ملخص رحلتي الى الديار التي بارك الله فيها

اولا: شكرا لاعضاء هذا المنتدى الرائع جدا
ثانيا : نبدا نرحاتنا من تبوك خرجنا من تبوك الساعه الثالثه فجرا وخرجنا من حالة عمار بعد ماصلينا الفجر ودخلنا الاردن وخلصنا سريع سلريع لانه ماكن فيه زحمه وصلنا عمان الساعه 10.30 ودخلنا سوريا بعد الظهر والساعه 3.00 طلعنا من دمشق على طريق حمص وبعد 100 كيلومتر من دمشق وقفنا وتغدينا في الجو الجميل والبرود اللي يحبها قلبك وصلنا حمص بعد المغرب واخذنا ثلاث غرف بفندق رغدان في شارع القوتلي يعني فندق متوسط ب900ليره للغرفه ومن الصباح الساعه 8.00 توجهنا الى مشتى الحلو والكفرون وسكنا فى الكفرون (ضيعة الملوعه) سكانها مسلمين لان مشتى الحلو والكفرون اغلب سكانه مسيحاخذنا ثلاث شقق ولا احلى ب1500ليره وجلسنا ثلاث ايام فيها زرنا خلالها ملتقى النهرين والحدائق ورحنا سوق صافيتا رخيص واسعره مناسبه جدا بعدها توجهنا الى صلنفه عن طريق الساحل وسكنا في صلنفه في عين الوادي ثلث شقق كل شقه ب1500ليره شقق فخمه جدا وجلسنا في صلنفه ثلاث ايام بعدها توجهنا الى سهل الغاب الى حماه وزرنا النواعير ونزلنا الى دمشق لكن جاء الليل ونمنا فى فندق على الطريق في النبك اظن اسمه ام القرى غرفتين وجناح كلها ب2600ليره مع وجبة الافطار ومن الصباح الباكر توجهنا الى مضايا وبقين واخذنا ثلاث شقق كل شقه غرفتين ب1500ليره للشقه بجوار عين بقين كل شئ حوليك زبداني 5دقائق بلودان 10دقائق والسوق جنبك وننزل دمشق اذا حبينا المسافه 45 كيلو متر جلسنا اربع ايام وبعدها توجهنا الى ديار ابو السعود
نصائح عامه لمن اراد التوجه الى الشام:
1-انتبه من نصب الصرف في الجمارك وعدفلوسك مزبوط وشوف بكم صرفت وترى مو لازم تصرف من البنك اللي في الجمارك
2-اول ماطب رجلك سوريا خذلك شريحه تلفون ضروري جدا وكمان خريطه سياحيه عشان تعرف وين الله حاطك
3-الشي اللي مالك فيه لا تسأل عنه وسيبك من ساعة الصفا مع كل واحد
4-ابتعد عن المطاعم قد ماتقدر وكل واحد له نظرته في الموضوع هذا
5- كل شي بتشتريه او بتستاجره بنص القيمه اللي عندنا على طول الخط
مثال الذبيحه اشتريتها من صلنفه ب3000 ليره يعني ب220ريال تقريبا
6-خلي بالك وسيع وسيبك من الدروشه
7-وتراه شعب طيب بس في شغلت المصاري انتبه
واي استفسار انا جاهز

الحمد لله عالسلامة abadi22 ومشكور عالنصيحه الحلوة

عبادي شكرأ لك ونصائحك ثمينة ومن الأهمية الأخذ بها رحلة جميلة والحمدلله على السلامة لكن أخوي سفرتك هذي بأي تاريخ وهل وقتها شتاء أو الصيف قد دخل

الحمد لله عالسلامة

الحمدلله على السلامة اخوي

abadi22

وياريت توضح متى رحت وحبذا لو تحط صور إذا امكن

وتقبل مني اجمل تحية ،،،

يعطيك العافية

وتسلم على هذه النصائح القيمة

الحمدلله على السلامة الرحلة حقيقة عمت أرجاء سوريا بلد الغني والفقير . سلم لي على حمص وأهلها .

