سؤالي عن الأسواق

السلام عليكـــم ورحمة الله وبركاته ..
كل سنة وكل كويتــــــــي بخير وصحة وسلامة https://www.otlaat.com/arabtravelers...2d66514b2a.gif


[color="MediumTurquoise"]ان شاء الله جايه الكويت بعد 4 ايام

حياك الله
اسألي عن بيت ديفا مقابل المستشفي الأميري و مقابل سوق شرق
تقام فيه معارض(غالبا نسائيه) البضائع لاتوجد في المحلات وتكون تصميم كويتي في أغلبها

الله يعطيك العافية يالعصيمي على الرد

طيب مافيه اسواق ثابته ؟؟ غير المعارض لان المعارض مارح تكون مقامة طول السنـــة !!


وينكم يابنات الكويت ..

الاسواق الشعبية نادرة .. مثل ماقال الاخ اللي قبلي واحب ازيد علية سوق المباركية سوق شعبي قديم وفية امور قديمة ..!


وهذا برنامج حلو اذا تبينة ( حسب رايي الشخصي ) :

اليوم الاول : سوق شرق ( نهارا ) - الغداء في مطعم ميس الغانم - مجمع المهلب وحضور في السينما ( في المساء ) - العشاء في مطعم قيصر في حولي بارك ( في منطقة حولي قريب من المهلب ) ..

اليوم الثاني : المارينا مول ( نهارا ) التسوق والغداء في المجمع ( او في مطعم فريج صويلح ( مطعم شعبي شغل عدل للمجابيس وهالامور ) ) - المركز العلمي - العشاء في ابراج الكويت

اليوم الثالث : صباحاً في سوق المباركية والغداء في المطاعم الشعبية هناك - مساءا المدينة الترفيهيه والعشاء فيها ( ترى المدينة كبيرة جدا )

اليوم الرابع : تأجير قارب مع سائق من امام سوق شرق والذهاب في رحلة بحرية والغداء في مطعم بورت بجانب سوق شرق - في المساء التسوق في مجمع الافنيوز والعشاء فية



وحياج الله ،،

تسلميـــــن ياقلبو على البرنامج الحلو

انا حاطة في بالي سوق المباركية والافنوز وسوق شرق والمارينا بس المهلب ماسمعت فيه !!!
والمطاعم فريج صويلح وميس وقيصر او مغل محل

الله يسلمج ،، بس انا ولد ماني بنت ربي يحفظج ..!

بخصوص المطاعم الهندية فهو مغل محل و قيصر ،، اما ميس الغانم على الطريقة اللبنانية وفريج صويلح مطعم للمجابيس والاكل الشعبي مثل المرقوق والجريش ومجبوس الدجاج واللحم والسمك والخ ..

شوكلت بار الله يسلمج لهم فرع داخل مجمع الافنيوز ..

والمهلب مجمع على شكل سفينة تايتنك وموجود في منطقة حولي وهي منطقة قريبة من السالمية والمجمع جميل ..

بس اكبر مجمعين بالكويت الافنيوز ( يعتبر من الاكبر في الشرق الاوسط ) و مجمع السيف في منطقة الجهرا ( بعيد شوي عن السالمية )

واذا في شي تبين تعرفينة .. حاضرين .. وعلى فكرة البرنامج اللي ذكرتة يشمل افضل الاماكن ويتوافق مع مدة اقامتج بالكويت ..

وحياج الله

الاسواق المميزه في بضاعتها .. وماتلاقينها في مكان ثاني
(طبعا غاليه)
في شارع سالم المبارك بالسالميه
1- مجمع مريم
2-مجمع غاليريا 2000
3- مجمع زهره
وفي الكويت 1- مجمع الصالحيه
وشكرا لك ولمن رد علي سؤالك

قلبــــــي اخضــــر ..

اسفة ماانتبهت انك ولد عموما مشكور عالمعلومات اللي قدمتها
زين ان تشوكلت بار في وسط المجمع رح يختصر علي المشوار
والمهلب ان شاء الله بروح له



العصيمي ..
يعطيك العافية على المعلومات .. حتى لو اسعارهم غاااااااااااالية بروح اتمشى فيها هع هع

أكيد
الكل يحب يتمشي بالأسواق
مشكورين جميعا

وانتي بخير وصحه وسلامه ملح المنتدى وحياج الله بالكويت
عندج معارض ثابته طول السنة وكله شغل الكويتيات:
1- بيت ديفا ، بيت شرق ، بيت السدره ، كريزما ( هذيل كلهم يم مستشفى الاميري و مستشفى الاميري مجابل سوق شرق يعني في منطقة شرق )
2- فندق ومنتجع هيلتون المنقف داخل صاله فيها المعرض موجوده.
3- معرض دار يوشا ، بيت ديمه ( هذيل منطقه جبله (القبله) من ورا فندق الشيراتون موجوده اهناك كنيسه وعلى طول من ورا الكنيسه على طول تشوفينهم وراح تشوفين مطاعم وستاربكس) شغلهم واايد حلو .
4- صالة الشيخ سالم العلي في منطقة قرطبه يسون فيها معارض بس سألي شوفي اذا مسوين ولا لا لان بعد فيها شغل حلو .
اما ال 3 اللي قلتلج عنهم هذيل دايميين
وان شاء الله اتحصلين شي مميز عندهم وان شاء الله اكون ساعدتج في معلوماتي البسيطة.

[quote=ملح المنتدى;3599397]يسلمو عالرد

علي فكره لك ولعموم السيدات في المنتدي
يقام معرض الذهب والمجوهرات في
أرض المعارض
ب مشرف - صاله 8
من 15 الي 21 فبراير
الزياره من 9-1 صباحا
ومن 4-9 مساءا

مشكورة ياكويتية ويعطيك العافيه ياقلبي
ان شاء الله يكون فيه وقت كافي لزيارة هالمعارض


العصيمي .. يسلموو عالإضافــــة ويعطيك العافيــــــة