-
زيارتي الاولى للدراسة في بورمث
السلام عليكم
العام الماضي عزمت اني اروح ادرس لغة في بريطانيا وضبطت الامور كلها وتوكلت على الله ، المهم يوم وصلت مطار هيثرو ـ وش تشوف عالم الله يجيرك ،،، المهم رحت لمحل الباصات وحجزت تذكرة لأني ودي اتعلم كيف اقص تذكرة وكيف اسأل واستفيد من اللغة من اول دقيقة ،،، يعني ما احب الامور كلها تجي باردة مبردة .
الزبدة ركبت الباص ووداني لمحل التكاسي وجيت ل هكا الواحد ( شكلكم منتمب فاهمين العبارة الاخيرة ) وعطيته خريطة العائلة اللي ابقطن عندهم ( متعوب عليها ابقطن ) المهم قلت له بكم توديني قال من 7 إلى 10 بوند ، طبعا تهمني المادة لاني داج شوي ،،،، المهم ركبت معه وخذ سواليف ،،، الاخ يوم جاء ينزلني قال مع السلامة ،،، قلت له :: شر تعرف عربي . قال انا جزائري https://www.otlaat.com/arabtravelers...4df0b0oz5j.gif
نزلني عند البيت ووقف حتى إني دخلت عند العائلة ، جاء ابوهم وقال انت ؟؟؟؟ ( اسمي ) قلت إيه ÷،،،، رحب فيني وقال الحقني وطلعني لغرفتي وقال هذي غرفك ،،،كان فيها تلفزيون وسرير وطاولة وكرسي .
مع اني تعبان من السفر إلا إني ما صبرت من الفرحة ،،، نزلت يمه وقلت وين البقالة ،،، وصف لي :::: ورحت
وادخل البقالة : قلت عندك حب شمسي ( مسوي خطير بالانجليزي ) وبصراحة انا كنت قبل احفظ كلمات واحس انها ما تستعمل فقلت خلني اجربها في الواقع .... المهم رد وقال لا . لكن تلقاها في المحل الفلاني .
شريت من عنده بسكويت وسفن ورحت للبيت اتندح https://www.otlaat.com/arabtravelers...4df0b14b2a.gif
يوم جاء العصر ومعي الخريطة واطلع من البيت ابشوف المدرسة لأني متحمس كثيررررررر . وصلت المدرسة وكانت مسكرة .
جاء يوم الاثنين اول يوم دراسي ورحت من الصبح وقبل لا تفتح المدرسة
انتظرونا في العدد القادم ــــ وما هو الموقف المحرج الذي حصل لي في اول يوم
يا شباب وشابات والله ما كتبت السالفة إلا ابوسع صدروكم ونحرك نوعية المشاركات لذا لحد يشره على
-
رد: زيارتي الاولى للدراسة في بورمث
يعطيك العافيه يالحبيب ، يبدو انها زياره ممتعه
بس بسألك ،، الفيزا الي طلعتها فيزة طالب ولا سياحه ؟
لأني بطلع فيزة سياحه وانا من المدينه واخاف اطق مشوار لجده واكلها على وجهي
وهل صحيح لازم اخذ موعد قبل لا أروح ؟
-
رد: زيارتي الاولى للدراسة في بورمث
الشفق الاحمر انا معي فيزا سياحية لكن اروح ادرس لفترة قصيرة لكن إذا سألوني في المطار ليه جاي اقول سياحة
، إذا اخذت موعد افضل لك ، يمشونك بسرعة وعلى العكس
الميكادو : هلا اخوي وابشر من عيوني
ABDULLH عبدالله : حب شمسي تعني Sunflower seeds أما كلمة seeds لوحدها تعني فصفص .
روبان السفينه ابشر بعزك .
والحين اكمل لأني ما ودي اطول عليكم :
يوم جاء يوم الاثنين ورحت للمدرسة استقبلو جميع الطلاب الجدد وكنا اربعة من السعودية وفيه جنسيات كثيرة من غير السعوديين واذكر انه كان فيه اسبان وفرنسيين والمان وارجنتين وبرازيل وبرتغال واتراك وتشيك وبولند
قاموا وعملو لنا اختبار عشان يوزعونا على الفصول لكن قبل الاختبار قالوا فيه عملية تعارف : كل واحد يقول اسمه ومن وين ، ،،،،،، كل واحد قال اسمه واكثر الموجودين كانوا بنيات ،،،،،،،قال المدرس الحين كل واحد يعرف يصافح زميله ويعرف نفسه ــــ سواء ولد والا بنت ،،،،،،،،، اممممممممم صراحة موقف لا احسد عليه ،،، انا اعرف ان مصافحة المرأة حرام ،،، وخلونا من اللي يقول عادي انا اخاف الله وما علي من احد ،،، المهم قمت اختار الاولاد واتحاشي البنات وكل مرة تجي بنت انحاش وكأني ما شفتها https://www.otlaat.com/arabtravelers...187ae1mjqc.gif وقلت له ما نيب مسلم على بنات ، لكن كل ما قال شيء خل نسلم على بعض ،،، الولد قال تم . المهم كل مرة يغير . المدرس لاحظ انا كلنا عيال : قال ما يصلح لازم تغيرون المهم ، بوم قال غيروا ،،، ابعدت عن المدرس ورحت للسعودي الثالث . وافتكيت من هالموقف اللي ما احسد عليه .
