رد: مساعدة في السكن في بوسطن
عزيزتي إذا تبين سكن مضمون و في بناية كلها عرب و خليجيين .. اتصلي بوحده اسمها نبيلة في المكتب الصحي العربي اللي في مستشفى الاطفال في بوسطن كل الخليجيين عندها ... 6173553547 فتح الخط 001
رد: مساعدة في السكن في بوسطن
اي احنا نتعامل مع نبيله هاذي وكلمتها اكثر من مره وبينا ايميلات لانه اهي الي مضبطه موعدنا بالمستشفى ... بس مره سألتها بأيميل اذا تقدر تساعدنا بموضوع السكن او على الاقل تدلينا على احد يساعدنا ردت على كل الاسئلة الي كانوا بالايميل الا هالسؤال فتوقعت انه هذا مو اختصاصها واستحيت اسألها مره ثانية
رد: مساعدة في السكن في بوسطن
الأفضل اتصلي عليها و سأليها عن البناية اللي فيها الخليجيين و كيفية الحجز ...
رد: مساعدة في السكن في بوسطن
السلام عليكم اختيي انا وزوجتي يايين علاج
وفي مكاتب معتمدة من السفارة الكويتية والسعودية وضيفتهم يوفرون لكم السكن لو كنتوا طلبة او يايين للعلاج باسعارة مناسبة ويستقبلونكم في مطار لوغن ويدلونكم حتى على اللحم الحلال
واذا تبين اشياء مناسبة اقدر افيدج ايميلي نفس نكي بالهوت ميل بعد اذن المشرفين
رد: مساعدة في السكن في بوسطن
سلام اذا تبين سكن فاخر وباسعار ممتازة ومعتمد من السفارة الكويتية ويستقبلونكم بالمطار اذا انتوا يايين علاج ويعلمونكم عن كل شي وشلون تتجنبون عمليات النصب والاحتيال الموجودين من بعض الجنسيات اللي تسمعون عنها انا حاضر
رد: مساعدة في السكن في بوسطن
عقد اجتماع من اسبوعين مع الملحق الصحي بامريكا ورؤساء المكاتب الصحية وحذروا اصحاب اقسام المستشفيات من التلاعب على المرضى لان السفارة تدفع فلوس للي يشتغلون بالمكتب الانترناشونال علشان يساعدون مواطنينا
ياجماعه الخير اتصلوا على السفارة ايفيدونكم بانسب الاسعار ترا لكم خصومات مو طبيعية شي جدا راقي ورخيص باسعارة مناسبة مع الاتفاق مع السفارة ومالعليكم من موظفات المستشفيات ترا لاذمة ولا ضمير
رد: مساعدة في السكن في بوسطن
بخصوص الموقع اللي حاطتنه للشركه انا اتعاملت معاهم واجرت عندهم شقه غرفه وصاله 4 اشهر حسبو لي اليوم ب 145 دولار في واحده نفس الشركه اسمها كيم رقمها 6173047391 والفاكس 6179489875
انا سكنت بالبنايه اللي خلف المستشفى بنايه اسمها فيستا 175 روعه وحلوه الخدمات اللي فيها تحت لوبي مع سينما صغيره وجيم وامان 24 ساعه ونظيفه
اتمنى اني فدتج لان المنطقه اللي سكنت بها كلهم خليجيين واذا بتراجعين لمستشفى الاطفال تروحين بالباص الشاتل من المستشفى العام الى مستشفى الاطفال والله يشفي مريضكم
رد: مساعدة في السكن في بوسطن
السلام عليكم ممكن الايميل ورقم التواصل مع الاستاذة نبيلة لاننا نريدان نسافر للعلاج بابنى ولكن لا نعرف كيف يمكن حجز موعد بمستشفى الاطفال وكيف نتواصل معهم ارجو من لية معلومة لا يبخل بها علينا وشكرا جزيلا
رد: مساعدة في السكن في بوسطن
اخ خالد وياك في كل كلمه قلتها بسهم نصب وبسنا طيبه ....:mad:
المتوكله على الله ادخلي النت وسوي سيرج على الشقق القريبه من المستشفى وفي العقد السنوي يطلع ارخص وتحطين مبلغ تامين ...
ولما يخلص العلاج تشيلين التامين ولو خلصتي قبل السنه دوري حد خليجي ولا عربي يشيل عنج الشقه ويدفعلج مبلغ التامين ...
وانتي المستفيده ...
انا جربت
Landmark Square ApartmentsDirections
Apartments
Address: 75 Peterborough St, Boston, MA 02215, United States
Phone:+1 617-266-2665
قريبه على المستشفى وامان وكل شي حولج ...
رد: مساعدة في السكن في بوسطن
ayshaalmarzooqi جزاكى الله خيرا ربنا ييسر كل امر ان شاء الله شفى الله ابنى واولاد المسلميين والمشلمات اجمعيين
رد: مساعدة في السكن في بوسطن
السلام عليكم ورحمة الله وبركاته، انا مساعد دلال في بوستن وكمبردج صارلي 5 سنين ادرس في بوستن وعندي خلفية في كل أنحاء بوستن ودوائرها. عندي شقق مفروشة أجارها شهري وارخص من السوق في بنايات فخمة مع كونسيرج ومسبح وجيم.
حالية عندي شقة غرفتين وصالة ماساحتها واسعة جداً في كامبريدج مقابل قالريا مول، لم يسكنها الا عايلة وحدة في جداً نضيفة و مع باركنق. غداً ستكون موجودة للاستقبال.
نرجو التقيد بشروط المنتدى وذالك بعدم ادراج الارقام والروابط
رد: مساعدة في السكن في بوسطن
اقتباس:
المشاركة الأصلية كتبت بواسطة مؤجر سكن
السلام عليكم ورحمة الله وبركاته، انا مساعد دلال في بوستن وكمبردج صارلي 5 سنين ادرس في بوستن وعندي خلفية في كل أنحاء بوستن ودوائرها. عندي شقق مفروشة أجارها شهري وارخص من السوق في بنايات فخمة مع كونسيرج ومسبح وجيم.
حالية عندي شقة غرفتين وصالة ماساحتها واسعة جداً في كامبريدج مقابل قالريا مول، لم يسكنها الا عايلة وحدة في جداً نضيفة و مع باركنق. غداً ستكون موجودة للاستقبال.
نرجو التقيد بشروط المنتدى وذالك بعدم ادراج الارقام والروابط
السلام عليكم ممكن رقم التواصل
