استفسارات عن البحرين؟

انا جايكم ياهل البحرين وبسالكم ماهو افضل فندق من الاربع: شيراتون ولا كراون بلازا ولاموفنبيك ولادبلومات علما اني سكنت الشيراتون وهو حلولكن ابي رايكم وفندق الدبلومات خبري فيه من 8 سنين كان زين بس مدري عنه الحين ياربت ارائكم
سؤال اخر انا اذكر اخر مره جيتكم في شهر 10 قبل رمضان كانو قاعدين يكبرون مجمع السيف هل تم الانتهاء ؟ وشنو افتحو بالقسم الجديد ؟ مجمع سيتي سنتر وش صار عليه انا جاي تاريخ 27 1 وسمعت انه بيفتح او هالشهر صحيح هالكلام
وياريت نصايحكم لي وجدول سياحي للمملكه وشكرا لكم مقدما ياهل الطيب اهل البحرين:24:


تمت الاجابة هنا
ساعدوني في اختيار افضل الفنادق في البحرين

اولا : ياهلا فيك و حياك الله في ديرتك الثانيه

بجاوبك باللي اعرفه و الباقي ان شاء الله الاخوان و الخوات ماراح يقصرون معاك


بالنسبه لتوسعة مجمع السيف فتم افتتاحها فعلا .. فتحت فيه عدة محلات نسائيه ..

وايضا فتح فيه محل ( سيفورا ) اذا كنت تعرفه .. له فروع باوربا و امريكا .. هو محل روووعه جدا و كبير

للعطور و مستلزمات التجميل ..

طبعا السيتي سنتر للحين مافتحوه

موفنبيك فندق جديد و يمدحونه بس موقعه جنب المطار في المحرق يعني بعيد عن الحركه في العاصمه

لو كنت مكانك اسكن الشيراتون او كراون بلازا اشرح من غيرهم ..

واي خدمه .. لاتتردد :)

يعطيك العافيه ياكاس عسل وماقصرتي

اخ يعقوب انا ماسكنت بالشيراتون بس لو خيروني بنفس فنادقك بروحله لاني اسمع عنه واجد....

اذا انت مرتاحله روح ولا تتردد

رح الدبلومات موقعه جدا حلو.....

الدبلومات ولا الشيرتون ولا كراون والله احترت ياعالم اجل هي سفره يومين الله يعين لوشهر لووول لازم نسوي ضجه اعلاميه عشان نحس بهاليومين

اقول... شيل كراون من القائمه

انا دخلته و البار حقهم مقابل المدخل على طول....

كراون بلازا عن تجربه جدا حلو وجوه عائلي وكله دور واحد يحسس النزيل انه في بيته وليس بفندق