بعد ما سوو لنا الاختبار : قالوا الحين بناخذكم بالباص نمشيكم على بورمث ونوريكم المحلات اللي تقدرون تاكلون فيها وتشترون حاجاتكم منها ،،، واخذونا على السنتر ،،، مكان حلو
بعد ما رجعنا قالوا بكرة تبدون الدراسة ،،،، يوم جيت من بكرة من محاسن الصدف ان السعودي اللي كنت اسلم عليه ودابل كبده امس معي بنفس الصف ، ما كان معي إلا هو سعودي والبقية اجانب من ديار الله الواسعة .
في المرة القادمة ابقولكم موقف اخر وهو عبارة عن معلومة تفيد الجميع إن شاء الله وشكرا على تشجيعكم والسلام
-
رد: زيارتي الاولى للدراسة في بورمث
الشفق الاحمر : الاختبار اللي سووه لنا كان تقييم بحيث يشوفون مستواك وبعدين يحطونك في احد المستويات مثل
مبتدأ او تحت المتوسط او متوسط او فوق المتوسط او متقدم او محترف .
ABDULLH عبد الله : الحقوق غير محفوظة https://www.otlaat.com/arabtravelers...3f9490oz5j.gif
ونواصل رحلنتنا الجميلة . بعد قضاء يوم الاثنين في المدرسة وخلصنا رحت للبيت ،،،، كان البيت قريب جدا من المدرسة يعني اروح رجل . وكان قريب من شارع الشارمنستر وهو شارع معروف بالمطاعم العربية الاسلامية والبقالات المشابهة لما في السعودية .
وصلت البيت ولقيت فيه طلاب : كان فيه واحد تركي وواحد تايلندي واثنين سعوديين اخوان ، الاخوان كانوا بنفس الغرفة والباقين في غرف خاصة .
بصراحة ،،، أول ما عرفت ان فيه سعوديين تضايقت وكنت ناوي اشتكي للمدرسة لأني رايح اتعلم لغة واحب استفيد من كل دقيقة ،،،، والشباب اللي معي بالعائلة اثنين منهم سعوديين ،
قلت في نفسي اصبر واشوف ،،، ما ودي استعجل .... مر يومين وبصراحة السعوديين كانوا قمة الاخلاق والتعاون معي ،،،
مرة طلعت ابروح للشارمنستر ( اسم الشارع اللي عليه المطاعم العربية ) وانا طالع قلت لواحد من السعوديين ( احمد ) خل نروح مع بعض قال تم . مشينا ومع السوالف والدردشة مسكت يده مثل اي اثنين ماسكين ايدين بعض ،،،، مسكه عادية ( ما ادري تصورتوا والا لا ) المهم احمد واحنا نمشي فصل يدي عن يده وقال ابعد عني https://www.otlaat.com/arabtravelers...3f9492c6hr.gif صراحة قلت احمد الظاهر مهوب صاحي
طيب وش السالفة : قال : يعني ما تدري !
قلت : لا
قال : يا اخي لا تحط يدك بيدي ،،،،،
يالله غربله طيب وش فيها :
قال هذي حركة يسويها ال gays الله يكرمكم ،،، و الله ما قدرت اكتبها بالعربي إكراما لكم
المهم قلت اجل كذا : خلاص والله ما عاد اسويها ،،، وهو جالس يكلمني يقول غريبه ما تعرفها ،،،،، هذي ثقافات تختلف عنا و ,,, و،،،،و المهم مع الحماس معه حطيت يدي بيده ،،، والله نسيت ههههههههههhttps://www.otlaat.com/arabtravelers...3f9490spqx.gif احمد عصب وقال وش فيك انت ، قلت اعذرني والله اني اسويها بالسعودية ومتعود اني وانا امشي نتماسك اليدين
ترى الحركة عادية اللي اثنين يمشون واحد يحط يده بيد الشخص اللي بجانبه .
وللحديث بقية إن شاء الله ،،،، شاكرا لكم على التشجيع والمتابعة
-
رد: زيارتي الاولى للدراسة في بورمث
بعد قليل
من الاشخاص الي تستفيد من مواضيعهم المتميزه هنا في المنتدى
وباين عليك شخصيه طيبه ماشاء الله
لو ذكرت لنا اسم المعهد وعلى اي خطوط سافرت اخوي
اكون شاكر ومقدر لك
متابعك باستمرار .
-
رد: زيارتي الاولى للدراسة في بورمث
مازلت وياك
ومستمتع بعد ربي يقويك احتري التكمله بفارغ الصبر
اخوك عبدالله
-
رد: زيارتي الاولى للدراسة في بورمث
مافيه صور ولا حركات ولا مقاطع فيديو
على العموم متااااااااااااااابع
-
رد: زيارتي الاولى للدراسة في بورمث
يعطيك العافيه اخوي..