الحمدلله علي السلامه يا غالى

الله يعطيكم العافيه ومشكورين
الرحله كانت من 28/6/1426 الى13/7/1426
ونسيت موضوع مهم جدا:حاول لا تدخل اي منطقه جديده الا في اول النهار وهذا خليه في كل سفرياتك عشان ما يضيق عليك الوقت ودايما في هذي الاحوال تحتاج للوقت كثير

كلام حلو وعين العقل
وبالمختصر

عندي سؤال بسيط أرجوا الإجابة علية
أنا أول مرة أروح عن طريق البر وسوف أذهب عن طريق تبوك لكن ماني عارف الطريق بدقة
أرجوا الإفادة ، طبعا سوف أخذ مع العائلة فما أدري وش الأفضل هل ِأذهب إلى حمص أو الزبداني وبلودان
أرجوا الرد بسرعة
وشكراً

اولا مشكور اخوي abadi22
على السرد الرائع والنصائح المفيدة
ثانيا اخي / abadi22
انت قلت انه ماهو لازم الصرف في البنك الي بالصالة اللي بالجمارك يعني منين نصرف
الصراحة الموجود في صراف صالة الجمارك راعي لف ودوران
تعطية 200 ريال علشان صرف التأمين

اخي ابو تركي
بالنسبة للطريق من اول تدخل دمشق يجيك كباري رح يمين وفية لوحات اتبع اللي توجهك لحمص
بعد دخولك حمص فية مكاتب عقارية او اسأل عن الوعر والأنشاءت تلقى مكاتب عقارية هناك
والله يوفقك وذا فية اسألة حنا حاضرين

الأخ الكريم abadi22 حفظه الله تعالى

الله يعطيك العافية على هذه التفاصيل الجميلة و ما شاء الله عليك جبت الأسعار من الآخر ( عفيه عليك )
رحلة جميلة و يا ريت تزيد التفاصيل فيها و شكرا لك :113:

الحمد لله عالسلامه,,,,,,,,,,,,,,

اخوي ابو تركي السلام عليكم
الطريق ما يضيع اذا كنت جاي من جهة طريق المدينه اول شي يقابلك ونت داخل تبوك دوار خذ يمين ولا تردك الا حالة عمار وادخل الاردن واذا دخلت عمان خذلك تاكسي وانت بسيارتك وقوله يطلعك لطريق الشام وريح دماغك من الفلفه لكها 15 ريال 3 دنانير اردني
وبعد ماتدخل سوريا انصحك تتوجه الى حمص وتعمل في دمشق مثل مافعلت في عمان مع انه طريق حمص من دمشق مايضيع
وانا انصحك انك تخلي الزبداني وبلودان اخر السفريه وتسكن بمضايا احسن لك
ودلك على واحد تصرف من عنده سعره طيب محل صغير عليه لوحة (سيكو) في شارع القوتلي تحت فندق رغدان مباشره جاي في الركن
وتروح وترجع لنا بالسلامه

الاخ السفير- 999
السلام عليكم
اول شي اذا لازم تصرف من صراف الجمارك يعطيك ايصال شوف بكم صرف في الايصال وطابق كم اعطاك
وخليك وانت تتكلم معاه حازم وواثق من نفسك ولا تدخل سوريا الا تصرف 300 ريال طيب تحصل الصرافين قبل ماتدخل علىحدود سوريا واضحه على الطريق او تصرف من هنا

وبالتوفيق ان شاءالله

الاخ العزيز عبادي الحمد لله على السلامه

الاخ السائح الهروي السلام عليكم
ولي الشرف بتعليقك على رحلتي
وارجو انك ماتقطع البوبه (لان البوابه لازمها تواجد العمده)

وتقبل فائق تحياتي

أخي الفاضل ...

رحلة موفقة ...
وفعلا فكرة الذهاب بدري للحدود أفضل عشان تخلص الجمارك بدري ...
وأيظا ، حمص ، خيار رائع جدا وإن شاء الله بروح لها ... مباشرة ...

