الشحن حبيت اعرف طريقة الشحن من امريكا للكويت

السلام عليكم و رحمة الله و بركاته




حبيت اعرف طريقة الشحن من امريكا للكويت يعني اذا عندي اغراض ابي اشحنهم


شنوا احسن و ارخص طريقة و بنفس الوقت تكون مضمونه طبعا غير البريد



الي عنده معلومات يريت لو يساعدني




و شكرا جزيلا

شركات الشحن مثل الفدكس و الأرامكس .... سأليهم بالكويت اذا تقدرين تسوين حساب عنـدهم عشان يحوشج الخصم حتى لو حوالي 20% ...... و يعطونج رقم خاص فيج من 11 رقم .... و أي شي تبين تشحنينه من أي مكان تعطينهم بس رقم حسابج و المعلومات الثانية مثل العنوان الي تشحنين منه و لـه .... أو Tnt

الشحن غالي في امريكا .. عندج طريقتين :

1- المطار و مكاتب الشحن مثل klm و غيرها من الخطوط اللي تشحن
2- شركات الشحن و هذي تعمل على اساس " كل ما تزيد الكمية أو الكيلوات ينقص السعر" يعني عشان يطلعلج سعر حلو لازم يكون عندج 400 او 500 كيلو ...

يعتمد شنو راح تشحنين ! كرتون أو شنطه أو ؟؟ اذا شنطه او شنطتين شوفي اي احد راجع و دزيهم معاه و عطيهم على كل شنطه 150$ و انتي مرتاحه ...

https://www.otlaat.com/arabtravelers...quote_icon.png المشاركة الأصلية كتبت بواسطة بنت الصقور
http://www.arabtravelersforum.com/tr...4/#post1795154

الشحن غالي في امريكا .. عندج طريقتين :

1- المطار و مكاتب الشحن مثل KLM و غيرها من الخطوط اللي تشحن
2- شركات الشحن و هذي تعمل على اساس " كل ما تزيد الكمية أو الكيلوات ينقص السعر" يعني عشان يطلعلج سعر حلو لازم يكون عندج 400 او 500 كيلو ...

يعتمد شنو راح تشحنين ! كرتون أو شنطه أو ؟؟ اذا شنطه او شنطتين شوفي اي احد راجع و دزيهم معاه و عطيهم على كل شنطه 150$ و انتي مرتاحه ...



اختي بنت الصقور ربعنا اذا راحوا امريكا وانا منهم طبعا الشحن اكثر من 600 كيلو

وطبعا شركات الشحن عندهم كراتين خاصه للشحن يعطونج اياها وتعبينهم وانا دائما اختار الشحن على الطيران السعودي ارخص شي شفته هناك طبعا عن طريق مكتب واكثر المكاتب في لوس انجلس عرب وبالخصوص لبنانيين وياكثرهم في انهايم

حبيت انوه طال عمرج لاني اعرف ربعنا اقل من 500 هذا مو شحن هذا ندخله ويانا الطياره عادي وبلاش بعد

https://www.otlaat.com/arabtravelers...quote_icon.png المشاركة الأصلية كتبت بواسطة q8 moon
http://www.arabtravelersforum.com/tr...4/#post1797854




اول شي مشكورين و ما قصرتوا


ثاني شي الشغلات الي ابي اشحنهم اهم اغراض التسوق اعتقد تدرون الابداع الي نسويه لما ندخل السوق


و اكثر من شخص حذرني ان اذا الشنطة فيها اكثر من 23 كيلوا راح يرجعونها و يقولون طلعوا منها اغراض


و انا و حده اعرف نفسي اذا الجنطه فاااااااااضية فيها 23 كيلوا


فأبي اختصر المشاكل و اشحن اغراضي و اركب الطيارة فاضية


خصوصا اني ابي اتنقل بين الولايات فما ابي يكون عندي وزن يثقل حركتي



شفتوا شلون اقولكم اعرف الكويتين يا حبهم للوزن الزايد والله ياقمر الكويت اتحداج اذا بالروحه من هني اذا ما عندج وزن زايد لا تكلميني


اولا ابي انصحج والنصيحه بلاش هاليومين


اشتركي مع خدمه الواحه في الخطوط الجويه الكويتيه وهي مجانيه وموجوده في شرق خلف مجلس الامه

كل اللي يبونه صورتين وصوره الجواز ولكم وزن مجاني طبعا ولاتنسون الاميال الطويله الى امريكا اكيد تطلع لكم سفره مجانيه

اختي امريكا رخيصه وايد يعني اشتري على قد ما تقدرين وكل مكان تروحين له في المطار في سيفتي للجناط

حطي الجنطه اللي ما تبينها وبالرده اخذيها

وبعدين كل الجناط شحنيهم مره وحده وخصوصا في نيويورك ارخص شي لان الكويتيه موجوده وجميع الخطوط الخليجيه السعر راح يكون رخيص

انا شحنت من لوس انجلس تقريبا 800 كيلو طلع علي 300 دولار مع التامين طبعا واكيد نيويورك ارخص بعد او اورلاندو

اول شي ردك برد جبدي بسالفة الشحن ان شالله بشحنهم عن طريق الكويتيه بس يصير اشحنهم وانا راده و يطلعون

معاي على نفس الرحله ول ممكن يتاخرون و عند الاستلام استلمهم على طول ول بأذوني عليهم


ثاني شي انا كنت مشتركة بنادي الواحه من سنييين


بس اول ما تزوجت تكنسلت عضويتي بما ان زوجي يشتغل في الخطوط الجويه الكويتية و على اليونايتد اير ويز و هذا السر الي خلا الفيزا

تطلع لنا بسرعه فلنا تذاكر مجانية عشان جذي مالنا حق بعضوية نادي الواحه

انا اذكر لما شحنت اغراضي من امريكا سنة 97 ...