عندي كم استفساار:
الاول هل يوجد مطاار في المدينه - بدل مطار هيثرو والهجوله الزايده-
الثاني هل استفدت من العائلة اللي كنت معها - لأني مافهمت اشلوون في سعوديين وغيرهم معك ومع نفس العائلة -؟ يعني كنتو فقصر او عماارة كبيرة ؟؟
-
رد: زيارتي الاولى للدراسة في بورمث
مشكور بعد قليل : لكن انا اقصد الاختبار كيف كانت طريقته ؟
وكيف كانت اجواء المدينه اثناء زيارتك لها ؟
-
رد: زيارتي الاولى للدراسة في بورمث
يا ليت اعرف انزل صور ،، لا تستغرب تراني ما نيب راعي كمبيوتر انا اتصفح واشارك على خفيف فقط
http://www.arabtravelersforum.com/user293328/ بورمث يوجد فيها مطار بس على ما اظن ما يودي بعيد يعني من السعودية ما تقدر تروح لبورمث مباشرة ،،، اذكر انه يودي لفرنسا واسبانيا لقرهن من بومث وخاصة فرنسا قريبة جدا
ونبدأ إكمال المسيرة في بورمث ،،، على فكرة جو بومث رائع جدا غيوم واحيانا امطار خفيفة .
في يوم وانا بالشارمنستر تعرفت على شاب سعودي محترم ،،، كنت اشوفه يركب الباص ،،، المهم صار بينا معرفة وقال لي : انا كنت ساكن عند عائلة لكن ما ارتحت لأني لما اجي اطلع اصلي الفجر ( كان المسجد قريب جدا من البيت) كانت العائلة تقول لي لا تطلع فتركت العائلة وسكنت في فندق على البحر https://www.otlaat.com/arabtravelers...1dc2314b2a.gif انا احتريه يعزمني عشان اشوف الفندق //// الحمد الله قال لي : ورا ما تجي تزورني ،، انا لحالي في الفندق نتقهوا وندردش ،،، عاد انا مسوي نفسي اتغلى ،،، قلت لا خلها مرة ثانية وانا بداخلي ودي بس صعبة على طول اقول قوه ( نروح ) اخاف يقول وش هالبجيح
المهم الرجال لزم وانا على جريف ( ما صدقت خبر ) قلت دامك ملزم يالله . بصراحة فرح اني جيت معاه وانا اكثر
رحنا للفندق ولا وش تشوف ،،، صراحة خيال انواع الراحة والعجيب كان سعرفة رخيص يعني كان على ما اذكر 80 بوند بالاسبوع . على فكرة كانت هالرحلة بين النصف الاول والثاني يعني موهوب موسم ،،،انتبهو
المهم لعلي اتاخرت عنده حتى الساعة 11 ( الشمس تغاب الساعة 9 ) صلاة المغرب 9،،،،، المهم قلت ابمشي لزم على نم عندي قلت ،،، والله إني ما ارتاح إلا في بيتي تعرف الواحد صعب ينام بالجنز ،،،، طلعت وقد ودعني بما استقبلني به من ترحاب ( متعوب عليها لجملة الاخيرة ـ مع ان معناها صعب على )
كان ذاك اليوم يوم جمعة وبكرة عطلة السبت والاحد ،،، وكانت الباصات اغلبها توقف ما تشتغل يعني عساك تلقى لك باص واحد لو يوصلك حول البيت وايضا كان الشباب المراهق والمهبل واللي تشرب تدهر ( تطلع وتستهبل ) ذيك الليلة ، رحت لأقرب نقطة من مكان الباصات وجلست حوالي نصف ساعة ما جاء احد ،،، قلت يالله مقسوم خير ،،، الله يعين ،،،عاد انا خواف ،،، بصراحة جبااااااااان . وانا احتري جاء باص لكن ما كان يوقف حول البيت ،،،كان بالضبط يوقف على بعد اكثر من كيلو من البيت ،،، لكن الشكوى لله ابركب اقل ما فيها يبعدني عن السنتر .
ركبت الباص ورحت لمكان اخر ونزلت وانا اشوف هكا البنت اللي تنزل معي ،،، انا شايفها كم مرة تركب الباص ،،، عرفت ان بيتها حول بيتي ،،، ناظرتني وقالت : خل نمشي مع بعض لأن السكاري كثار ويمكن نتعرض لمشاكل لكن إذا صرنا اثنين احتمال كبير ما يجونا ،،، انا رحبت بالفكرة ومسوي نفسي اباضاي إحم إحم قلت تمام
ومشينا مسافة كبيرة وجاءت نفطة لازم نتفارق عشان كل واحد يروح لبيته ،،، يعني الحين بقى حوالي 300 إلى 400 متر وكل واحد لازم يروح مع شارع ،،،
قلت لها : لو تعرضتي لشيء اصرخي وارفع صوتك ، قالت ليه قلت عشان يمديني انحااااااااااش https://www.otlaat.com/arabtravelers...1dc2326fet.gifبصراحة ماتت من الضحك وانا اروح اركض للبيت واسمعها من بعيد تضحك ، قلت الله يستر اما سمع احد صوتها وجاها وادبغها وصرت السبب .
المهم رحت ودخلت البيت وسميت ونمت .
