السلام عليكم ورحمة الله وبركاته
أسعد الله مسائكم بأنواع الخيرات
وأدام عليكم أنواع المسرات
الأستاذ أبو عزيز والأستاذ مدير خطير
أسعدكم ربي
أخواني
أبي أسألكم كم سؤال من بعد إذنكم
وياليت تفيدوني
لأني بجد محتار
أنا أخوكم وزواجي إن شاء الرحمن في شهر شوال
الله يحيكم
بس باقي ماحددت القاعه هههههههههههههههههه
وعندي كذا استفسار بخصوص جزر المالديف
أنا قرأت موضوع رحلة الأخ مدير خطير إلى المالديف
ومن شرحه للرحله
حسيت إني أنا اللي هناك
والله ماشاء الله تبارك الرحمن
ومن هنا اسمح لي أخوي مدير خطير أن أبدي إعجابي بقلمك وذوقك الراقي
وقرأت أيضاً الموسوعه الشامله لجزر المالديف
لمشرفنا المتميز دوماً أبو عزيز
يحفظكم ربي
وأنا ناوي بإذن الله أسافر لمالديف
بعد زواجي إن شاء الله
يعني في شهر شوال
ودي أعرف من حضراتكم بعض النقاط المهمه
واللي هي
1- أنا إنسان ميييييييييييييييييييييييييييييح في الإنجليزي بعيد عنكم يعني بالقوه أعرف ون وتو وثري
أدري بتقولو وش اللي بيوديك هناك أقعد في بيتكم أحسن
بس والله ياجماعه ودي ودي أروحها تراها جنااااااااااااااااااااان
سؤالي هو
هل إذا رحت هناك ألقى أحد يتكلم عربي لو إنه يصير المرشد السياحي حقي هناك
عشان أتكلم معاه ويفهمني وش اللي أسويه ووش اللي ما أسويه
وإذا تعرفون أحد هناك ياليت تعرفوني عليه
أو إذا أحد منكم راح بشركه سياحيه ويدري إن مرشدهم هناك يتكلم عربي
يقولي وش هالشركه
بيني وبينكم والله خاااايف أضييييييع هنااااك
2- من غير ما أخفي عليكم ميزانيتي تقريباً 20 ألف ريال
هل تكفيني لأسبوع ولا لا
شااااااامله كل شي من أول ما أنزل للمطار إلى ماأرجع للمطار مره ثانيه
بكل الفعاليات اللي هناك اللي ذكرتموها حضراتكم
وإذا ماتكفي وش الميزانيه اللي تكفيني
3- هل في شركه سياحيه أتعاقد معهم من هنا وأدفع لهم كل شي من هنا وأروح هناك ومايبي لي ولاشي وأريح نفسي يعني أتعاقد معهم على كل الفعاليات اللي هناك وكل صغيره وكبيره
وإذا فيه ياليت تقولو لي وش هالشركه
أخيراً
أشكركم كل الشكر والتقدير والعرفان على متابعتكم الراقيه
وعلى كل ماتقدمونه من جهد مبذول وراقي
لكم مني كل الود
ودمتم كما أنتم تودون
Me_Mo_ 1
