فيلادلفيا شو اقرب الاماكن السياحيه الها؟؟

السلام عليكم

اذا الله راد وكتب اني ارافق زوجي الى فيلاديلفيا ..راح يكون سفر دراسه او دوره لانه بيكون 3 اسابيع
وطبعا هاي بتكون اول مره لي ازور اميريكا ..

ياريت لو حد يساعدني بوضع خطه للسياحة في ايام الويك اند..وشو راح يكون الجو في شهر 4

انا من خلال قراءتي للتقاريركم المفيده .. عرفت ان فيلاديلفيا ما تنفع للسياحه وانها بلد تاريخي

وفي اخت ما اذكر اسمها قالت ما فيها شي وتكفي ليوم ..


طبعا انا ابغي اطلع برع فيلادلفيا..

خططت لنيويورك ..بس ابغي اماكن مناسبه لاطفال لانه عندي طفلين سن 4 و 2

ياريت اهل الخبره يساعدوني يعني كل ويك اند وين نقضيه

والسموحة على الاطاله

أولا الجو روعه في شهر 4 يعني ربيع ... فيه عدة اماكن تقدرين تروحين لها من فيلادلفيا ما يبيلها تخطيط بس كل ويك اند روحي مكان ...

1- منهاتن نيويورك
2- اتلانتيك سيتي في نيوجيرسي
3- هيرشي
4- حدايق سيكس فلاغز في اكثر من وحده المائية او السفاري
5- تمثال الحريه في نيوجيرسي (ليبرتي بارك)
من ناحية التسوق طبعا لا تفكرين في الداون تاون ، روحي كينج اوف بيرشا في فيلادلفيا روعه كل شي فيه و عندهم اوتلت اسمه فرانكلين ميلز هم قريب منج ...

مشكوووورة الغالية على الرد ان شاء الله انروح لهاي الاماكن

ويزاج الله خير :)