احترت اسافر زنجبار او لا ؟؟
السلام عليكم
اخواني موضوعي من عنوانه واضح
اتمنى الي راحو او الي عندهم خبرة يساعدوني
انا ودي اطلع مع زوجي رحلة استجمام بعد العيد ان شاء الله
ميزانيتنا بحدود 10000 الى 12000 ريال فقط
لمدة 5 ايام
شفت صور لجزيرة زنجبار وعجبتني لكني تخوفت من موضوع الامان وبعض الامراض المنتشرة مثل الملاريا
سمعت ان الي بيروح لازم ياخذ تطعيم ضد هالمرض؟!
فياريت الي عندهم فكرة عن هالموضوعين يطمنوني لاني بديت اخاف ومحتارة اروح او لا
وبالنسبة للفيزا ماعرف شلون طريقتها انا من البحرين ومافي سفارة لهم هني😁
وسؤال اخير هل البحر في زنجبار يعادل جمال المالديف لاني رحت المالديف قبل وعجبتنا وااايد بس مكلفة ماتنفع
ادري نفس المحيط بس هل نفس حلاوة البحر؟😅
لحد يضحك علي 😠😑
ولو احد عنده اقتراح على جزر ثانية غير موريشيوس وسيشل بعد يقول
ادري مصختها >>> 😜
يالله ماعليه كله بميزان حسناتكم
انتظر ردكم وشكرا☺️ من الموبايل
رد: احترت اسافر زنجبار او لا ؟؟
انصحك بالسفر الى دولة عمان الخليجيه وبالتحديد مدينه صلاله حيث بها شواطي وطبيعه خلابه والاسعار حاليا معقوله
رد: احترت اسافر زنجبار او لا ؟؟
وعليكم السلام
اتوقع جزر سيشل/المالديف/موريشيوس مؤهلة سياحيا اكثر من جزيرة زنجبار (تتبع تنزانيا)
بالنسبة للفيزا لتنزانيا اتوقع والله اعلم تكون من المطار عند الوصول
عموما المعلومات قليلة عن البلد , والافضل لكم الذهاب لدولة معروفة سياحيا
بالتوفيق ,,,
رد: احترت اسافر زنجبار او لا ؟؟
شكرا على الردوود
بانتظار باقي ردود الاعضاء الي جربو يسافرون هالبلد من الموبايل
رد: احترت اسافر زنجبار او لا ؟؟
وينكم اخواني انتظر ردكم بسرعة الله يخليكم من الموبايل
رد: احترت اسافر زنجبار او لا ؟؟
شيوم 1
حسب المبلغ والميزانيه المذكوره يفضل قضاء الاجازه في احدى المنتجعات الاتيه:
في جمهوريه مصر العربيه[olist][*]شرم الشيج[*]الغردقه[*]العين السخنه[/olist]شواطي الاسكندريه وانصحك بها لكثره الفنادق والمطاعم واماكن الترفيه والجو وعدم الزحام في الفتره الحاليه
ومناسبه للميزانيه السابقه
اتمنى لكم سفر وإقامه و اوقات راااااااائعه وسعيده ودائمه إن شاء الله
رد: احترت اسافر زنجبار او لا ؟؟
اختي بقسم الجزر اعتقد فيه تقريرين
واحد للاخ ابوعزيز وواحد لأخت من الامارات ممكن تطلعين عليهم