::
بسم الله الرحيم الرحيم
اكتب لكم من هونج كونج بعد انتهاء رحلتي الى جوانزو لشراء تشطيبات فيلتي (رخام +سيراميك+ حمامات+ قرميد+حجر) والصراحة لولا الاخوان والاخوات الطيبين ومنتدى الخير (منتدى العرب المسافرون ) ما نجحت رحلتي
وعلى رأسهم الاخ ابوضرار
الاخ اسير الدوحة (ولد بلادي)
الاخت هداوة بنت زايد
الاخ عديل الروح
الاخ سرور ولا يهونون الباقي كل من بالمنتدى خير وبركه
وطبعا كان دفتري العجيب our Navigator
https://www.otlaat.com/arabtravelers...5DSC015447.JPG
في البداية حصل لي ظرف ادى الى تأجيل رحلتي يومين والحمدلله عدت على خير
وجدت صعوبات كثيره من عملي و ظروف خارجة عن إرادتي لكني استخرت ورب العالمين وفقني برحلتي و بالناس الطيبين
الاخ اسير الدوحه ساعدني مساعدة اخ اظن ما في حد يوصي على ناس ما يعرفهم والاخ اسير ما يعرفني شخصيا لكنه وصى علي وعلى اهلي عند راعي المكتب وما قصر معي لكني بعد استخرت وطلع لي واحد من الاهل عنده مكتب هناك وقلت يالله اللي تعرفه احسن من اللي ماتعرفوش على قولة اخوانا المصريين
موعد السفرة ابريل 2009
مدة السفرة :9 ايام جوانزو و4 ايام هونج كونج
الجو : كان بارد لدرجة كبيره يقولون انه قبل ما نوصل بيومين كان عندهم حر بس احنا ما شفنا الشمس الا سابع يوم وهذا اثر على صحتي لان جميع الملابس اللي معنا خفيفه صيفيه لا تصلح لجوهم يعني وصلت القطار وانا مريضه وما فيني حيل لهونج كونج
والصراحة انا قبل كنت احلف براس هونج كونج من محبتي لها بس لالالالالالالا غطت عليها ام الزين ما في مثل جوانزو
اليوم الاول :
اقلعت الطائرة من مطار الدوحة الدولي على الخطوط القطرية في تمام الساعة 2 فجراُ وطول الرحلة والطياره ترقص فينا ماقدرنا ننام .ووصلنا جوانزو 3 ونص العصر بتوقيتهم
كنا حاجزين في فندق ميديتيريان بناء على توصية الاخت هداوه
وكان هذا الاخ في استقبالنا لحد ما وصلنا الغرف
https://www.otlaat.com/arabtravelers...5DSC011479.JPG
المشكله ان الكل يقول فندق رويال ميديتاريان جنب تيم مول وقراند فيو مول وانك تقدر تروح له مشي ( هذ الكلام مش صحيح) نعم تقدر تروح له مشي اذا كنت رايح تمشيه لكن اذا كنت تطلع كل يوم من 8 الصباح وترجع 7 المسا ويومك كله مشي ما اعتقد تقدر تمشي له المولات هذي تبعد مشي مسافة 20 دقيقه بالضبط من فندق رويال ميديتاريان الفندق بعيد عن المدينه فهو يقع في منطقة تيانخا.
ما خذنا في مطارهم اكثر من 20 دقيقه بين ختم جوازات وتعبئة نموذج (لان الاخوه بطيران القطرية ما كان عندهم كروت) واستلام شنط حبيت المطار حيث ان اجراءاته سريعه جداّ والله اني مره بمطار هونج كونج جلست ساعه في الكيو
انطباعي عن الفندق : رائع لكن موقعه بعيد واذا تبغي تطلع من البلد لشنده او فوشان او شينزن احسب مسافة نص ساعه زياده على المسافه هذا غير ان الشارع ما يمشي على طول مزدحم
وصلنا الفندق الموظفين بشوشين الى ابعد حد
عملنا الشيك ان قلنا لها حجزنا شخصين في suit room مع افطار قالت الافطار لشخص بس جان نطلع لها ورقة الحجز ونعطيها العين الحمرا :120:
على طول غيرت رايها اوكي اوكي :8888:
سعر الغرفة كان 980 ريمبي
فيها صالة والحمام يطل على الغرفه
https://www.otlaat.com/arabtravelers...DSC0114910.JPG
https://www.otlaat.com/arabtravelers...dDSC011509.JPG
https://www.otlaat.com/arabtravelers...DSC0115111.JPG
هذي الصالة
https://www.otlaat.com/arabtravelers...dDSC011565.JPG
وهذا الميني بار واعذروني على الصورة اجلكم الله
هذي الطااولة تحتها الثلاجة
https://www.otlaat.com/arabtravelers...DSC0115411.JPG
وهذي الصالة
https://www.otlaat.com/arabtravelers...dDSC011537.JPG
وهذا الباب بين الصالة والغرفة
https://www.otlaat.com/arabtravelers...7DSC011527.JPG
وهذا المكتب ملحق بالصالة
https://www.otlaat.com/arabtravelers...DSC0115511.JPG
كل شي بالغرفه راهي ومن الماركات المعروفة مثل فيلوري اند بوخ
https://www.otlaat.com/arabtravelers...7DSC011609.JPG
https://www.otlaat.com/arabtravelers...DSC0116113.JPG
https://www.otlaat.com/arabtravelers...DSC0116210.JPG
https://www.otlaat.com/arabtravelers...DSC0115811.JPG
https://www.otlaat.com/arabtravelers...bDSC011578.JPG
https://www.otlaat.com/arabtravelers...bDSC011599.JPG