في المرة القادمة ابقولكم وش قالت المدرسة العجوز عن السعوديين وعن صلاة الجمعة ؟
شكر خاص لجميع الاعضاء المشاركين على هذه الردود الطيبة وبارك الله فيكم
-
رد: زيارتي الاولى للدراسة في بورمث
الغالي بعد قليل
مشكور على الرد والتجاوب
وسالفه البنت والنحشه بعد الصراخ ماتنلام لما تضحك
كلنا فكرنا مثل تفكيرها قلنا بتفزع يعني 00 وطلع العكس
عندي ملاحظه بخصوص الفيزا السياحيه
ما تعتقد فيها مخاطره شوي 000 ولما يسألونك في المطار وين نتسكن وكيف تجاوب ؟
بخصوص المعهد
اكيد تعمل تسجيل وتتخاطب معهم عن طريق النت
وتحصل على قبول ، لكن مايطلبون منك الجواز والفيزا ويعترضون على انها سياحيه ؟
ولو بتنصحني بوقت ( غير الصيفيه ) وعطله المدارس عشان ابعد عن الزحمه
للدراسه هناك لمد ( 3 ) اشهر متى تفضل وتقترح يكون
شهر ( ) ( ) ( ) مثلاً .
متابعك باستمرار
واتمنى مانكون زودنها بالاستفسارات .
-
رد: زيارتي الاولى للدراسة في بورمث
الغالي بعد قليل
كل الشكر لك على الرد والتجاوب
والله يرفع قدرك في الدارين
ان شاء الله الاشهر الي وصيتني عليها مايكون هناك برد وثلوج
وانا حريص جدا على الاجواء والاوقات الهادئه
بعيدا من ازعاج المراهقين في الصيف
متابعك وبانتظار بقيه تفاصيل الرحله 0
-
رد: زيارتي الاولى للدراسة في بورمث
-
رد: زيارتي الاولى للدراسة في بورمث
يالله يارب اسئلك ان تبقينا وشباب المسلمين على الدين
يعطيك الف عافيه اخوي على القصص الشيقه
وانا بآنتظآرك في الجزء القادم....
اتمنى اذا كان هناك طريقة اتواصل معك عن طريقها...ياليت لو تسمح
-
رد: زيارتي الاولى للدراسة في بورمث
قصصك ممتعة واسلوبك مشوق ... وكلة كوم ويوم رحت البيت ركض وتقول للبنت اصرخي لاجاك احد
وهل انت الا الان تدرس ؟
سجلني من المتابعين
-
رد: زيارتي الاولى للدراسة في بورمث
روعة و أسلوب شيق
تحياتي,,,,
-
رد: زيارتي الاولى للدراسة في بورمث
اشكر كل من شجعني وشاركني في هذا الموضوع وما جعلني اسرد لكم قصتي واتواصل معكم إلا هذه الكلمات الرائعة الطيبة منكم فلكم مني جزيل الشكر وجميل الثناء .
انا لا امانع ان اتواصل مع اي شخص ولكن لا اعرف هل وضع الايميل مخالف لقوانين المنتدى ام لا ؟ أو وضع الجوال ،،،،
لا أحب ان اخالف القوانين الموضوعة وإلا والله ودي اخدم أي واحد من عيوني ولا أريد إلا الدعاء منكم .
انا الان موجود في السعودية وسأذهب إن شاء الله في شهر 7 إلى بورمث بإذن الله . ولعلنا نتشرف بشوفتكم ولكن الكلام بالانجليزي هذا شرط أساسي .
أنا الان مستعجل ابروح اصلى ( أسأل الله أن يتقبل من الجميع ) ولي عودة قريبة معكم بإذن الله لأكمل لكم بقية الرحلة https://www.otlaat.com/arabtravelers...a4fa614b2a.gif .
-
رد: زيارتي الاولى للدراسة في بورمث
https://www.otlaat.com/arabtravelers...quote_icon.png المشاركة الأصلية كتبت بواسطة بعد قليل
http://www.arabtravelersforum.com/tr...9/#post3818289
اشكر كل من شجعني وشاركني في هذا الموضوع وما جعلني اسرد لكم قصتي واتواصل معكم إلا هذه الكلمات الرائعة الطيبة منكم فلكم مني جزيل الشكر وجميل الثناء .
انا لا امانع ان اتواصل مع اي شخص ولكن لا اعرف هل وضع الايميل مخالف لقوانين المنتدى ام لا ؟ أو وضع الجوال ،،،،
لا أحب ان اخالف القوانين الموضوعة وإلا والله ودي اخدم أي واحد من عيوني ولا أريد إلا الدعاء منكم .
انا الان موجود في السعودية وسأذهب إن شاء الله في شهر 7 إلى بورمث بإذن الله . ولعلنا نتشرف بشوفتكم ولكن الكلام بالانجليزي هذا شرط أساسي .
أنا الان مستعجل ابروح اصلى ( أسأل الله أن يتقبل من الجميع ) ولي عودة قريبة معكم بإذن الله لأكمل لكم بقية الرحلة https://www.otlaat.com/arabtravelers...a4fa614b2a.gif .
انا مسافر بشهر جولي يوم واحد وبجلس شهر ببورمث
ادرس لغة اذا ودك نتخاوى بلغني و على بركة الله نتوكل .
