بسم الله الرحمن الرحيم
اللهم صل على محمد وعلى آله وصحبه أجمعين
ياألللللله يمكن تئولوا ليش إيمان عاملة موضوعين عن الشام هيك حنيت وأجا عبالي أكتب وانفتحت قريحتي عل الكتابة
دام ترابك ياشاااااااااااااام
https://www.otlaat.com/arabtravelers...cnpdzpc4i7.gif
للأفراح عند النسوة الدمشقيات زغاريدها..وللزغاريد اسم في اللهجة
الشامية هو "الزلاغيط"، ومفردها "زلغوطة"... والزلغوطة ترديد
جماعي بأصوات نسائية مسبوقة بعبارة "أوها" وملحوقة بـ "لي لي لي
لي ليش" وهي تقال بأصوات عالية وبنغمة واحدة لا تتغير... ومن
الزلاغيط المعروفة في دمشق:
أوْها بِـبيـتنا رمّـانـة أوها حـامضـة و لفّـانـة
أوها حَـلَفْنا ما نقطعـها أوها ليدخل عريسنا بالسلامة
لي لي لي لي ليش
https://www.otlaat.com/arabtravelers...aca3805827.jpg
أوها ديـارنا كـبـيـرة أوها ودَرَج الحـمام فيـها
أوها وأم العريس فرحانة أوها إن شاء الله ربي يهنّيها
لي لي لي لي ليش
https://www.otlaat.com/arabtravelers...aca3805827.jpg
أوها "فلان" يـا واحـد أوها "وفلانة" يـا اتنيـن
أوها اللي ما يصلّي عالنبي أوها لـيعـدم العـينتيـن
لي لي لي لي ليش
https://www.otlaat.com/arabtravelers...aca3805827.jpg
أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش
https://www.otlaat.com/arabtravelers...aca3805827.jpg
أوها حَصَّنتك بياسـيـن أوها ويا زهـر البسـاتين
أوها يا مصحف صـغير أوها على روس السلاطين
لي لي لي لي ليش
https://www.otlaat.com/arabtravelers...aca3805827.jpg
أوها شـو هالنهار اللايـق أوها وفرحتلنا الخـلايق
أوها وطقت قلوب الأعادي أوها ولَمّن حقت الحقايق
لي لي لي لي ليش
https://www.otlaat.com/arabtravelers...aca3805827.jpg
أوها ويا جماعـة كلكُـن أوها وما نسـينا فضلكُـن
أوها والـيــوم عـنّـا أوها إنشاء الله بُكرة عندكُن
لي لي لي لي ليش
https://www.otlaat.com/arabtravelers...aca3805827.jpg
أوها يا ما قعـدوا جنبـي أوها ويا ما حرقـوا قلبي
أوها وقالوا فلان ما بيتجوز أوها تجوّز وربي نصرني
لي لي لي لي ليش
https://www.otlaat.com/arabtravelers...aca3805827.jpg
أوها يا صحـن حليـب أوها وكل ما برد بيطيب
أوها نحـنـا أهـليـة أوها وما في حدا غريب
لي لي لي لي ليش
https://www.otlaat.com/arabtravelers...aca3805827.jpg
أوها العريـس يا واحد أوها وعروسته يا اتنيـن
أوها يـا خـرزة زرقا أوها تـردّ عنهن العيـن
لي لي لي لي ليش
https://www.otlaat.com/arabtravelers...aca3805827.jpg
أوها يا عـريـس لا تعبـس أوها افريد هالبقجـة والبـس
أوها شواربك عروق الريحان أوها وسوالفها عروق النرجس
لي لي لي لي ليش
https://www.otlaat.com/arabtravelers...aca3805827.jpg
تستمر النسوة في إحياء فرحتهن.. فيغنّين ويطربن ويرقصن.. ولعل من
أكثر الأغاني الشعبية شيوعاً في مثل هذه المناسبة أغنية "اسم الله..
اسم الله يا زينة".. وفيها تغني معظم الحاضرات بأداء اللازمة:
اسم الله.. اسم الله يا زينة يا وردة جـوّا الجنينة
زهر القرنفل يا عروسة يا ورد خـيّـم عـلينا
وتنفرد إحداهن بأداء مقاطع الأغنية. وكلما أدت مقطعاً، كررت الأخريات
اللازمة السابقة:
قـومي العبي بحبل اللولو وافردي شعرك على طولو
خليهـن يحكـوا ويقولوا آه يا حـلاوة يا شـامية
قومي العبي بعرق المضعف وأنا لأجـلك رح بضعف
ولو حـلفـوني عالمصحف ما بفوّت هواكِ يا زينـة
قـومي العبـي بحلقاتـك رايـات البيـض راياتك
الله يخلـي لـك حماتـك آه يا حلاوة يا عسـلية
قـومي العـبي بقميصـك كل العرسان على كيسك
الله يخلـي لـك عريسـك أبـو عـيـون عسـلي
كما توجد اغاني أخرى جميلة في مثل هذه المناسبة منها
*** عالصالحية ***
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي .. حلق الالماس إنشا الله يلبقلي
حاكاني شي لا و الله .. زعلني شي لا والله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي روب الحرير إنشا الله يلبقلي
نسيني شي لا و الله .. لوعني شي لا و الله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
*** ليموني هالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
https://www.otlaat.com/arabtravelers...aca3805827.jpg
دامت أفراحكم عامرة يارب
http://m002.maktoob.com/alfrasha/ups...2760/25871.gif
لكم فائق تقديري واحترامي
إيمان من الأشواق
