ساعدوني بتجاربكم الله يجزاكم الجنه

السلام عليكم ورحمة الله وبركاته

اخواني انا مبتعث لدراسة اللغة والماستر والدكتوراة من جامعتي بالسعودية .. وكنت مقرر اروح لبريطانيا .

بس الحين ابي اغير الوجهه ومتخوف من امور الفيزا الامريكية عندي اسئلة بسيطه اله يجزا من يجاوبني بالجنه

1-هل اقدر احجز موعد بالسفاره(من النت) وانا لسا حتى ما حصلت على قبول بالجامعات الامريكية ( المقصد هو توفير الوقت يعني عبال ما يوصل القبول يكون موعد السفاره قرب .. ولا ما ينفع؟ )

2-كم اقصى مده يوصل الموعد ولاحظو انه بنكون بفترة صيف ؟ وكم اقصى فترة اذا كل الامور تمام لين تنزل الفيزا من خبراتكم وتجاربكم ؟

3-كم عادة تكون مدة صلاحية الفيزا هل بعد سنه مثلا لازم اجددها؟ مع العلم ان القرار مكتوب فيه للغة وماستر ودكتوراة.

4-وش شوركم بخصوص السفر لامريكا للدراسه .

وشكرا :)

هلا اخوي وبالتوفيق ان شاء الله ..

1. نعم تقدر ...

( يمكن للطالب اخذ موعد من الموقع
بدون ان يكون معاه رقم الــ SEVIS او لم يتم استلام الــ I – 20 ) ... ويكتب في خانة رقم الــ SEVIS

( حرف N ومن ثم تسعة أحرف O ) .

مثال ( NOOOOOOOOO )

ولمزيد من المعلوما ارجو زيارة الموضوع المثبت

http://www.arabtravelersforum.com/travel165542/



2.لا زم تقدم بدري الضغط كبير ممكن تلاقي موعد في شهر 7 ميلادي لاكن ممكن تغيره 3مرات يمكن احد كنسل وله شي !!

او حضك نمام وانت داخل يكون فيه احد كنسل وتاخذ موعده على طول !!



3. على حسب القنصل وما يشوفه هم الحين صاروا يعطو خمس سنوات للطالب المبتعث ...



4. ممتازة والوضع تمام



بالتوفيق

ممتاز ولا احلى خمس سنوات بس هل اكيد هالخبر؟ فيه حد اخذ يا شباب خمس سنوات؟

مشكورين بس الحين لو اخذت موعد وقرب الموعد والقبول ما وصلني هل اقدر أخر الموعد ولا ما يقبلون؟

وهل اجراءات تجديد الفيزا بنفس التعقيد فيزا جديده؟ هل لازم اخذ موعد؟

تقدر تأجل الموعد بشرط انه يبقى اكثر من يومين عمل !!


بالتوفيق

هلا اخوي

مافهمت اشلون يبقى يومين عمل؟

يعني اذا موعدك يوم الاربعاء فرضاً .. اخر حد لتغيير الموعد هو الاحد !!

اما اذا كان موعدك السبت ... فآخر حد لتغيير الموعد الاثنين ... لان الخميس والجمعة اجازة !!

وكذا ممكن تحسب


بالتوفيق

سوري يعني ما اقدر أجل الموعد شهر قدام مثلا؟

اكيد تقدر !!

لكن اخر موعد لتغيير الموعد لتأجئله او تقديمه هو قبل الموعد الحالي بيومين عمل !!!


وان شاء الله تأجله سنه ما عنك مشكله ..

بالتوفيق