-
رد: زيارتي الاولى للدراسة في بورمث
اخوي الحرية اتشرف في اخوتك ولكن انا معي اثنين وتاريخ الذهاب 14 جولاي ، لكن لعلنا نشوفك هناك
صبحكم الله بالخير وأسعد الله نهاركم بالمسرات
اليوم نواصل سالفتنا في بورمث ،،،،،
انا من طبعي اني ادرعم يعني احب اروح اتمشى واشوف كل شيء جديد ، المهم مرةوانا جاي من لندن على الباص وبصراحة كنت محتاج دورة المياة ضروري ، وكان الباص له محطة لازم يوقف عندها يبغى يحمل ركاب
قال السواق ، اللي يبغى ينزل يشتري شيء ينزل . بس لمدة خمس دقايق . طبعا هم عندهم الدقة بالوقت بالملي يعني لو تأخر : خلاص يروح عنك .
المهم نزلت وطيران لدورة المياة وحالتي حالةhttps://www.otlaat.com/arabtravelers...647e71mjqc.gif . جيت عند الدورة ولكن كان فيه شيء مثل الحاجز ،،، شيء مثل اللي بالاسواق الكبيرة لما تجي تدخل يدور وتدخل . لعلي دفعت الحاجز لكن ما مشى معي وحاولت لكن برضة ما فتح ، المهم فيه عجوز عند الكاونتر ( مكان الحساب ) صرخت وقالت تعال . بكل براءة جيت وقلت نعم ، قالت : تبغى دورة المياة ادفع فلوس ،،،،، !!!!!!!!!! صراحة انبهرت يعني كلها دقيقة . المهم انا مستعجل وابعطيها اللي تطلب ، قلت كم ، وانا ما اقدر اتحمل . قالت : عشرين سنت ،،،، مبلغ قليل ، المهم دورت معي : ما لقيت ،، وانا اعطيها خمسة بوند وقلت لما اطلع عطيني الباقي . قالت لا : اصبر خلك شوف لك صرف ، وشوي إلا تقول لي : ما معي صرف ،. قلت ما اقدر ، قالت خلاص رح بلاش ،،،، وتضغط زر عندها وتخليني ادخل وانحلت المشكلة ، ولله الحمد ، بصراحة بغيت اروح بخرايطها .
كانت المدرسة تنظم رحلات في الويكند ( نهاية الاسبوع ) مثلا يوم السبت فيه رحليتن وحدة إلى لندن ووحدة إلى اوكسفورد ، والاسبوع اللي بعدة إلى بول وإلى سوينج وعلى هالحال .
وكان السعر مقبول جدا ( حلو ) يعني كانت بعشرين بوند رايح جاي . طبعا لندن أنا ريح لها فقلت ما بدهاش خلاص ابروح إلى اكسفورد ،،، دائما ما اسمع عن قاموس اكسفورد وكتب مطبوعة عن طريق اكسفورد وتوقع انكم مثلى تسمعون هالاشياء ، المهم قررت إلى اكسفورد .
سجلت بالرحلة وركبنا الباص ،،، بصراحة فلة كان معنا مرشد يعلمنا وين نبي نروح بالظبط وش نبي نمر عليه .
يوم وصلنا : مشينا مع بعض والمرشد يسولف عن الجامعات ، ودخلنا جامعة وشفنا طلاب انواع الطلاب ، وكان فيه طلاب على شكل مجموعات واغلبهم من اليابان .
بعد ما تمشينا قال المرشد الحين كل واحد ياخذ راحته ، رح للي تبي وشف اللي تبي وقال شوفوا هناك فيه مكتبة عامة لبيع الكتب ( استماع ـ محادثات ـ قواعد ـ الخ )
عاد خويكم يموت بالكتب ، وانا اترك الشباب واروح لم المكتبة واجلس اتصفح ،،، وبصراحة كنت متحير وش اشتري لأني كل ماشفت كتاب ، قلت اهذا احسن ، وكنت مركز على كتب المحاثة والاستماع .
المهم قلت لصاحبة المكتبة ساعديني ، جاءت وقالت ابشر ، واختارت مجموعة كتب . وشريت منهم .
طبعا الكتب غالية نوعا ما يعني الكتاب تلقاه مع سيدي ب 18 بوند او عشرين او 22.
