبالعافيه :8888:

لاتنسوا مطعم العراقيين في شارع المعارض مطعم عنده مشاوي جدا رائعه وتحياتي .

الأخت ناريمان ياريت توصفين لنا تكة بوجمعة

عندي خبره بالمحرق وادل فيها يعني ما راح تتعبين بالوصف

في واحد يسوي تكه في نفس الشارع اللي فيه ىخر فرصة الظاهر يسمونها الحالة وفي محل هناك يبيع سمك ... هذا هو تكه بوجمعه اللي تقصدين مع العلم لني مارحت له ولا مره لكن الحين شوقتيني



تحياتي مسبقاً

أنا من البحرين وفي مطاعم توني اسمع عنها وما عمري رحتها.يعطيكم العافيه جميعا صار الموقع دليل لنا.

تحياتي

هلا بك اخي رحال

انت تعرف اخر فرصه ممتاز

تمشي علي طول لين بتجيك نادي الحاله علي يدك اليمين المهم في لفه علي اليسار لفها وبعدين بس روح
علي طول بتلاقي تكة ابو جمعه بس اهم شئ لازم تجرب الهريس ووواااايد لذيذ

وبالعافيه

https://www.otlaat.com/arabtravelers...quote_icon.png المشاركة الأصلية كتبت بواسطة ناريمان


هلا بك اخي رحال
انت تعرف اخر فرصه ممتاز
تمشي علي طول لين بتجيك نادي الحاله علي يدك اليمين المهم في لفه علي اليسار لفها وبعدين بس روح
علي طول بتلاقي تكة ابو جمعه بس اهم شئ لازم تجرب الهريس ووواااايد لذيذ
وبالعافيه




مشكوووووووووورة اختي ناريمان والله يعطيش الف الف عافية

وان شاء الله الزيارة الجاية راح اجرب التكة والهرييييييييس

تحياتي

بصراحة كل المطاعم اللي كتبتوا عنهم أكلاتهم حلوه
وبخصوص التكة في عندكم مشويات الخليل عندهم بروستد و تكة على روب صج انها لذيذذذذذذذذذذذذذذذذذذذذذذذذذذذذه وايد وايد لذيذه
وكل اللي ياكلون من عنده ماشالله.............. ماشالله..................أكله وايد يمدحونه واللحين في عندهم كباب الأبل بس اذا كانت زوجتك حامل لاتخليها تاكل من لحم الأبل لانها راح توضع بعد 10 شهور..............(:

والمطعم يصير في القضيبية شارع القصر بالقرب من خياطة الشكر الرجالية ورقمهم 17294151

وعلى فكرة وايد خليجيين يروحون له لانه جريب من شارع المعارض ..... يلا روحو وجيبولي بدينار تكة على روب

مشكورة اختي ناريمان على الوصف

انا من تجربة شفت انو بسيتي سنتر البحرين في مختلف مطاعم متنوعة، ايهوب، بي اف تشانجز ز غيره، شوف اللينك فيها كل الليست للمطاعم الموجودة بالمول.
http://www.citycentrebahrain.com/ar/dining/restaurants