المنظر من الغرفة
https://www.otlaat.com/arabtravelers...DSC0116412.JPG
كان صاحب المكتب والمترجمه باستقبالنا جلسنا بالغرفه واحنا مش مقتنعين بالمكان زوجي يقول فلان سكن في فندق اسيا انترناشونال
وفلان يمدح الماريوت
نزلنا الكوفي شوب حقهم تقهوينا وقمت اصور الرخام عجبني ان الرخام الاسود طاغي على المكان لكن اللي تشتغل في الكوفي شوب عيت علي تقول ممنوع التصوير
https://www.otlaat.com/arabtravelers...DSC0116710.JPG
https://www.otlaat.com/arabtravelers...bDSC011657.JPG
https://www.otlaat.com/arabtravelers...dDSC011709.JPG
صاحب المكتب يقول ياجماعة فندقكم بعيد والمترجمه تسولف تقول : يو وانت تو قو تو فوسان تو مش ترافيك يو آد 30 مينيت
قلت لزوجي خل اغراضنا وقوم نروح نشوف فندق اسيا انترناشونال وركبنا التاكسي ويالله على اسيا انترناشونال
https://www.otlaat.com/arabtravelers...dDSC011489.JPG
وصلنا اللوبي مش بمستوى رويال ميديتاريان طبعا بس اكبر منه
قلنا لها نبي نشوف الغرف رحنا شفنا الكلوب روم والجناح الملكي
ملاحظاتي على الفندق: الفندق مفروش موكيت وريحته معطنه من قلب
والclub room
اشرح وافضل من الجناح الملكي
الصراحه خفت من الجناح الملكي شوي جاني احساس انه مقبره هو عباره عن صالة وداعوس بعده غرفة نوم
المهم قلت لزوجي مستعده استحمل بعد الرويال ميديتاريان ولا اسكن بجناحهم قالت المترجمه تعالوا في فندق جنبنا اسمه
The Garden
https://www.otlaat.com/arabtravelers...fDSC014937.JPG
https://www.otlaat.com/arabtravelers...fDSC014948.JPG
https://www.otlaat.com/arabtravelers...DSC0148810.JPG
https://www.otlaat.com/arabtravelers...aDSC014897.JPG
https://www.otlaat.com/arabtravelers...DSC0149110.JPG
https://www.otlaat.com/arabtravelers...fDSC014907.JPG
هذا المبنى المقابل له
https://www.otlaat.com/arabtravelers...fDSC014925.JPG
تعالوا شوفوه يمكن يعجبكم
ورحنا له مشي، مشينا تقريبا 10 دقايق مرينا بطريقنا على بيتزا هوت وكنتاكي (همها بطنها مسكينه يقولون جوانزو ما بها اكل وان اللي يروح يضعف)
دخلنا الفندق ما شاء الله تبارك الرحمن (كل هذا لوبي)
https://www.otlaat.com/arabtravelers...DSC0148512.JPG
طبعا كان الكيو ما شاء الله
لكن مدير المكتب كان معنا راح للموظفه وكلمها بالصيني قال لها انا بس باشوف الغرف ما ابي اسوي تشيك ان وهذول كلهم شيك ان
المهم قالت انتظرو خمس دقايق
جلسنا بالقهوه هذي اللي باللوبي
وشربنا كوفي
الا هذي بنت عمنا جايه
https://www.otlaat.com/arabtravelers...DSC0148615.JPG
ورحنا نشوف الديلوكس روووووم
كانت روعه واكثر من روعه
كان سعرها 1347 ريمبي بالليله شامل الفطور لشخصين
طبعا بنفس الدقيقه خذنا الغرفة ورجع زوجي المسكين رويال ميديتاريان عمل تشك اوت وجاب الشنط ورجع الفندق طبعا على ما رجع مع الزحمه صارت الساعه 8 بالليل
ودعتنا المترجمه علشان نرتاح
وين راحه احنا ما كلنا شي ورايح جاي
نزلنا نتمشى جنب الفندق وكان مقابلنا مجمع لا بيرل الراقي وجنبه مطعم السلطان التركي الصراحه المطعم رهييييييييييب اعتمدنا عليه طول رحلتنا
الافطار على الفندق مع الغرفة
https://www.otlaat.com/arabtravelers...DSC0148211.JPG
https://www.otlaat.com/arabtravelers...8DSC014818.JPG
https://www.otlaat.com/arabtravelers...8DSC014799.JPG
https://www.otlaat.com/arabtravelers...8DSC014807.JPG
https://www.otlaat.com/arabtravelers...7DSC014779.JPG
https://www.otlaat.com/arabtravelers...DSC0147810.JPG
الغدا(مافي :( )
العشا كان دايما بالسلطان
عنده كل المقبلات وانواع السلطات
وعنده انواع الباستا وعنده الاسكندر بانواعه والشاورما والرز والمحاشي تقريباً كل شي
وصلنا المطعم الا الكيو ما شاء الله من اخواننا العرب كل واحد طايح على جنب من التعب
وواحد معصب يقول (يعني الواحد لما يجوع وين يآكل)
صاحب المطعم محترم والموظفين محترمين صرنا ربع مع الموظفين من كثر ما جيتهم
تعشينا على السريع ورحنا ننام استعداداً لاول يوم في فوشان
انا كتبت التقرير كامل بس المشكلة في المنتدى صعب اني ارفع الصور عليه وصار لي يومين متعذبه
استودعكم الله الذي لاتضيع ودائعه انا راجعه لارض الوطن بعد ساعات
اذا الله كتب لنا عمر بنكمل التقرير
مع السلامة