بعد ما دوجت ( تمشيت بكل مكان ) رحت لمكان الباص وقد اخذ مني التعب ما اخذ ( متعوب عليها الجملة الاخيرة https://www.otlaat.com/arabtravelers...647e71qd86.gif)
في المرة القادمة :
ما قصة الطالبة الالمانية ؟ ولماذا تريد هدية ؟
لماذا اجتمعوا ( المان ـ كوريا ـ تايون ـ فرنسا ) وتفرقوا مندهشين ؟
-
رد: زيارتي الاولى للدراسة في بورمث
إستمرررررررررررررررر ... واهديك كاس افضل لاعب في المنتدى لهذا الاسبوع https://www.otlaat.com/arabtravelers...b826e3x9ht.gif
الله يوفقك بالرحله الجايه .... وياريت لو تقدر تسأل عن طريقة اضافة الصور .. بيكون الموضوع اكثر اثاره وتشويق
-
رد: زيارتي الاولى للدراسة في بورمث
الجزء الاخير رووعه
وبانتظارك في الجزء القادم
-
رد: زيارتي الاولى للدراسة في بورمث
مشكور اخوي وماقصرت بس قلنا كيف نظام العائلة لاني جاي بالصيف يعني يخلونك براحتك ولا لا ويغسلون ملابسك
والاكل عندهم حلال ولا لا ووش الوجبات اللي يقدمونها وكيف الصرف هناك مع العلم اني بدرس شهر في كامبردج
وقلي وش رايك في معهد ef school وبس مشكور ...https://www.otlaat.com/arabtravelers...b826e14b2a.gif
-
رد: زيارتي الاولى للدراسة في بورمث
هذا الرد فقط للإجابة على استفسارات اخي البرنس وليد وسنكمل رحلتنا في وقت لاحق إن شاء الله
https://www.otlaat.com/arabtravelers...quote_icon.png المشاركة الأصلية كتبت بواسطة البرنس وليد
http://www.arabtravelersforum.com/tr...6/#post3828936
مشكور اخوي وماقصرت بس قلنا كيف نظام العائلة لاني جاي بالصيف يعني يخلونك براحتك ولا لا ويغسلون ملابسك
https://www.otlaat.com/arabtravelers...quote_icon.png المشاركة الأصلية كتبت بواسطة البرنس وليد
http://www.arabtravelersforum.com/tr...6/#post3828936
بالنسبة للعائلة ،،، غالبا يكونون طيبين ولا يتدخلون بشؤونك ،، يعطونك مفتاح البيت ومتى ما جيت تجي يعني ما يقولون لك ليه تأخرت والا ليه ما جيت ،،،، لكن بعض العوائل يقولون لك حط عندنا خبر إن كانك منتب جاي تتعشى ،،،العشاء في اغلب العوائل الساعة 6
أما الملابس ،،، فهناك عوائل تغسل لك الملابس مرة واحدة في الاسبوع ،،،طبعا يعلمونك كيف تشغل الغسالة وكيف تحط الصابون ( عسالاتهم غير) https://www.otlaat.com/arabtravelers...d8b6d14b2a.gif
بعض العوائل تدفع لهم اربعة او خمسة بوند وهم يغسلون كل ملابسك ويرجعونها لك بعدين .
والاكل عندهم حلال ولا لا ووش الوجبات اللي يقدمونها وكيف الصرف هناك مع العلم اني بدرس شهر في كامبردج
الاكل اهم شيء احذر من لحم الخنزير وغالبا هم يعلمونك عن الاكل هل هو خنزير ام لا . أحيانا العوائل تصلح دجاج صحن خضار وبطاطس مسلوق ( كثيرا يسوونه البطاطس المسلوق ) احيانا بيتزا واحيانا سمك
وقلي وش رايك في معهد ef school وبس مشكور ...https://www.otlaat.com/arabtravelers...d8b6d14b2a.gif
واخيرا المعهد اعذرني ما اعرف عنه شيء لكن بحثت لك وعسى هالرابط يفيدك
-
رد: زيارتي الاولى للدراسة في بورمث
-
رد: زيارتي الاولى للدراسة في بورمث
حبيبي البرنس
ابتعد كل البعد عن ef لانه معهد فاشل وكل العالم تسبه
ماهمهم الا ياخذون الفلوس وراعين بارتي وخربطه
ماعندهم تدريس صح
انا اعرف اكثر من شخص درسوا فيه ....ومايمدحونه
-
رد: زيارتي الاولى للدراسة في بورمث
مرحبا انا رايح بالصيف مدة شهرين ومحتار تتوقع تكفي شهرين اهم شي المحادثةوعندي كم سؤال
انت يوم تروح كان عندك لغة ولا كيف
وكم جلست
وهل تحس انك استفدت
بس ماشاء الله عليك اسلوبك خطيييييييييييييير
-
رد: زيارتي الاولى للدراسة في بورمث
https://www.otlaat.com/arabtravelers...d8b6d14b2a.gif
وااااااااااااو
أعشق اليوميات ، وسرد ما يحدث لك
وبطرق مشوّقة وعجيبة ، مع العناوين الملفتة صراحة
اهنيك على هيك موضوع ، ياليت تتدعم الموضوع
ببعض الصور .. :) ، اكمل اكمل
متااااااااااابعيــــن
-
رد: زيارتي الاولى للدراسة في بورمث
https://www.otlaat.com/arabtravelers...quote_icon.png المشاركة الأصلية كتبت بواسطة م م ج
http://www.arabtravelersforum.com/tr...7/#post3839097
مرحبا انا رايح بالصيف مدة شهرين ومحتار تتوقع تكفي شهرين اهم شي المحادثةوعندي كم سؤال
https://www.otlaat.com/arabtravelers...quote_icon.png المشاركة الأصلية كتبت بواسطة م م ج
http://www.arabtravelersforum.com/tr...7/#post3839097
انت يوم تروح كان عندك لغة ولا كيف
وكم جلست
نعم ، انا معي لغة يوم اروح ،،، ما جلست كثير ،،،، حوالي شهر
وهل تحس انك استفدت
واستفدت كثيرا من ممارسة اللغة هناك
بس ماشاء الله عليك اسلوبك خطيييييييييييييير
يعطيك العافية ،،،، انتم وقود المشاركات
-
رد: زيارتي الاولى للدراسة في بورمث
موضوعك مميز ينقص حاجتين
1- صور
2- لو تسرد القصص على طول علشان الواحد يمخمخ عليه صح
-
رد: زيارتي الاولى للدراسة في بورمث
هلا اخوي مرره ثانيه ,,,
نسيت اسألك ايش تنصحني في المناطق ,,,
برايتون او بورمث او اي منطقه اخرى.
