أين تباع حلويات واو ؟؟

السلام عليكم ورحمة الله وبركاتة ...
أريد معرفة أسماء وعناوين المحلات التي تبيع حلويات واو ...
وشكرآ جزيلآ ..

اولا حلويات واو في شرق وعندج بعد بي كيك والخباز وكاكاو سلفرينا وفي بحولي مجمع الزاويه فيه محلات كاكاو وحلويات

حلويات واو بمنطقة شرق خلف سينما الحمرا سابقا

ياريت لو في عندكم عنوان أوضح ..
بمعنى .. بغيت عنوان واضح لأحد المحلات اللي تبيع حلويات واو ، سواء كان المحل في مجمع ( مثلآ ) في أي مجمع أو في أي سوق بالضبط ..
ولو كان موجود عندكم الإحداثية ( على الجارمن ) واااايد أحسن ، أو إحداثية مكان قريب جدآ عن محل الحلويات ..
وألف شكر لكم ..

شوفي اختي.. فندق ماريوت كورتيارد(مجمع الراية) بالقرب منه ومقابل له مطعم مغل محل.. اهو حوالين مطعم مغل محل. يعني دخلي صوب المطعم واخذي لفه اذا ماحصلتيه سألي عنه (ويكون بظهر المطعم بالضبط).. وانشالله راح تحصلينه.

انتي تبين المحل الي اسمه واوا وله تبين محلات الحلو بالكويت

WOW بكل بساطه خلي الابراج علي ايدج اليسار بالنسبه للسائق وامشي سيده قبل الاشاره الضوئيه اخذي يمين وخليج سيده بتلاقين امامج اشاره ضوئيه طبعا راح تمشين سيده ايضا وبتلاقين محل واو بعد الاشاره علي ايدج اليمين في مبني كبير لونه سلفر بنفسجي ما يبله اي تعب عموما واو اهوا تقليد لمحل opra اللي موجود في منطقه الصالحيه وانا بالنسبه لي شخصيا محل اوبرا احلا :) خصوصا ان شيف اوبرا راح لواو بس يبقي اوبرا الاعرق والاقدم والاحلا

ألف شكر لكم ..
وما قصرتوا ..
والله يحفظكم ويحفظ بلدكم الغالي إن شاء الله ...

اذا انتي تبين محل "wow" للحلويات فـ هوا بـ شرق جنب برج رياض..

اما اذا تبين محلات حلويات يكونون واو و حلوين :p
فـ عندج
1- "اوبرا" بمنطقة الصالحيه او منطقة قرطبه ق2
2- صافي بـ منطقة النزهه ق3
3- تشوكلت بار "موجود بالمارينا كريسنت و الافينيوز و البدع|

هذا رقم حلويات واو1827070