شحنتها من مدينة اوكلاهوما سيتي ...

الشركة جات .. واخذت الاغراض من بيتي ..

اعتقد كان عندي حوول 11 كرتون ...

متذكر كم كان الوزن ...

لكني دفعت حول 900 دولار .. مع التأمين ...

لاني قيمت أغراضي .. بـ 10 الاف دولار ..

والمفرووض الاغراض توصل بعدي بيوم ...

لكن اللي صار .. اني تأخرت في نيويورك .. ووصلت متأخر 4 ايام ...

والاغراض وصلت قبلي ...

يمكن الاسعار نزلت الحين .. مع اني معتقد هالشي ..

لكن يمكن شحنها من نيويورك مباشرة الى الكويت ..

راح يكون ارخص بوايد .. لو شحنتي الاغراض من داخل امريكا ..

يعني لو اشحنها من نيويورك ارخص من شحنها من اورلاندو


الله يقدم الي فيه الخير و اشوف وضعي لما اكون هناك


مشكور اخوي و ما قصرت

https://www.otlaat.com/arabtravelers...quote_icon.png المشاركة الأصلية كتبت بواسطة q8 moon
http://www.arabtravelersforum.com/tr...6/#post1798856



اول شي ردك برد جبدي بسالفة الشحن ان شالله بشحنهم عن طريق الكويتيه بس يصير اشحنهم وانا راده و يطلعون

معاي على نفس الرحله ول ممكن يتاخرون و عند الاستلام استلمهم على طول ول بأذوني عليهم


ثاني شي انا كنت مشتركة بنادي الواحه من سنييين


بس اول ما تزوجت تكنسلت عضويتي بما ان زوجي يشتغل في الخطوط الجويه الكويتية و على اليونايتد اير ويز و هذا السر الي خلا الفيزا

تطلع لنا بسرعه فلنا تذاكر مجانية عشان جذي مالنا حق بعضوية نادي الواحه




الله يهداج زوجج يشتغل مع الطيران اكيد راح يضبطونه كعاده ربعنا وخصوصا ان الطياره تجي من هناك فاضيه
اولا خلي زوجج يكلم اي واحد يعرفه يضبطه في مطار نيويورك لكن اذا على اليونايتد اعتقد صعبه لو الكويتيه رئيسهم اللي هناك مصري قديم وهو زي العسل والله ما يقصر فيني مع اني ما اعرفه لكن يخليني على الاقل ادفع وزن زايد حق ثلاث جناط وانا عندي 8 وباله طويل وايد


الشحن على نفس الطياره يصير غالي

لكن شحنيهم واستلميهم بعد يومين ولا ثلاثه مافي فرق

اهو ناوي يكلمهم و يقولي لا تحاتين بس انا خايفه عليهم من الصدمه لما يشوفون الوزن الي عندي عشان جذي قلت ارحم

حالهم ودز كمية منهم شحن

و الله كريم يسهلها ان شالله



و مشكور و ما قصرت ان شالله اعطيك الاخبار لما ارجع

السلام عليكم ورحمة الله وبركاته

أنا عضو جديد في هذا المنتدى اود استفسر عن طريقة الشحن الجوي لقد بحثت كثيرا في المنتديات والمواقع لعلي اجد طريقة للشحن الجوي لكن لم اجد من يكتب بالتفصيل عن الشركة التي تعامل معها او السعر لكل كيلو .. لكن جذبني هذا الموضوع الذي تحدث فيه الأخ السواح الكويتي عن طريقة الشحن ...
أخي السواح الكويتي هل تستطيع ان تخبرني عن طريقة الشحن بالتفصيل ..علما بانني تحدث إلى كثير من الشركات لم اجد سعر اقل من 2000 دولار للشحن الجوي ... اريد ان اشحن إلى السعودية وانا موجود في امريكا نورث كاولينا بالتحديد لك جزيل الشكر مقدما ولكل من يحاول مساعدتي من الأخوة الكرام

اعطوني اسماء شحن في امريكا وارقام هواتفهم تشحن للسعوديه
ياريت تكون في لوس انجلس وكالفورنيا واذا موجود اماكن اخرا لامانع
لكم تحياتي

يوووو
بصراحه خوفتوني يعني لازم الواحد يحذر ويوزن اغراضه قبل روحة المطار :)
ولا بيفتح الشنطه هناك عشان يفضي لووووول صارت لي مرتين :)

بس احنا 3 اشخاص يعني كل شخص له 2 يعني 6 شنط وكل شنطه 23 كيلو معقووول ان شاء الله ماحتاج اشحن :)