وانت لما رحت اول مره كيف كانت لغتك لاني والله ماافهم شي . يعني لغتي مررره تعبااانه ..
-
رد: زيارتي الاولى للدراسة في بورمث
https://www.otlaat.com/arabtravelers...quote_icon.png المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3848796
هلا اخوي ,,,
https://www.otlaat.com/arabtravelers...quote_icon.png المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3848796
والله التقرير اكثر من روووووعه ,,,
وانا ان شاء الله ناوي على البرايتون بعد رمضان وانا اول مره اجي بريطانيا ولغتي بالاتجليزي صفر يعني يلله الحروف وبعض الكلمات ,,, عطنا شوي من نصايحك ,,,
والله يكثر من امثالك
شكرا لك . وانصحك قبل لا تروح بكتاب تحدث الانجليزية للمؤلف فهد البهلال ،، كتاب يتكلم عن بعض المواقف والحوارات في الفندق والمطار والمطعم والشارع ،،،، يفيدك في الكلام البسيط الذي تحتاج .
حاول تشوف لك مدرس يدرسك من نفس الكتاب المذكور حتى يكون عندك مبادئ محادثة .
https://www.otlaat.com/arabtravelers...quote_icon.png المشاركة الأصلية كتبت بواسطة ابو طارق 2
http://www.arabtravelersforum.com/tr...0/#post3848750
موضوعك مميز ينقص حاجتين
https://www.otlaat.com/arabtravelers...quote_icon.png المشاركة الأصلية كتبت بواسطة ابو طارق 2
http://www.arabtravelersforum.com/tr...0/#post3848750
1- صور
2- لو تسرد القصص على طول علشان الواحد يمخمخ عليه صح
هلا اخوي ابو طارق ،،، بصراحة ما اعرف احط صور ،،، لا تستغرب ، ما لي في الكمبيوتر
https://www.otlaat.com/arabtravelers...quote_icon.png المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3849076
هلا اخوي مرره ثانيه ,,,
https://www.otlaat.com/arabtravelers...quote_icon.png المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3849076
نسيت اسألك ايش تنصحني في المناطق ,,,
برايتون او بورمث او اي منطقه اخرى.
وانت لما رحت اول مره كيف كانت لغتك لاني والله ماافهم شي . يعني لغتي مررره تعبااانه ..
برايتون روعة وبورمث كذلك ،،،و ما دامك في برايتون خلك عليها ،،، برايتون اكبر بكثير من بورمث وفيه مجال للتمشي والروحات والجيات . https://www.otlaat.com/arabtravelers...707e80oz5j.gif
-
رد: زيارتي الاولى للدراسة في بورمث
هلا والله بك اخوي من جديد ,,,
ابسألك انت قلت تعرفت على شباب في نفس السكن اللي كنت انت فيه ,,, انا مافهمت عليك يعني العائله اللي انت ساكن عندهم فيه كذا غرفه مأجرينها لغيرك ,, وبعدين الاكل اللي عند العائله مناسب لنا وهل انت تاكل معاهم ولا يعطونك اكلك في غرفتك ,, والله انا صاحب عائله بالسعوديه وأخاف أني احن على البزوره وأطفش وأعود ,,,, https://www.otlaat.com/arabtravelers...20a7c1j7m5.gif
-
رد: زيارتي الاولى للدراسة في بورمث
مشكور اخوي وتعبتك معي واحنا في انتظار باقي يومياتك في برونموثhttps://www.otlaat.com/arabtravelers...d165f14b2a.gif
-
رد: زيارتي الاولى للدراسة في بورمث
https://www.otlaat.com/arabtravelers...quote_icon.png المشاركة الأصلية كتبت بواسطة الجعيدي 22
http://www.arabtravelersforum.com/tr...1/#post3850421
هلا والله بك اخوي من جديد ,,,
https://www.otlaat.com/arabtravelers...quote_icon.png المشاركة الأصلية كتبت بواسطة الجعيدي 22
http://www.arabtravelersforum.com/tr...1/#post3850421
ابسألك انت قلت تعرفت على شباب في نفس السكن اللي كنت انت فيه ,,, انا مافهمت عليك يعني العائله اللي انت ساكن عندهم فيه كذا غرفه مأجرينها لغيرك ,, وبعدين الاكل اللي عند العائله مناسب لنا وهل انت تاكل معاهم ولا يعطونك اكلك في غرفتك ,, والله انا صاحب عائله بالسعوديه وأخاف أني احن على البزوره وأطفش وأعود ,,,, https://www.otlaat.com/arabtravelers...d165f1j7m5.gif
هلا اخوي ،،، السكن اللي انا فيه كان فيه خمسة غرف لطلاب من عدة دول ،،، كان فيه طالب من تركيا وطالب من تايون واثنين من السعودية ،،،،
نظام المعهد ،،، لايسمح بتواجد طلاب سعوديين مع بعض ،،، لكن هم اخوان وانا جيت وتفاجأت فيهم ،،، لكن بعد اول يوم ومع السواليف معهم ،،، ارتحت لهم ،،، ولاكن لو قدمت شكوى للمعهد كان غيروا العائلة ،،، لكن الامور كانت تمام .