سؤالي ، ليش سكنتوا في شقق في حمص ، ليش ما اخذتوا بيت او فيلا في مزرعة ، وخاصة وعلى ما يبدو انكم أكثر من عائلة ؟ :)
لإنني إن شاء الله طالع ربما بنفس الطريقة ، 3 عوائل أو أكثر ونريد ان نصبح معا ، فهل يوجد في حمص أو ما جاورها فلل أو بيوت بسعر رائع مع الحديقة والمسبح والفواكة وووو :) والمناظر الحلوة ؟

أدري طولت عليك ، لكنني أفكر جديا في البقاء في حمص مدة 10 أيام وفي دمشق 5 أيام فقط ...


لك شكري وتقديري

اخوي ماجد السلام عليكم
شوف الفلل في المزارع موحشه ليلا وبعدين احنا صح اكثر من عائله لكن كل واح يبغى ياخذ راحته وهذا الشرط اللي كنا متفقين عليه فبل السفر يعني خوة طريق وبس
وانا مانصحك تسكن في المدن اكثر من ثلاثة ايام وترى فيه مناطق حلوه مره حولين حمص اسكن في صافيتا اكرر اسكن في صافيتا وحوليك المناطق التاليه ابعد منطقه منها 10كم (الدريكش -الكفرون- مشتى الحلو- وادي العيون ) وصافيتا عن حمص 80كم ولا تنسى الشمال السوري كسب- صلنفه- اللاذقيه
ارجو اني وفيت
وتقبل تحياتي

أخي الفاضل ...

شكرا لإهتمامك ...

وودي أسأل .... وش هي صافيتا ؟ ووين أسكن ، قصدك شقق ولا مزراع :) وكم أسعارها ... ؟ :)


جزيت ألف خير ...

السلام عليكم اخوي ماجد
صافيتا هي مدينه صغيرووووونه (مركز) وحوليها قرى منتشره ومزارع
ليش انا قلتلك صافيتا لاني حسيت انك تبغى منطقه هاديه ومافيها زحمة ناس والسكن هناك مايتعب الف واح يناديك (بدك سكن) والشقق ماتزيد عن 2000 - 2500 ليره وانا سكنت في الكفرون قريب من صافيتا شقه فخمه جدا 1500 ليره واذا تبغى وصفها كلمني على الخاص

ولك مني اجمل التحيات

عبادي ...
أولا .. شكرا لإهتمامك ...
وثانيا ، هو ما ذكرت ، أحب الهدوء ... وسوف أجعل من هذه القرى أو المراكز ، هي مسار رحلتي إلى المدن والضياع القريبة ... واعود مساء ...
وودي أعرف عن المزارع القريبة هناك ، سواء هي ولا في مشتى ولا صافيتا ، المهم منزل حليو ، ومسبح ،وفواكة ؟
وثانيا عن الخضرة والطبيعة ، هل هي تفتح النفس ولا يعني خضار مثل الطائف ؟ :)






شاكر ومقدر أهتمامك أخي الفاضل ... :)

الحمدلله على السلامة اخوي

abadi22

وياريت توضح متى رحت وحبذا لو تحط صور إذا امكن

وتقبل مني اجمل تحية ،،،

الاخ ماجد
المناطق اللي قلتلك قليله المسابح لكن ممكن تحصل على بيت يفتح على مزرعه السنه الماضيه اخذ اخوي بجواري بيت زي كذا شوف الكفرون ضيعة الملوعه ابو باسل واذا ماقدرت توصل لابو باسل فيه محل يبيع لحم ومشاوي وبجنبه بقاله في الكفرون ضيعة الملوعه (هي الوحيده اللي فيها مسلمين في المنطقه يعني لاتشتري لحم الا من عند هذا المحل) اسال صاحب هذا المحل عن ابو باسل وهو طريق واحد رئيسي يمر على المناطق هذي كلها والمحل على نفس الشارع هذا
والخضار من قوته قالب على سواد ( بس طالعه من فمك زي العسل حكاية خضار مثل الطائف ؟ )

وسكتك خضراء ياعم!!!!!!!!!!!