بعض العوائل مسوين بيتهم سكن للطلاب ،،، فأحيانا تلقى بيت فيه طالبين واحيانا اكثر قد يصل في اكثر الاحيان لخمسة ،،،
تبي الصراحة ودي يكون فيه جنسات كثيرة عشان ندقها سواليف ونفلها ،،،
بالنسبة للأكل راح اقول لكم عنه في المرحلة ما بعد القادمة إن شاء الله ( تقرير حلو )
بالنسبة للبزورة والله اني مثلك احن للبزور لكن الشكوى لله . انا ما اطول في رحلتي
https://www.otlaat.com/arabtravelers...quote_icon.png المشاركة الأصلية كتبت بواسطة الحـرية
http://www.arabtravelersforum.com/tr...1/#post3850441
بعد قليل خير سفير
https://www.otlaat.com/arabtravelers...quote_icon.png المشاركة الأصلية كتبت بواسطة الحـرية
http://www.arabtravelersforum.com/tr...1/#post3850441
بيض الله وجهك وجزاك الله خيرآ
الله يحفظك اخوي واشكرك على جميل الكلام
https://www.otlaat.com/arabtravelers...quote_icon.png المشاركة الأصلية كتبت بواسطة البرنس وليد
http://www.arabtravelersforum.com/tr...0/#post3851460
مشكور اخوي وتعبتك معي واحنا في انتظار باقي يومياتك في برونموثhttps://www.otlaat.com/arabtravelers...2b5c914b2a.gif
ابشر يا غالي من عيوني .
الشكر لجميع المتابعين على تشجيعهم وكلماتهم التي هي ما جعلتنا اتحمس للمواصلة فشكرا من الاعماق https://www.otlaat.com/arabtravelers...2b5c914b2a.gif
-
رد: زيارتي الاولى للدراسة في بورمث
هلا اخوي والله ,,,,
بأنتظار كامل تقريرك بأحر من الجمر ,,,
ابسألك انا ادري بتقول ياكثر اسألته https://www.otlaat.com/arabtravelers...2b5c941s87.gif ,,
وفقك الله اخوي ,,,,
-
رد: زيارتي الاولى للدراسة في بورمث
صراحة سردك لزيارتك رررائع جداً
وأنا من أسباب تسجيلي بالمنتدى موضوعك ولا أبالغ والله ..
أتمنى تكمل لأني الحقيقة لي روحة لبورمث .
سؤال برئ كم أسعار التذكرة من الخطوط السعودية
وهل فيه خطوط رخيصه بالرياض أروح احجز قبل الزحمات
-
رد: زيارتي الاولى للدراسة في بورمث
== بعد قليل ==
كتبت فـ أبدعت و بصراحه من خيرة السفراء عسى الله يوفقك ،، و أعجبني منطقك بالرد على البنت الألمانيه .. يا ولد جيراننا
تحياتي لك ...
-
رد: زيارتي الاولى للدراسة في بورمث
بارك الله فيك ، انت خير سفير لدينك ، لا خير فينا ان قدمنا صورة سيئه عن الإسلام .
طيب عندي سؤال يالحبيب الغالي ولاطنشني زي الرد 16 https://www.otlaat.com/arabtravelers...0486a1qd86.gif
اقدر اخذ مع البلايستيشن والعب فيه عند العائله https://www.otlaat.com/arabtravelers...0486a14b2a.gif ؟
تخبر الواحد بيطفش والنهار هناك برمضان طوووويل
-
رد: زيارتي الاولى للدراسة في بورمث
اخوي حمستنا بس وش تنصحنا ناخذ معنا في بريطانيا مثلن الجو كيف بارد ولا يعني وبعدين انا في كامبردج ان شاء الله بس حبيت اسئلك العائلة يودونك رحلات ولا لا والمعهد بعد يسوون رحلات بس وش اللي يخليك تطفش واقدر انزل لندن في الويكند وارجع بالليل بالقطار والمواصلات اقدر استاجر سيكل ولا لا او تنصحني في الباصات وفي اشتراك مفتوح بالباصات مثل ما سمعت ولا لا ووش تنصحني استعين في الكتب ولا اشتري قاموس اطلس وفي صعوبة في التعامل مع الشعب البريطاني مثل ما سمعت وما ابي اطول عليك تعبتك معي بس مثل ما تعرف اول مره اروح لحالي والمدة شهر مع العلم اني ادرس في ثاني ثانوي وانتظر باقي تقريرك ...
-
رد: زيارتي الاولى للدراسة في بورمث
هلا اخوي بعد قليل ,,,,
وأشكرك من كل قلبي على سعة قلبك وصبرك ,,,
والله يكثر من امثالك ولاتتأخر علينا بالتقرير ,,,,,
وأكيد فيه اسئله كثيره بس مانبي ننحشك وبعدين ماتكمل التقرير https://www.otlaat.com/arabtravelers...0486a0oz5j.gif